Lc 10:20 - Chuj San Sebastian Bible

²⁰ Palta man̈ yujoc to tzyiclj ewin demonio 'ayex, tzex tzalji. Palta tzaljan̈ec, yujto tz'ib'b'ilx can e b'i 'a satcha'an̈, xchi Jesús 'a eb'.

Chuj San Mateo Bible

²⁰ Man̈ yujoc to tzex sc'anab'ajej eb' enemigo tzex tzalaji, palta tzalajan̈ec yujto tz'ib'ab'ilxo e b'i d'a satchaan̈, xchi Jesús d'a eb'.

Lc 10:20 Referans Kwoze

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

A Ch'an̈ Carta D'a Eb' Hebreo 12:23

tzyam sb'a ta', yic tzyaln eb' wach' paxti 'a Dios. 'Ayc' pax eb' yunnal xo Dios tz'ib'b'ilx sb'i 'a satcha'an̈. Ata 'ayc' Dios, atn sJuezal smasnil 'anma'. Ata 'ayc' spixn eb' wach' yutjnac sb'eyb'al, atn eb' tz'acn xo yuj Dios.

Apoc 3:5

A eb' 'oj 'a'nc ganar ya'n techjoc, 'oj 'ajxc 'och junjn spichl eb' caw sac. Ma'oj in suc sat sb'i eb' 'a ch'an̈ libro yic q'uinl 'a jun 'ejmn̈ej. 'Oj wal yuj eb' 'a sat in Mam, yet' 'a sat eb' yángel, chajtlto wic eb'.

Dn 12:1

A 'a yic jun tiempoal cha, 'oj 'och wan jun ángel Miguel, atn jun sat yajal, stan̈mal pax eb' et israelal. A yic jun tiempoal cha, caw wal niwquil jun yailal cha. Mant 'a jun 'ejmoc ujnac jun chi 'ixta', 'a yictax yel yich spitzw jun tzo'n̈ nacion̈. A 'a yic jun tiempoal cha, 'oj colchjoc can 'el smasnil eb' et chon̈ab', atn eb' tz'ib'b'il sb'i 'a ch'an̈ libro.

Ez 13:9

'Oj wi' chan̈ in c'ab' 'a eb' tzcob' yalch sb'a in checb'oc, ax wa'n 'och syailal eb'. Yujto cojn tas man̈ yeloc an̈j chi tzyal eb', an̈j 'es tzyac' eb'. Yuj cha, may yaln eb' yic sc'och 'a 'aj 'ay syamnil eb' israel; may pax sb'i eb' 'oj tz'ib'xoc 'a slista eb' israel cha, man̈x 'oj meltzjoc pax eb' 'a slu'um. 'Ixta to b'i'an, ax in yojcan 'el eb', to an Jehová in, to Yajl in.

Ex 32:32

Yuj cha, tzin tew 'och 'ayach, comnoc wal tzac' niwnc'ojlal 'a yib'n̈ eb'. Palta toto matz ac' niwnc'ojlal eb' jun, wach' cab' tza suc sat in b'i 'a yojl ch'an̈ libro 'ajtil tz'ib'b'il eb' ec xo yaji, xchi Moisés.

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Is 4:3

A jaywn̈ocx eb' 'aj Sión 'oj can 'a Jerusalén, 'ay yaln eb' yic scan cajn ta', 'oj alxoc yuj eb', to yicn̈ej Dios yaj eb'.

Salmos 69:28

Suc sat sb'i eb' 'a ch'an̈ libro yic q'uinal. Man̈ a tz'ib'c can 'ejm sb'i eb' chi yet' eb' tojl sb'eyb'al 'a ojltac.

Mt 10:1

Ax Jesús 'ix yawtj cot eb' scuywum slajchwan̈il 'a 'a. 'Ix ya'n 'och yopiso eb' yi'n 'el ewin demonio. 'Ix ya'n pax yopiso eb' ya'n b'oxc sc'ojl eb' 'anma tzann̈j yab'ilal tz'i'ni, yet' tzann̈j yailal.

Mt 26:24

An tic 'Ochnc in 'Anma'il, palta yowlal 'oj in 'at 'a chamel, 'icha yaj stz'ib'x can 'a Ch'an̈ U'un̈; palta caw 'oltac jun 'oj wa'n 'och 'a yol sc'ab' chaml cha. Octom ma'ix 'alj winac, to 'ixta', yel xo wach' yic winac, xchi 'a eb'.

Mt 27:5

Yic xyab'n win jun cha, 'ix sjuln can 'och win q'uen tumn chi 'a yol yatut Dios. Xlajwn̈ej cha, x'at winac, 'ix ya'n 'och jun ch'an̈ 'a sjaj, 'ix st'unn̈q'ue sb'a winac, 'ix chami.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

Apoc 17:8

A jun noc' sb'i 'ix el tic, 'ayc' 'a pecti', palta man̈x 'ayc 'ec' ticnec. Palta 'oj q'ue paxt 'a jun xab' olan, yic mantzac 'at 'a chaml 'a jun 'ejmn̈ej. Ax eb' 'anma man̈ tz'ib'b'ilc sb'i 'a jun libro yic q'uinal, yictax mantzac b'o yolyib'n̈q'uinal, caw 'oj sat sc'ojl eb' yiln jun noc' sb'i chi 'ayc' 'a pecti cha. Yujto wach'xam man̈x 'ayc 'ec' ticnec, palta 'oj jawc pax 'a scha'ejmal.