Lc 16:13 - Chuj San Sebastian Bible

¹³ May junc mach tztac' ya'n servil chawn̈oc spatron̈. Yujto 'ay jun 'oj schacli, ax jun 'oj schamc'ojloc. 'Ay jun 'aj 'oj ya'ch snab'en, ax jun may jac yel'ch 'a sat. Yuj cha, matz tac' eya'n servil Dios, tzeya'n pax 'och e nab'en 'a e ricoal, xchi Jesús 'a eb'.

Chuj San Mateo Bible

¹³ Malaj junoc mach syal yac'an servil chavan̈oc spatrón, yujto ay jun malaj yelc'och d'ay. Axo junxo te nivan yelc'och d'ay. Vach' syutej sb'a d'a junoc, axo d'a junxo chuc syutej sb'a. Max yal-laj cac'an servil Dios yed' q'uen tumin, xchi Jesús d'a eb'.

Lc 16:13 Referans Kwoze

Mt 6:24

May junc mach tztac' ya'n servil chawn̈oc spatron̈, yujto 'ay jun 'aj 'oj chichnc 'ochi, ax jun 'oj schamc'ojloc, mto 'ay junc 'aj 'oj ya'ch snab'en, ax junc may yel'ch 'a sat. Yuj cha, matz tac' ca'nec servil Dios, tzca'nec pax 'och qui nab'en 'a q'uen tumin.

Lc 14:26

Toto 'ay mach tzjaw 'ayin, palta yel xo niwn yel'ch smam snun 'a wib'n̈ snani, yet' yistzil, yunnal, yu'tac, yanab', yet' stzatzil, toto 'ixta', matz tac' yoch in cuywumoc.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Josué 24:15

Palta toto matz yal e c'ojl tzeyac' servil Jehová, si'c ticnec mach 'oj eyac' servil. Tom a jun tzo'n̈ comn dios ya'jnac servil eb' qui mam quichmec 'a sc'axpil 'ec' a Eufrates, mto a scomn diosal eb' amorreo 'aj cajnon̈c 'ec' tic. An xo tic yet' smasnil eb' wic cajn 'a yol watut, a Jehová 'oj ca' servil on̈, xchi Josué.

Lc 11:23

A eb' man̈ 'ayc 'och wet'oc, 'ajc'ojl yajch eb' 'ayin. Ax eb' matz molb'tzan cot eb' 'anma wet'oc, a eb' tz'a'n sactzic eb'.

Lc 16:9

An tzwal 'ayex, a q'uen tumin, c'un sc'anx 'a maysch'olnil. Palta a 'a tas wach', a cab' ta tze c'anlb'ej sec wach' 'ay eb' 'oj e wach'c'ojloc e b'a yet'oc. Toto 'ixta', at yic 'oj lajwc yopiso jun tumn chi eyu'uj, 'ay eb' 'oj e chan e c'och 'a 'aj 'ay jun eyet'l 'a jun 'ejmn̈ej.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Lc 9:50

Xyaln Jesús 'ixtc 'a 'a: —Matz tac' e tenn 'och wan winac, yujto a eb' matz chichn 'och 'ayn̈ec, wach' yaj eb' quet'ec, xchi 'a 'a.

Lc 16:12

An̈jtona', toto man̈ tojloc tzeyutj e b'a yet' jun tzo'n̈ tas man̈ eyico'oc, ¿tom 'oj 'ajxc jun tzo'n̈ tas caw eyic 'ayex?