Lc 19:9 - Chuj San Sebastian Bible

⁹ Yuj cha, xyaln Jesús 'ixtic: —A ticnec, 'ix schaj eb' 'ajn̈a tic colnb'il, yujto a Zaqueo tic yel yin̈tl can Abraham.

Chuj San Mateo Bible

⁹ Yuj chi' ix yalan Jesús chi': —A ticnaic, ix cha scolnab'il vin̈ aj pat tic, yujto val yel yin̈tilalpaxcan Abraham vin̈.

Lc 19:9 Referans Kwoze

Gl 3:7

Yuj cha, nachj cab' 'el eyu'uj, a mach tzya'ch sc'ojl 'a Dios, atn eb' caw yel yin̈tl can Abraham cha.

Lc 13:16

Ax jun 'ix tic, yin̈tl can Abraham 'ix. Swajxclajn̈il ab'il xo syamchj 'ix yuj win Satanás, 'icha to pixb'il 'ix yuj winac. ¿Tom man̈ smojc scolchj 'el 'ix 'a syailal 'a sc'ul 'iljelal tic tze na'a? xchi.

Ro 4:16

Yujn̈ej to ya'jnac 'och win Abraham sc'ojl 'a Dios, yuj cha, ya'jnac can Dios sti 'a winac. 'Ixta tz'aj scheclj 'eli, to yujn̈ej swach'c'ojlal Dios, ya'n can sti'. Yuj cha, an̈ec yin̈tl on̈c Abraham tic, caw yel quiquec pax qui masnil yet' winac. Man̈ cojnoc eb' tzyiclni jun ley chi 'ay yico', palta quiquec pax qui masnil an̈ tzca'c 'och qui c'ojl 'a Dios, 'icha ya'jnac win Abraham cha. Yujto a winac, mamb'il yaj 'ayn̈ec 'a sat Dios, yujto ya'jnac 'och win sc'ojl 'a 'a.

A Sb'ab'el Carta San Pedro 2:10

A 'a yic yalan̈, man̈ on̈ schon̈b'oc Dios. Palta ax ticnec, schon̈b' on̈c xo. A 'a yic yaln̈ cha, may mach x'o'ch sc'ojl 'ayn̈ec. Palta ax ticnec, atn Dios tz'o'ch sc'ojl 'ayn̈ec.

Gl 3:29

Yujto yic on̈c xo Cristo, yuj cha, yin̈tl on̈ec xo Abraham yet'oc. Ax jun tas yaljnac can Dios yic ya'n sti', 'oj qui chac quico'oc.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

Lc 3:8

Toto tze na e b'a yuj e mul, yowlal wach' tzeyutj e b'eyb'al, sec tzcheclj 'eli chajtlto caw yel. Man̈ laj eyal 'ixtic: May pena, an̈ tic yin̈tl on̈ can Abraham, man̈ xe chioc, yujto an tzwal 'ayex, toto tzyal sc'ojl Dios, tztac' tz'och jun tzo'n̈ q'uen q'uen tic yin̈tloc Abraham chi e jeloc.

Lc 2:30

A yet' in sat tic, caw tzwil jun Colwjum,

Lc 13:30

'Ay eb' 'a qui calc caw may yel'ch ticnec. Palta a 'a jun tiempoal cha, 'ay eb' chi yel xo niwn yel'ch ta'. 'Ay pax eb' 'a qui calc caw niwn yel'ch ticnec. Palta a 'a jun tiempoal cha, 'ay eb' chi toxn may jac yel'ch ta', xchi Jesús.

Lc 16:24

Yuj cha, x'awj chan̈ winac, 'ix yaln 'ixtic: Mamin Abraham, comnoc tz'o' cot a c'ojl 'ayin. Tza chec cot Lázaro 'ayin. Tzyac' 'ejm junc yune sc'ab' 'a scal a a', tzwul ya'nc 'och jac 'a sn̈i wac' tic. Yujto caw matz techj wab'n syal 'a scal c'ac' tic, xchi winac.

Lc 16:30

Yel ton mamin Abraham: Palta toto 'oj yil eb' spitzw pax junc mach 'a scal eb' chamnac, 'oj sna sb'a eb', xchi winac.