Lc 11:48 - Chuj San Sebastian Bible

⁴⁸ Yuj cha, a yic tze b'on jun tzo'n̈ cha, tze ch'oxni 'eli to wach' yutjnac sb'a eb' e mam eyichm chi e yalni. Yujto atn eb' miljnac cham eb' schecb' Dios cha, ax xo tzat cob' e b'o yet'l eb' chi 'a yib'an̈.

Chuj San Mateo Bible

⁴⁸ Ayic tze b'oan juntzan̈ chi', tze ch'oxeli to vach' yutejnac sb'a eb' e mam eyicham chi' e naani. A eb' miljinaccham eb', a exxo tic, tzato e b'opaxq'ue yed'tal eb' chi'.

Lc 11:48 Referans Kwoze

Santiago 5:10

A eb' schecb' Dios pecti', eb' aljnac 'el sb'i Cajlilec, techjnac yuj eb' yab'n syail, ya'jnac eb' niwnc'ojlal. Yuj cha, b'eylb'ejc sb'eyb'al eb' cha.

Mt 23:31

Palta a yic tzeyaln 'ixta', ton̈j tze wach' ch'oxj 'eli, to yin̈tl ex eb' miljnac eb' schecb' Dios cha.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Ez 18:19

Toto 'ay eb' 'oj c'anb'noc 'ayx 'ixtic: ¿Tas yuj man̈ locnoc win 'unnab'il tic xcham yuj smul smam cha? toto schi eb', tzeyalni to a win 'unnab'il cha, tojl tas tzb'o'o. Yiclum tzyutj sb'a 'a in ley, tzb'eylb'an in checnb'il, yuj cha, tznajtxb'i sq'uinal.

Job 15:6

Man̈ a na', to an 'oj wa'ch 'a eb'n̈ yuj a mul, palta mun a a ti chi tzlocn cot 'a eb'an̈.

Josué 24:22

—Ax tic, mun ax xeya'ch testigoal e b'a 'ayex, chajtlto tzchaj e c'ojl eya'n servil Jehová, xchi Josué. —An̈ ton xcal on̈, xchi eb'.

Salmos 64:8

Mun a spaxti eb' chi 'oj 'a'nc telwoc; ax smasnil mach 'oj 'ilnc eb', 'oj b'uchxoc eb' yuj eb'.

Mt 23:27

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Lajn ex 'icha junc yet'l xi'lb'a 'ay 'a campusan, caw sac spatquil, caw wach' cob' yilxi, palta ax wal yojol, b'ut'n yet' sb'ac'l jun tzo'n̈ xi'lb'a cha, caw tu tas 'ay 'a yojl cha.

Lc 11:47

¡Caw 'oltac ex!, yujto tz'at e b'o jun tzo'n̈ yet'l eb' schecb' Dios 'a yib'n̈ 'a campusan, palta atn eb' e mam eyichm miljnac cham eb' 'a pecti'.

Lc 11:49

Yuj cha, yaljnac can Dios 'ixtc yuj sjelnal: 'Oj in checb't jun tzo'n̈ eb' 'oj alnc 'el in paxti 'ayex, yet' jun tzo'n̈ xo eb' in checab'. 'Ay eb' 'oj e mil chamoc. 'Ay pax eb' 'oj e pech b'eyc'oc, xchi Dios.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.