Lc 10:33 - Chuj San Sebastian Bible

³³ Palta 'ay jun win 'aj Samaria wan sb'ey pax 'a jun b'e cha, ax xyilni t'ocn 'ec' winac; 'ix 'o'ch sc'ojl 'a winac.

Chuj San Mateo Bible

³³ Palta ix ec'pax jun vin̈ aj Samaria ta'. Ayic ix yilan vin̈, ix oc' sc'ool vin̈ d'a vin̈.

Lc 10:33 Referans Kwoze

A Ch'an̈ B'ab'el Libro Yic Yab'ixal Eb' Rey 8:50

'Ac' lajwc qui mul 'a quib'n̈ on̈, wach'xam caw niwan. Tza jeln snab'en eb' tzon̈ 'i'n 'at 'a 'icha presoal chi 'on̈, sec tz'o'ch sc'ojl eb' 'ayn̈ on̈, tzon̈ 'ajx 'el 'a libre yuj eb' on̈.

Lc 7:13

Yic 'ix yiln Cajlil jun 'ix cha, 'ix 'o'ch sc'ojl 'a 'ix, 'ix yaln 'ixtc 'a 'ix: —Man̈ ach 'oc'oc, xchi.

Pr 27:10

May cab' b'a'n̈ tzeyactj can eb' e wach'c'ojol yet' eb' swach'c'ojl e mam. Toto 'ixta', a yic 'ay e cusc'ojlal, man̈oc to 'a yatut junc eyican 'a najat, atta tz'at eyal e b'a. Yel xo wach' a 'a eb' e wach'c'ojl cajn 'a e tz'ey, ata tzeyal e b'a.

Mt 18:33

Octom wal x'o'ch a c'ojl 'a win et mosoal cha, 'icha x'o'ch in c'ojl 'ayach, xchi win 'a winac.

Mt 10:5

Atn eb' lajchwan̈ tic 'ix checx 'at yuj Jesús. Yic mantzac 'at eb', 'ix yaln jun tzo'n̈ checnb'il tic 'a eb' 'ixtic: —A yic tzex 'ati, man̈ ex 'ec' 'a jun tzo'n̈ slugar eb' man̈ israeloc, yet' 'a jun tzo'n̈ chon̈b' 'a yol yic Samaria.

Jn 8:48

'Ix yaln pax ewin 'aj Judea chi 'ixtc 'a Jesús: —'Ilt nab'n jun, yel tzcal on̈. Tecnto 'aj Samaria ach. Tecnto 'aych junc demonio 'ayach, xchi ewin 'a 'a.

Jn 4:9

—Ach tic, 'in israel ach. ¿Tas yuj tza c'an a a tic 'ayin? ¿Tom man̈ ojcoc to 'aj Samaria in? xchi 'ix 'a Jesús. 'Ixta xyutj 'ix yaln 'a 'a, yujto a eb' israel, may 'ajtil tzc'umj xon sb'a eb' yet' eb' 'aj Samaria cha.

Ex 2:6

A yic 'ix sjacn 'ix sti jun xuc cha, ax xyiln 'ix to tz'ulc 'unn jun chi 'ay 'ejm 'a yojol, caw tz'oq'ui. Yuj cha, caw wal 'ix 'o'chsc'ojl 'ix 'a 'a, 'ix yaln 'ix 'ixtic: —A jun 'unn tic, yic eb' 'ix israel, xchi 'ix.

Lc 10:32

Xlajw cha, 'ay jun yin̈tl Leví x'ec' 'a jun b'e cha, ax xyilni t'ocn 'ec' winac, c'ax 'e'l x'ec' junx cha.

Lc 10:34

'Ix c'och 'a stz'ey winac, sucn 'och win sremelal 'a 'ajtc lajwnac win cha. Xyan̈tj win yet' aceite yet' yal uva. 'Ix sb'a'n 'och win jun tzo'n̈ nip 'a winac. Xlajw cha, xya'n q'ue win 'a yib'n̈ schej. 'Ix yi'n 'at win 'a mesón. Caw wach' xyutj yiln win jun 'anma cha.