Lc 1:48 - Chuj San Sebastian Bible

⁴⁸ An tic, ya'mal in servil Dios. May wel'chi, palta 'ix 'o'ch sc'ojl 'ayin. Yuj cha, smasnil tiempo 'oj yal eb' 'anma wu'uj, to caw wach' wico'.

Chuj San Mateo Bible

⁴⁸ A in tic schecab' in Dios. Ix oc' sc'ol d'ayin, vach'chom malaj velc'ochi. Yuj chi' masanil tiempo ol yal eb' anima to vach' vico',

Lc 1:48 Referans Kwoze

Salmos 138:6

Wach'xam chan̈ 'aj 'ayach, palta tzel 'emt eb' 'emmquilal yeq'ui. Ax eb' b'an̈quintac, caw najt yajl eb' 'a a stz'ey.

Malaquías 3:12

'Oj yal smasnil nacion̈ eyu'uj, chajtlto caw wach' eyico', yujto yel xo caw wach' 'oj 'aj 'el'ch jun e nacion̈ tic, xchi Dios.

A Ch'an̈ B'ab'el Libro Samuel 1:11

Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.

Lc 11:27

Yic wan yaln Jesús jun tzo'n̈ cha, 'ay jun 'ix 'ix x'awj chan̈ 'a scal eb' 'anma cha, xyaln 'ixtic: —Caw wal wach' yic jun 'ix 'ix 'aj ach 'alji, 'ix 'aj ach chuwi, xchi 'ix 'a 'a.

Salmos 136:23

A 'on̈ nanec coti, yic 'ayn̈ec 'ec' 'a qui yailal. A schamc'ojlal Dios 'ayn̈j 'a smasnil tiempo.

Lc 1:42

Yuj cha, xyaln 'ix 'ixtic: —Ach tic, yel xo wal niwn swach'c'ojlal Dios 'ix sch'ox 'aych 'a yib'n̈ smasnil eb' quit 'ixal. Caw niwn swach'c'ojlal 'oj sch'ox pax 'a jun one 'oj 'aljoc.

Lc 1:28

'Ix 'ochch jun ángel chi 'a 'aj 'ayc' 'ix, 'ix yaln 'ixtc 'a 'ix: —Tzaljan̈, yujto caw xajn ach yuj Cajlil. A Dios 'aych et'oc. Yel xo wal niwn swach'c'ojlal xyac' 'aych 'a yib'n̈ smasnil eb' et 'ixal, xchi.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

A Ch'an̈ Schab'l Libro Samuel 7:8

Tzaln pax 'a jun in checb' David cha, chajtlto an Jehová in tzta'n̈j wuj smasnil, an tzwal jun tic 'ixtc 'a 'a: An ach wij 'el 'a spatc no calnelu, yic tzach wa'n 'och syajlilc in chon̈b' Israel.

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.

Gn 30:13

Xyaln pax 'ix Lea chi 'ixtic: Caw wal tzaljc'ojlal wico', 'ay eb' 'ix wit 'ixl 'oj alnoc chajtlto 'ay in tzaljc'ojlal, yuj cha, Aser 'oj sb'ic win 'unn tic, xchi 'ix.

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Lc 1:45

Ach tic, 'ix a'ch 'a a c'ojol tas xyal Cajlil 'ayach. Yuj cha, caw wach' eco', yujto yowlal 'oj 'el'choc tas 'ix alx cha, xchi 'ix Elisabet cha.

Lc 1:49

Yujto a Dios caw niwn spoder, man̈ jantcoc swach'l 'ix sch'ox 'ayin. Caw niwn yel'chi.