Lc 19:21 - Chuj San Sebastian Bible

²¹ An tic, in xiw o'oj, yujto wojtac caw ch'an ach. Yujto ach tic, toxn̈ej tza chaj eco'oc tas tzyac' ganar junc xo 'anma'. Toxn̈ej tza jach'a, palta may tas tzawej, xchi 'a winac.

Chuj San Mateo Bible

²¹ A in tic tzin xivi, yujto vojtac ach to junn̈ej b'elan̈ ach, yujto a ach tic, toxon̈ej tza cha iquej tas syac' ganar junxo anima. Toxon̈ej tza jach'a', palta malaj tas tzavej, xchi d'a vin̈.

Lc 19:21 Referans Kwoze

San Judas 1:15

Atta 'oj sb'eyc'ojloc smasnil 'anma'. Jantcn̈ej eb' maysch'olnil, 'oj ya'ch yailal 'a yib'n̈ eb' yuj smul, yujto maysch'olnil eb'. A eb' tu tzaln 'a spatc Cajlilc cha, eb' caw maysch'olnil snab'en, 'oj ya'ch pax yailal 'a yib'n̈ eb', xchi win Enoc cha.

1 Jn 4:18

Toto yel 'ay qui chamc'ojlalec, man̈xtzac on̈ xiwec. A mach tz'acn schamc'ojlal, man̈xtzac xiwi. Yujto a yic tzon̈ xiwec, caw tzcab'c syal yu'uj. Yuj cha, a eb' tzxiwi, mant tz'acnoc schamc'ojlal eb'.

Santiago 2:10

Wach'xam tzqui yicljec smasnil sley Dios, palta toto 'ayt junc matz qui yicljec, tzyal 'el'chi, wan qui te'nec can 'ejm sley chi smasnil.

2 Ti 1:7

A Dios, man̈oc xiwc'ojlal xyac' 'ayon̈. Palta a spoder 'ix yac'a, sec te'n tzcutj qui b'a. 'Ix ya'n qui chamc'ojloc qui b'a, 'ix ya'n pax cac' cuenta qui b'a qui ch'ocoj.

Ro 8:15

Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

A Ch'an̈ B'ab'el Libro Samuel 12:20

'Ix ta'w Samuel 'a eb' chon̈b' chi 'ixtic: —Man̈ ex xiwoc, ax tic caw wal x'och e mul si'mb'il, palta ax ticnec, man̈x eyi'l e b'a 'a stz'ey Jehová, to tzeyac' servil wal yet' smasnil e c'ojol.

Lc 19:20

Palta xc'och junx smoso win cha, 'ix yaln 'ixtc 'a winac: Patron̈, yaj q'uen a tumn tic, molb'il q'uen wuj 'a yol in payu'.

Lc 19:22

Yuj cha, xyaln pax win 'ixtc 'a 'a: Ach tic cob' moso ach, palta caw may a ch'olnil. Yuj wal jun tzo'n̈ tas xal tic, 'oj ach in b'eyc'ojloc. 'In ojc xoni ch'an in. Toxn̈ej tzin chaj wico'oc tas tzyac' ganar junc xo 'anma'. Toxn̈ej tzin jach'a, palta may tas tzwawej.