Lc 13:11 - Chuj San Sebastian Bible

¹¹ Ata 'ay jun 'ix swajxclajn̈il ab'il xo yochcn 'ix 'a syailal yuj jun demonio. Scoxob'i can snan̈l 'ix, yemcn n̈ojn 'ix. Man̈xtzac tojlb'i snan̈l 'ix cha, matz tac' sq'ue lin̈an.

Chuj San Mateo Bible

¹¹ Ayec' jun ix ix ta', 18 ab'ilxo yoch jun enemigo d'a ix. Ix coxob'ican snan̈al ix, toxon̈ej n̈ojanem ix. Maxtzac yal-laj stojolb'iq'ue lin̈an ix.

Lc 13:11 Referans Kwoze

Lc 8:2

'Ay jun tzo'n̈ eb' 'ix 'ix 'aj 'elnc ewin demonio yuj Jesús, yet' jun tzo'n̈ xo eb' 'ix, b'oxnac can sc'ojl yu'uj, ajun pax eb' yet'oc. A 'a scal eb' 'ix cha, ajun María, tzcuch pax Magdalena. Atn 'a jun 'ix chi 'aj 'elnc ucwn̈ ewin demonio yuj Jesús.

Lc 13:16

Ax jun 'ix tic, yin̈tl can Abraham 'ix. Swajxclajn̈il ab'il xo syamchj 'ix yuj win Satanás, 'icha to pixb'il 'ix yuj winac. ¿Tom man̈ smojc scolchj 'el 'ix 'a syailal 'a sc'ul 'iljelal tic tze na'a? xchi.

Lc 8:27

Yic 'ix 'el'ch Jesús 'a sti a', 'ix jaw jun win 'aj chon̈b' chi 'a 'a. Caw 'ayx tiempo 'ochnc jun tzo'n̈ demonio 'a winac, yuj cha, may xon jac spichl win tzya'chi. Toxn matz nib'j xon win tz'aj 'a yol junc n̈a, an̈j 'a 'aj mucn eb' chamnac, an̈jta 'ayc' winac.

Salmos 6:2

'O'ch cab' wal a c'ojl 'ayin, yujto man̈x 'a wip tzwab'i. 'Ac' jawc in c'ojl Mamin. Smasnil in niwnal, caw tz'el yip tzwab'i.

A Tas Sc'ulejnac Eb' Schecab' Jesús Hechos 4:22

Ax win xb'o yoc yuj jun milagro cha, 'ec'b'al xo chawinc ab'il sq'uinl winac.

Lc 8:43

A 'a scal eb' 'anma cha, 'ay jun 'ix 'ix, 'ayx slajchwil ab'il caw tzcham yuj a a tz'el 'a 'a. Jantcn̈ej tas 'ay 'a 'ix, c'uxn schon̈l 'ix yuj eb' 'a'm remel, palta ma'ix b'ox xon jac sc'ojl 'ix yuj eb'.

Mr 9:21

Yuj cha, 'ix sc'anb'n Jesús 'a smam jun 'unn chi 'ixtic: —¿Jantc xo tiempo syamchj yu'uj? xchi. 'Ix yaln win mamb'il chi 'ixtc 'a Jesús: —Yictax 'unnal 'aych xon 'a 'a.

Salmos 146:8

A Jehová a tz'a'n jacwc sat eb' matz tac' xon yilni. A tzsi'n chan̈ eb' 'icha to telwnac 'ejmi. 'Ay schamc'ojlal 'a eb' 'anma tojl snab'en.

A Tas Sc'ulejnac Eb' Schecab' Jesús Hechos 3:2

'Ay jun winac, matz tac' sb'eyi, yaljb'en xoni. Junjn c'u, tzme'x coti, tzcan 'a sti yatut Dios 'a jun tzcuch Wach' Yilxi. Ata tzc'an win jac stumn 'a eb' tzc'och 'a yatut Dios cha.

Salmos 42:5

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol. A 'aych 'oj wal wach' paxti'. In Colmal aji, in Diosal ach paxi.

Salmos 38:6

Ñojn xoj waji tzin b'eyi, man̈x 'a tas tz'el walni, caw cusc'ojlal waj 'a smasnil tiempo.

Job 2:7

Cojn cha, x'elt win mu'c 'a yojltac Jehová, 'ix ya'n 'och syailal win Job. 'Ix 'elt jun tzo'n̈ yab'il 'a sniwnal winac, 'a yoc masnto 'a sjolom.

Salmos 145:14

Mamin Jehová, ach yamjnac eb' 'ijn tztelw 'ejmi, ach tza quetz chan̈ eb' man̈x 'a yip.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Lc 13:12

Ax yic xyiln Jesús, to 'ayc' 'ix ta', 'ix yawtn cot 'ix 'a stz'ey, 'ix yaln 'a 'ixtic: —Ach 'ix, tic ach colchj can 'el 'a jun a yailal tic, xchi 'a 'ix.

Lc 21:28

A yic wan xo yuj jun tzo'n̈ tas tzwal tic, tzaljan̈ec, te'wtzejc e b'a, yujto jab'xoj wal e colchji, xchi Jesús 'a eb'.