Jueces 8:22 - Chuj San Sebastian Bible

²² Xlajw cha, xyaln eb' israel chi 'ixtc 'a Gedeón: —A ticnec, ach tzach 'och qui yajliloc yet' eb' en̈tl b'aq'uin̈, yujto on̈ a col 'elt 'a yol sc'ab' eb' madianita, xchi eb' 'a 'a.

Chuj San Mateo Bible

²² Ix lajvi chi', ix yalan eb' yetisraelal vin̈ chi' d'ay: —A ach ix on̈ a colel d'a yol sc'ab' eb' madianita, yuj chi' a ach yed' eb' in̈tilal ol ex ochcan cajaliloc, xchi eb'.

Jueces 8:22 Referans Kwoze

Jn 6:15

Palta yojc Jesús to tznib'j eb' syama', tzya'n pural eb' ya'n 'och sreyloc. Yuj cha, 'ix yi'n 'el sb'a 'a scal eb', 'ix 'atx 'a jun tzaln chi sch'ocoj.

A Ch'an̈ B'ab'el Libro Samuel 12:12

A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji.

A Ch'an̈ B'ab'el Libro Samuel 8:5

'Ix yaln eb' 'a 'ixtic: Ach tic, ach 'och 'ichm wincal, ax eb' onnal, man̈oc a b'eyb'al tzb'eylb'ej eb'. Yuj cha, tzcaln 'ayach, to tza saycn junc qui reyl tzon̈ jucb'tzani, 'icha yaj jun tzo'n̈ xo nacion̈, xchi eb'.

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

Jueces 8:21

Yuj cha, xyaln win Zeba yet' Zalmuna 'a Gedeón 'ixtic: —Cotn̈ ach tic, ach wal tztac' on̈ a milni. Yujto ach tic, 'ojcab'il ach, to matz 'ach xiwi, caw 'ay a te'nal, xchi eb' 'a 'a. 'Ix cot Gedeón, smiln eb' rey cha, xyi'n 'ec' jun tzo'n̈ yelwnub'l sjaj scameyo ewin 'aychi.

Jueces 8:23

'Ix ta'w Gedeón 'a eb' 'ixtic: —Man̈oc in 'oj wac' yajlil 'a eyib'an̈, man̈oc pax eb' wunnal b'aq'uin̈, palta a Jehová 'oj yac' yajlil 'a quib'n̈ec.