Lc 18:7 - Chuj San Sebastian Bible

⁷ An̈jtona Dios, caw 'oj sb'oyaj pax eb' sic'b'il 'el yu'uj, eb' to tz'awj 'a sc'ual yac'wlil 'a 'a. ¿Tom 'oj 'ec' tiempo sb'onyaj eb'?

Chuj San Mateo Bible

⁷ Axo pax Dios, ¿tom man̈ ol sb'o yaj d'a eb' sic'b'ilel yuuj, eb' tz'avtan d'a c'ual d'ac'val? ¿Tom ol ec' tiempo scolvaj d'a eb' tze na'a?

Lc 18:7 Referans Kwoze

A Schab'il Carta San Pedro 3:9

'Ay eb' tznani, to caw tz'ec' tiempo yuj Cajlilec cha. Ma'ix 'el'ch 'icha yaj ya'n can sti snan eb'. Palta man̈ 'ichcta tz'aj 'icha tzna eb' cha. Mantzac jawi, yujto caw 'ay sniwnc'ojlal 'ayn̈ec 'a yolyib'n̈q'uinl tic. Tznib'j to may junc 'oj satcn 'eli. Tznib'j to tzna sb'a eb' 'anma smasnil.

Lc 11:13

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' a eb' eyunnal. Ax qui Mamc 'ayc' 'a satcha'an̈, yel xo wal 'oj yac' Yespíritu 'a eb' tzc'ann 'a 'a, xchi Jesús 'a eb'.

1 Ti 5:5

'Ay eb' 'ix chamnc xo yichmil, caw yel tzcan eb' sch'ocoj. Cojxn Dios tzya'ch eb' yipc sc'ojol. Sc'ual yac'wlil sleslwi eb' 'a 'a, tzc'ann eb' jantcn̈ej tas 'ay tz'och yu'uj.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.

2 Ts 1:6

A eb' tzex 'ixtn ticnec, a Dios 'oj 'a'noc syailal eb'. Caw tojl tzyutj Dios 'ixta'.

Lc 2:37

Ax ticnec, 84 ab'il xo scan 'ix sch'ocoj. Caw matz yactj can 'ix yatut Dios, sc'ual yac'wlil ya'n servil 'ix Cajlil. Tzya'n 'och sb'a 'a c'ajb'c'ojlal, tzleslwi paxi.

Mt 7:11

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' 'a eb' eyunnal. Ax qui Mamc 'ayc' 'a satcha'an̈, yel xo wal niwn tas wach' tzyac' 'a eb' tzc'ann 'a 'a.

Salmos 88:1

Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

1 Ts 3:10

Sc'ual yac'wlil ca'n 'ip qui leslwi on̈, sec toq'ue tztac' 'oj 'at ex quil on̈, ax qui wach' 'a'n tz'acwc e te'nal on̈.

A Scarta San Pablo D'a Eb' Aj Colosas 3:12

A Dios, caw 'ay schamc'ojlal 'ayn̈ec. On̈ si'c 'och yico'oc. Yuj cha, caw wach' cab' tzcutjec qui b'eyb'al 'a sat. Tz'o'ch qui c'ojlec 'a eb' quit 'anma'il, wach' tzcutjec qui b'a 'a eb'. 'Emmquilal tzlaj cutquec qui b'a. Tzca'nec niwnc'ojlal 'a eb' tzlaj 'och smul 'ayn̈ec.

Ro 8:33

An̈ec sic'b'iln̈ec 'el yuj Dios, may xon junc mach tztac' on̈ ya'nec queja 'a 'a. Atn Dios tzalni to wach'n̈ec 'a sat.

Apoc 7:15

Yuj cha, 'ayc' eb' 'a yojltac sdespacho Dios 'a yatut. Sc'ual yac'wlil ya'w servil eb'. Ax jun wocn 'ejm 'a sdespacho cha, a tztan̈wni eb', yujto 'ayc'n̈ej yet' eb'.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

2 Ti 1:3

Sc'ual yac'wlil in leslwi o'oj. A yic tzin leslwi 'a junjn 'ejem, tzwa'n pax yuj diosal 'a Dios o'oj. Caw tojl tzwutj in nab'en wa'n servil, 'icha ya'jnac eb' in mam wicham.

Salmos 9:8

Wach' 'oj otc a b'eyc'ojlan yolyib'n̈q'uinl tic, ax a'n yajlil 'a yib'n̈ smasnil eb' chon̈b' 'a stojlal.

Ex 22:23

Toto tzeyixtj eb', ax yaln sb'a eb' 'ayin, an xo 'oj in colwj yet' eb'.

Is 40:27

Ex israel yin̈tl can Jacob, ¿tas yuj tzex we'lji eyawji? ¿Tas yuj tzeyal 'ixtic: A Jehová caw matz on̈ yilc coti, caw matz 'och 'il Dios jac cujec? xe chi.

Mt 24:22

Toto a Dios ma'oj yac' c'ochmb'oc jun tiempoal yic yailal cha, may junc mach 'oj colchjoc can 'el 'a yol sc'ab' chamel. Palta yuj eb' sic'b'ilx 'el yu'uj, ax ya'n c'ochmb'oc.

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Lc 21:28

A yic wan xo yuj jun tzo'n̈ tas tzwal tic, tzaljan̈ec, te'wtzejc e b'a, yujto jab'xoj wal e colchji, xchi Jesús 'a eb'.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.

A Sb'ab'el Carta San Pedro 1:1

An tic Pedro 'in, schecb' in Jesucristo. Tzin tz'ib'j 'at jun in carta tic 'ayx ex pucnc can 'at 'a yol yic Ponto, 'a Galacia, 'a Capadocia, 'a Asia, yet' 'a Bitinia.