Lc 11:26 - Chuj San Sebastian Bible

²⁶ Yuj cha, tz'at yi'nc cot win ucwn̈ocx yit demonioal 'ec'b'al xo stul 'a yib'an̈. Tzwach' 'och cajn ewin smasnil 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el, xchi Jesús.

Chuj San Mateo Bible

²⁶ Yuj chi' sb'atxi, sb'at yic'ancot ucvan̈ocxo eb' enemigo másto chuc d'a yichan̈. Svach' och cajan eb' smasanil d'a jun anima chi'. Yuj chi', ste juviel jun anima chi' icha d'a sb'ab'elal, xchi Jesús d'a eb'.

Lc 11:26 Referans Kwoze

Jn 5:14

At 'a jun 'ejm xo, 'ix sc'umn sb'a Jesús yet' win 'a yamq'uil yatut Dios, 'ix yaln 'ixtc 'a winac: —'Ab'i, a ticnec 'ix b'ox a c'ojol. Man̈x a b'o junc maysch'olnil, sec man̈x 'oj jawc jun niwn yailal 'a eb'an̈, xchi 'a winac.

Mt 12:45

Yuj cha, tz'at yi'nc cot ucwn̈ocx yit demonioal 'ec'b'al xo stul 'a yib'an̈. Tzwach' 'och cajn eb' 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el. 'Icha jun 'anma cha, 'ixta 'oj 'aj swach' juw 'el e nab'en, xchi Jesús.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.

Sofonías 1:6

An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Mt 23:15

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. C'uxn tzex 'ec' 'a sat lum tic yet' 'a a mar, sec 'ay eb' tze montj 'och eyet'oc. Ax eb' tz'och eyet' cha, ton̈j tzwach' juw 'el snab'en eb' eyu'uj. Yuj cha, smoj wal ec'b'al yailal 'oj 'ajxoc 'och 'a yib'n̈ eb' 'icha eyic 'oj 'ajxoc 'och 'a eyib'an̈.

Lc 11:25

Ax yic tzc'ochxi, tzyiln pax win jun 'anma cha, lajn 'icha junc n̈a caw mesb'il, caw wach' yilxi.

Lc 11:27

Yic wan yaln Jesús jun tzo'n̈ cha, 'ay jun 'ix 'ix x'awj chan̈ 'a scal eb' 'anma cha, xyaln 'ixtic: —Caw wal wach' yic jun 'ix 'ix 'aj ach 'alji, 'ix 'aj ach chuwi, xchi 'ix 'a 'a.