Lc 11:2 - Chuj San Sebastian Bible

² Yuj cha, xyaln Jesús 'ixtc 'a eb': —A yic tzex leslwi, 'ixtc tzeyutj eyalni: Ach qui Mam, 'aych 'ec' 'a satcha'an̈, niwn yel'ch cab' a b'i. 'Ochc ach cab' Yajlil 'a tic, [b'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.]

Chuj San Mateo Bible

² Yuj chi' ix yalan Jesús d'a eb': —Icha tic tzeyutej e lesalvi: Ach co Mam, nivanocab' elc'och d'a yichan̈ eb' anima. Ach ochocab' Yajalil d'a tic.

Lc 11:2 Referans Kwoze

Ec 5:2

Tzcham wal qui nanec b'ab'el, 'ixta to b'i'an, tzqui ta'wniec junc tas 'a Dios, yujto at 'a satchan̈ 'ayq'ui, an̈ec xo tic, sat lum 'aj 'ayn̈ec 'eq'ui. Yuj cha, tzqui naln̈ejec tas tzcala.

2 Cr 20:6

'Ix yaln 'ixtic: Ach Jehová, qui Diosal ach on̈ yet' eb' qui mam quichm on̈, ach tic Dios ach 'a satcha'an̈, Yajl ach 'a yib'n̈ smasnil nacion̈. Yol a c'ab' 'ayc' ep yet' a poder. May junc mach 'oj stac' ach stenn 'och wa'an.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Salmos 11:4

A Jehová 'ayc' 'a yatut, atn jun to yicn̈ej yaji. A 'a satcha'an̈ ata 'ay sdespacho, tzcham wal yiln tas tzqui b'o an̈ 'anman̈ec tic.

Apoc 20:4

Ax xwilni, 'ay jun tzo'n̈ despacho. Ata wocn 'ejm jun tzo'n̈ eb' 'ac'b'il yopiso sb'eyc'ojlwi. 'Ix wiln pax spixn jun tzo'n̈ eb' tzuc'b'il 'el sjolom, yujto ya'jnac testigoal sb'a eb' yuj Jesús, yaln pax 'el eb' spaxti Dios. A eb' cha, ma'ix yal sb'a eb' 'a jun noc' sb'i, yet' 'a jun yechel. Ma'ix schaj 'och eb' senyail 'a snan̈l sat mto 'a sc'ab'. Ax xwilni, pitzn eb'. 'Aych eb' yajlil jun mil ab'il yet' Cristo.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

A Scarta San Pablo D'a Eb' Aj Filipos 4:20

Niwn cab' yel'ch qui Diosalec, qui Mamc 'a smasnil tiempo. 'Ixta cab' tz'aji.

A Scarta San Pablo D'a Eb' Aj Filipos 1:2

Tzqui nib'j on̈, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Ef 1:2

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

2 Co 1:2

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

1 Co 1:3

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Salmos 57:11

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

1 Ts 1:1

An Pablo in tic, jun waj yet' Silvano, yet' Timoteo, tic tzwa't jun in carta tic 'ayx ex creyente 'a chon̈b' Tesalónica. Yic ex xo qui Mam Dios. Yic ex pax Cajlil Jesucristo. Tzin nib'ej, [a qui Mam Dios yet' Cajlil Jesucristo,] tzyac' swach'c'ojlal yet' sjunc'ojlal 'ayx ta'.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.

A Scarta San Pablo D'a Eb' Aj Colosas 1:2

tzin tz'ib'j 'at jun in carta tic 'ayx ex yic xo Dios 'a chon̈b' Colosas. Caw 'aych e c'ojl 'a Cristo si'mb'il. Tzin nib'j tzyac' qui Mam Dios swach'c'ojlal yet' sjunc'ojlal 'ayx ta'.

Ro 8:15

Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

Mt 10:32

Tzann̈j mach matz q'uixw yaln 'a sat eb' 'anma', to wic eb', an xo tic, 'oj wal eb' wico'oc 'a yojltac qui Mam Dios 'ayc' 'a satcha'an̈.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Habacuc 2:14

Tz'acn 'oj yutc yojcan 'el smasnil 'anma stzictznil Jehová, 'icha wal tz'aj sb'ut'j 'el a mar yuj a a'.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Dn 7:18

A yic 'oj lajwc ya'n eb' yajlil cha, ax scan smasnil 'a yol sc'ab' eb' chon̈b' sic'b'il 'el yuj jun Dios cojxn niwn yel'chi, jun 'ejmn̈ej 'oj cancn 'a yol sc'ab' eb' 'a smasnil q'uinal, xchi.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 2:28

Palta 'ay jun Dios 'aj satcha'an̈, a tztac' ya'n cojcoc 'el jun tzo'n̈ tas caw c'ultac yaj cha. A tz'a'n ojcoc 'el ach mamin rey tas jun tzo'n̈ 'oj ujc b'aq'uin̈. 'Oj wal 'ayach tas 'ix el 'a a wayich yic wayn̈c ach cha:

Ez 36:23

E mul eyujoc in sb'uchn jun tzo'n̈ nacion̈ cha, palta a yic 'oj in b'onc 'icha tas nab'il wuj 'a eyib'an̈, ata 'oj in ch'ox wal yil eb' nacion̈ cha, to caw niwn wel'chi, ax yojcan 'el eb', to an Jehová in, cojn in ton Dios in.

Salmos 108:5

Ach in Diosal, ch'oxli to niwn el'ch 'a satcha'an̈. Niwn pax cab' el'ch 'a sat lum lum tic.

Salmos 103:20

Ex yángel Jehová to 'ay eyip, alc e wach' paxti 'a 'a, ex to yiclum ex 'a tas tzyala.

A Ch'an̈ Schab'il Libro Yic Yab'ixal Eb' Rey 19:19

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey chi on̈, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

A Ch'an̈ B'ab'el Libro Yic Yab'ixal Eb' Rey 8:43

'ab' tas tzyal eb' 'ayach. 'Aych 'ec' 'a satcha'an̈ tzab'ni, 'ac' tas tzc'an eb', sec wach' 'oj ach yojcoc 'el smasnil nacion̈ 'ay 'a sat lum lum tic, ax syiclni eb' 'aych 'icha an̈ a chon̈b' on̈ tic. Nachj cab' pax 'el yuj eb' chajtlto a jun n̈a 'ix in b'o tic, ec yaji, yic tz'och 'emmquilal 'ayach.

Lv 22:23

Toto ton̈j tz'el 'a e c'ojl eya'n junc xajmb'al, tztac' cab' eya'n junc no man̈ lajnocn̈ej yoc, palta toto xajmb'al yic tzeya'n 'el'choc junc e ti', a jun tzo'n̈ noc' cha, man̈ chab'ilc 'ayex.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Gl 1:4

A Jesucristo wul ya'jnac cham sb'a, yic tzyi'n 'el qui mulec. 'Ixta 'on̈ yutjec on̈ scolnec 'el 'a yol sc'ab' maysch'olnil 'a yolyib'n̈q'uinl tic, yujto 'ixta x'el 'a sc'ojl Dios, atn qui Mamec.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Lc 11:1

A 'a jun 'el, 'ix leslwi Jesús 'a jun lugar. Ax yic xlajw sleslwi, 'ay jun scuywum 'ix aln 'a 'ixtic: —Mamin, ¿comnoc tzon̈ a cuy 'a lesl on̈, 'icha yutjnac Juan scuyn eb' scuywum? xchi 'a 'a.