Lc 13:12 - Chuj San Sebastian Bible

¹² Ax yic xyiln Jesús, to 'ayc' 'ix ta', 'ix yawtn cot 'ix 'a stz'ey, 'ix yaln 'a 'ixtic: —Ach 'ix, tic ach colchj can 'el 'a jun a yailal tic, xchi 'a 'ix.

Chuj San Mateo Bible

¹² Axo yic ix ilchaj ix yuj Jesús, ix avtajcot ix yuuj, ix yalan d'a ix: —Ach ix, toxo ach colchaj d'a jun a yaelal tic, xchi d'a ix.

Lc 13:12 Referans Kwoze

Salmos 107:20

Xyalni to tzb'ox sc'ojl eb', yuj cha 'ix jaw sc'ojl eb'; scoln 'elt eb' 'a yol sc'ab' chamel.

Mt 8:16

Ax 'a sq'uic'b'alil, til wal eb' tz'ixtx yuj ewin demonio, 'ix 'ijx 'at eb' 'a Jesús. Junn̈j paxti'al xyala, x'el ewin demonio chi 'a eb'. An̈jtona', 'ix ya'n b'oxc can sc'ojl smasnil eb' ya'ay.

Lc 13:16

Ax jun 'ix tic, yin̈tl can Abraham 'ix. Swajxclajn̈il ab'il xo syamchj 'ix yuj win Satanás, 'icha to pixb'il 'ix yuj winac. ¿Tom man̈ smojc scolchj 'el 'ix 'a syailal 'a sc'ul 'iljelal tic tze na'a? xchi.

Jl 3:10

Sb'o cab' eb' q'uen asaron yespadaoc, ax q'uen jos, sb'o cab' eb' q'uen slanzaoc. A eb' may xon yip, yal cab' eb' to caw wal 'ay yip eb' ticnec.

Is 65:1

'Ix yaln Dios 'ixtic: A eb' 'anma man̈ in nanoc yu'uj, a eb' xjaw 'ayin, a eb' matz in c'anb'n 'eq'ui, a eb' 'aj xin ch'ox in b'a. A eb' may 'aj tzyal sb'a 'ayin, a 'a eb' xwal 'ixtic: Waj 'a tic, xin chi 'a eb'.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Lc 13:11

Ata 'ay jun 'ix swajxclajn̈il ab'il xo yochcn 'ix 'a syailal yuj jun demonio. Scoxob'i can snan̈l 'ix, yemcn n̈ojn 'ix. Man̈xtzac tojlb'i snan̈l 'ix cha, matz tac' sq'ue lin̈an.

Lc 13:13

Xlajw cha, 'ix stzayn 'och sc'ab' 'a 'ix. Yajn̈j wal cha, 'ix tojlb'i pax snan̈l 'ix, yuj cha, syamn 'och 'ix yaln wach' paxti 'a Dios.