Jueces 8:24 - Chuj San Sebastian Bible

²⁴ Cojn tas tzin c'an 'ayex, comnoc tzeyac' q'uen yumchicn 'ayin yet' q'uen colc'ab' xeyij 'ec' 'a owl cha, xchi 'a eb'. —A jun tzo'n̈ cha, oron̈ej eb', yujto an̈j chi tzya'ch eb' ismaelita cha.

Chuj San Mateo Bible

²⁴ An̈ej jun tzin c'an d'ayex to tzeyac' q'uen uchiquin d'ayin, aton q'uen ix eyiq'uec' d'a eb' madianita, xchi vin̈. Yed'nac juntzan̈ q'uen uchiquin nab'a oro eb' ajc'ol chi', yujto icha chi' sb'eyb'al eb' cajan d'a tz'inan luum.

Jueces 8:24 Referans Kwoze

Gn 25:13

Atn stzol-l x'aj yalj eb' tic: Nebaiot, atn win b'ab'l winc cha; xlajw cha, x'alj Cedar, Adbeel, Mibsam, Misma, Duma, Massa, Hadar, Tema, Jetur, Nafis yet' Cedema.

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

Gn 37:25

Xlajw cha, x'em wocn eb' swa'i. Ya' sb'a cha, xyiln eb' scot jun tzo'n̈ eb' ismaelita xcot 'a Galaad, 'ay perjuma, bálsamo yet' mirra 'aych 'a yib'n̈ scameyo ewinac, yic tz'at schon̈c eb' 'a Egipto.

A Ch'an̈ B'ab'el Libro Yic Yab'ixal Eb' Rey 20:11

Xyaln pax 'at win rey Acab 'ixtc 'a eb': Alc yab' winac, to matz comn b'an̈j sb'a win b'el, yujto mantzac yil winac, toto a win x'a'n ganar owal, xchi 'a eb'.

A Ch'an̈ B'ab'el Libro Samuel 25:11

¿Tom tztac' tzin comn 'a'j tas tzc'ux eb' in joxm calnelu tic, yet' tas tzyu'j eb', yet' schib'j eb' 'a eb' 'anma man̈ wojcoc 'aj tzcoti? xchi winac.

Ex 32:3

Smasnil eb' 'anma cha, c'uxn 'ix yij 'el eb' syumchicn cha, xwul ya'nc eb' 'a Aarón.

Ex 12:35

'Ix syiclni eb' israel chi tas 'ix yal Moisés, sc'ann eb' oro, plata yet' pichl 'a eb' 'aj Egipto cha.

Gn 24:53

Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix.

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

Gn 35:4

'Ixta wal xyutj eb' ya'n jun tzo'n̈ sdiosal chi 'a Jacob yet' jun tzo'n̈ q'uen yumchiquin, ax Jacob 'ix mucn can 'ejm smasnil 'a yich jun te mach' 'ayc' 'a sla'nil Siquem cha.

Jueces 8:25

'Ix ta'w eb' israel chi 'ixtic: —Yet' smasnil qui c'ojol ax ca'n jun tzo'n̈ tic 'ayach, xchi eb'. 'Ix slich'n 'ejm eb' jun nip 'a sat lu'um, ax 'a yib'an̈, ata xyac' 'ejm eb' jun tzo'n̈ oro cha.

Gn 25:12

Atn eb' yunnal win Ismael tic, win yunnal can Abraham yet' 'ix Agar, 'ix 'aj Egipto ya'mal servil Sara.

Ex 32:4

Schan 'ec' jun tzo'n̈ q'uen cha, xya'n 'ulb'xoc 'a scal c'ac'. Syamn 'och stenn tojlb'oc, masnto 'ix b'o 'icha yechl junc quelm wacax. Xyiln eb' 'anma cha to xb'o 'el'chi, xyaln eb' 'ixtic: Ex quit israelal, atn jun qui diosalec tic on̈ 'i'nec 'elt 'a Egipto, xchi eb'.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.