Lc 11:32 - Chuj San Sebastian Bible

³² A eb' 'anma 'a Nínive pecti', a yic 'ec' yalnc win Jonás yab'xil Dios 'a scal eb', caw snajnac sb'a eb'. An xo tic 'ayn 'ec' 'a tic, 'ec'b'al wel'ch 'a yib'n̈ win Jonás cha, palta matz e na e b'a. Yuj cha, a yic 'oj jawc jun c'u yic 'oj e b'eyc'ojlaxi, a eb' 'aj Nínive cha, 'oj q'ue wan eb', ax yaln eb' e mul, xchi Jesús.

Chuj San Mateo Bible

³² A eb' aj Nínive chi', snanac sb'a eb' yuj tas yalnac vin̈aj Jonás chi'. Axo d'a tic ay jun ec'al yopisio d'a yichan̈ vin̈aj Jonás chi', palta max e na e b'a. Yuj chi', ayic ol ja sc'ual sch'olb'itaj eb' anima, a eb' aj Nínive chi', ol q'ue vaan eb', ol yalan e mul eb'.

Lc 11:32 Referans Kwoze

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

Lc 11:31

A 'a yic 'oj jawc jun c'u yic 'oj e b'eyc'ojlax yuj Dios, a 'ix sreinail Sur 'a pecti', 'oj q'ue wan 'ix, ax yaln 'ix e mul. Yujto caw wal najt cotnc 'ix, yic wul yab'xni 'ix 'a win Salomón yuj jantc sjelnal. An xo tic, 'ayn 'ec' 'a tic, 'ec'b'al wel'ch 'a yib'n̈ win Salomón cha, palta matz ex cot 'ab'xnoc 'ayin.

Jonás 4:9

'Ix yaln Dios 'a 'ixtic: —¿Tom wach' cob' a nani to tzcot owal, yujto xtacj 'el jun 'ib'n̈ te te 'aych en̈loc tic? xchi Dios. —¡Yel pax tzwala, toxn̈ej tzin cham yuj wowl tic! xchi Jonás cha.

Jonás 3:5

Ax eb' 'anma cajn 'a jun niwquil chon̈b' cha, eb' 'ichm 'anma' yet' eb' 'unin, 'ix ya'ch eb' sc'ojl 'a Dios. 'Ix 'och eb' 'a c'ajb'c'ojlal, 'ix ya'n 'och eb' te pichl n̈achtac sat, 'ixta xyutj eb' sch'oxn 'el scusc'ojlal yuj smul.

Jonás 3:4

'Ix 'och Jonás 'a yol chon̈b' cha, 'a b'ab'l c'u 'ix yaln 'ixtc 'a caw 'ip. ¡Yic wal chawn̈q'uej ticnec, 'oj lajwc 'el chon̈b' Nínive tic! xchi.

Mt 12:39

Yuj cha, xyaln 'ixtc 'a ewinac: —A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Ton̈j tze c'an eyil junc milagro, junc tzch'oxn spoder Dios. Palta cojxn jun milagro 'oj 'ajxoc eyila', atn jun 'icha sch'ojxnac Dios yet' jun schecb' Jonás sb'i.

Mt 12:41

A yic 'ec' yalnc Jonás yab'xil Dios 'a eb' 'aj Nínive, caw snajnac sb'a eb'. An xo tic, 'ayn 'ec' 'a tic, 'ec'b'al wel'ch 'a yib'n̈ Jonás cha, palta matz e na e b'a. Yuj cha, at 'oj jawc jun c'u yic b'eyc'ojlal, a eb' 'aj Nínive cha, 'oj q'ue wan eb', ax yaln eb' e mul.