Lc 10:34 - Chuj San Sebastian Bible

³⁴ 'Ix c'och 'a stz'ey winac, sucn 'och win sremelal 'a 'ajtc lajwnac win cha. Xyan̈tj win yet' aceite yet' yal uva. 'Ix sb'a'n 'och win jun tzo'n̈ nip 'a winac. Xlajw cha, xya'n q'ue win 'a yib'n̈ schej. 'Ix yi'n 'at win 'a mesón. Caw wach' xyutj yiln win jun 'anma cha.

Chuj San Mateo Bible

³⁴ Ix c'och vin̈ d'a stz'ey vin̈, ix yan̈tan vin̈, ix yac'anoch aceite vin̈ yed' vino b'ajtac ix lajvi chi'. Ix sb'ac'an vin̈. Ix yac'anq'ue vin̈ d'a yib'an̈ schej, ix yic'anb'at vin̈ b'aj ay posado, ix stan̈van vin̈ ta'.

Lc 10:34 Referans Kwoze

Ro 12:20

An̈jtona tzyaln pax 'ixtc 'a Ch'an̈: Toto 'ay swejl eb' 'ajc'ojl yajch 'ayex, 'a'c tas tzc'ux eb', toto 'ay stacn̈til eb', 'a'c tas tzyu'j eb'. 'Ixta 'oj 'aj schacb' 'el sat eb' sq'uixwi, 'icha wal to tze secc q'ue stza c'ac' caw tzn̈ilchj 'a sjolm eb', xchi 'a Ch'an̈.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

1 Ts 5:15

A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

Lc 2:7

Ata x'alj jun sb'ab'l 'une 'ix. Sb'an 'och 'ix nip 'a jun 'unn cha. Xlajw cha, sc'otn 'ec' 'ix 'a yol jun sjucb' no chej 'aj tzwa no', yujto caw man̈x 'a 'aj x'aj eb' 'a mesón.

Mr 14:8

A tas tztac' yuj jun 'ix tic, 'ix yac' 'ayin. 'Aycto xya'n 'och 'ix jun su'q'ui sjab' 'a in niwnal tic, sec wach' lista xo waji ax in mucxi.

Ex 4:24

Xlajw xoj cha, 'ix 'at Moisés 'a Egipto, ax 'a yol b'e 'a 'aj wan sway Moisés yet' eb' yunnal, ata 'ix sch'ox sb'a Jehová 'a 'a, snib'j to xcham Moisés chi yu'uj.

Gn 42:27

Ax yic xjaw ewin 'a 'aj xwayi, sjacn jun win sti scoxtal, xyi'n q'uet win jac strigo no sb'uru chi yalni. Ax xyiln winac to 'ay 'ejm q'uen tumn 'a yol sti scoxtl cha, q'uen xyac' win mannc strigo cha.

Lc 10:33

Palta 'ay jun win 'aj Samaria wan sb'ey pax 'a jun b'e cha, ax xyilni t'ocn 'ec' winac; 'ix 'o'ch sc'ojl 'a winac.

Lc 10:35

Ax 'a junx c'u, yic wan s'atx win 'aj Samaria cha, xyi'n q'uet win chab' stumin. Xya'n can 'a win yajl mesón cha, 'ix yaln can win 'ixt 'a winac: Caw tzel wal jac win lajwnac tic in c'ana'. Toto ma'oj yab' jab' tumn tic, 'oj wac' jacx 'aych in japx jun 'ejm xo, xchi can winac. 'Ixta yaln jun 'ab'x tic.