Lc 10:24 - Chuj San Sebastian Bible

²⁴ Yujto an tzwal 'ayex, til wal eb' schecb' Dios pecti', yet' eb' rey, snib'jnac eb' yil jun wan eyiln tic, palta ma'ix yil eb'. An̈jtona', snib'jnac eb' yab' jun tzo'n̈ wan eyab'n tic, palta ma'ix yab' eb', xchi 'a eb'.

Chuj San Mateo Bible

²⁴ Val yel sval d'ayex to tzijtum eb' schecab' Dios d'a peca' yed' eb' rey snib'ejnac yil jun van eyilan tic, palta man̈ yilnacoclaj eb'. An̈ejtona' jun van eyab'an tic, snib'ej eb' yab'nac, palta man̈ yab'nacoclaj eb', xchi d'a eb'.

Lc 10:24 Referans Kwoze

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

Jn 8:56

A qui mam quichmec Abraham, tzaljnac yujto alxnac 'a 'a, to 'oj yil in jawi. In yiln toni, yuj cha, caw tzaljnac, xchi 'a ewinac.

A Ch'an̈ Carta D'a Eb' Hebreo 11:39

Smasnil eb' cha, 'ochnc eb' wach'l 'a sat Dios, yujto ya'jnac 'och eb' Dios 'a sc'ojol. Wach'xam 'ixta 'eb', palta mantzac schaj eb' jun tas ya'jnac can Dios sti yu'uj.

Mt 13:16

Palta ax xo tic, caw wach' eyico', yujto tzeyila, tzeyab'n paxi.

Lc 10:23

Xlajw cha, x'ec' q'uel-loc 'a eb' scuywum, xyaln 'ixtc 'a eb' sch'ocoj: Caw wach' yic eb' tz'iln jun wan eyiln tic.

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.