Jueces 7:16 - Chuj San Sebastian Bible

¹⁶ Xlajw cha, 'ix spojn 'ec' eb' 'oxe ciente soldado cha. 'Oxc'aj xyutj 'el eb'. Xya'n junjn scacha junjn eb', junjn pax schen jun jun. Ax 'a yojl schen eb' chi xyac' 'ejm staj, xya'n 'och eb' sc'aq'uil.

Chuj San Mateo Bible

¹⁶ Ox macan̈ ix yutej 300 eb' vin̈ soldado chi' vin̈. Junjun noc' ch'aac ix yac' vin̈ d'a junjun eb' vin̈ soldado chi' yic spu noc' eb' vin̈, ix yac'anpax junjun chen vin̈ d'a eb' vin̈, ayem staj eb' vin̈ ayoch sc'ac'al d'a yol chen chi'.

Jueces 7:16 Referans Kwoze

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

Gn 14:15

Ax 'a yic 'ac'wal, 'ix spojn 'at Abram smasnil eb' winc ajun yet' cha, 'ix ya'n eb' owl yet' chan̈wn̈ eb' rey cha. 'Ix pechx 'at eb' yuj eb', masnto 'a Hoba. A jun lugar cha, ata 'ay 'a yojltac 'at Damasco.

Jueces 7:15

A yic xyab'n Gedeón, tas tzyutj win chi ya'n spac swaych win yitb'eym cha, 'ix 'em cumn win yal yuj diosal 'a Dios. Xlajw cha, 'ix meltzj 'a 'aj 'ay scamplamento cha, ax yic 'ix c'ochi, 'ix yaln 'ixtc 'a eb' yit israelal cha: —Q'uen̈ec wan muc'uc, coyec, yujto tox 'ix yac' Jehová eb' madianita 'a yol qui c'ab'ec, xchi.

Jueces 7:17

Xyaln 'ixtc 'a eb': —A yic 'oj in c'axw 'ec' 'a sti 'ec' scamplamento eb' 'ajc'ojl cha, 'oj eyila' tas 'oj wutc in b'a, 'ixta tzeyutj pax eyic chi jun xo.

A Ch'an̈ B'ab'el Libro Samuel 11:11

Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.

A Ch'an̈ Schab'l Libro Samuel 18:2

'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.