Jueces 7:12 - Chuj San Sebastian Bible

¹² A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.

Chuj San Mateo Bible

¹² A eb' madianita chi' yed' eb' amalecita yed' eb' ix cot d'a stojolal b'aj sjavi c'u, ix majel sat lum ac'lic chi' yuj eb', ichoc noc' c'ulub'. Man̈xo b'ischajb'enoc jantac noc' camello yed'nac eb', icha val yarenail d'a sti' a' mar.

Jueces 7:12 Referans Kwoze

Jueces 8:10

Ax win Zeba yet' Zalmuna, ata 'ayc' eb' 'a lum Carcor yet' olajn̈e mil soldado eb'. Cojxn eb' chi xcan scham 'a owal, yujto 'ayx 120 mil eb' tox xchami.

Jueces 6:5

Yujto yet' eb' smantiado tzc'och eb', yet' eb' swacax, man̈x yalnb'ilc scameyo eb' yet'i. Man̈xtzac b'ischj eb' yet' scajb'en noc', 'icha wal sb'ey tob'tnoc no c'ulub', 'ixta sb'ey eb' yic xc'och eb' 'at satl sb'al lum lum cha.

Jueces 6:3

A yic tzyawn eb' israel yawb'en 'a 'aj 'ayc' cha, ax eb' madianita yet' eb' amalecita, yet' pax jun tzo'n̈ xo eb' cajn 'ec' 'a stojlal 'aj tzq'uel c'u, tz'at eb' 'at yac' owl yet' eb'.

Josué 11:4

Smasnil jun tzo'n̈ rey tic, x'elt eb' yet' eb' soldado, schej yet' pax scaruaje yic owal. Man̈x yalnb'ilc soldado eb', 'icha xo wal yarenail sti a mar 'ixta yilx eb'.

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.

Salmos 3:1

Mamin Jehová, til wal tz'aj sniwtj sb'isl eb' tzchichn 'och 'ayin, yet' pax eb' tzmeltzj 'och 'ajc'ojlal 'ayin.

A Ch'an̈ B'ab'el Libro Yic Yab'ixal Eb' Rey 4:30

A sjelnal cha, caw 'ec'b'al 'a yib'n̈ sjelnal eb' 'aj Egipto, yet' 'a yib'n̈ eb' 'ay 'a stojlal 'aj tzq'uel c'u.

Jueces 6:33

A 'a yic jun tiempoal cha, syamn sb'a smasnil eb' madianita, eb' amalecita, yet' jun tzo'n̈ xo eb' cajn 'a stojlal 'aj tzq'uel c'u. Junxn̈ej xyutj sb'a eb'. 'Ix c'axw 'ec' eb' 'a a Jordán, axta sb'o eb' scamplamento 'a span̈nil Jezreel.

Jueces 7:13

Ax yic xc'och Gedeón 'a sti smantiado eb' 'ajc'ojl cha, 'ix yab'n yaln jun win soldado chi swaych 'a junx win yitb'eym cha, xyaln win 'ixtic: —'Ix in waychej wal scot setsnoc jun 'ixm pan cebada 'a pa'n q'ue cha, ax wal 'a stojlal qui camplamento tic xjawi. 'Ix stenn 'och sb'a 'a jun mantiado tic, sma'n ch'iychjoc, 'ix 'em lan̈njoc yu'uj, xchi winac.

A Ch'an̈ B'ab'el Libro Samuel 30:17

Ax xc'och David yet' eb' ajun yet' 'a 'aj 'ayc' ewin 'elc'm cha, 'ix syamn 'och eb' ya'n owl yet' eb' 'a sq'uin̈b'ial masnto 'a yemc'ul 'a junx c'u, 'ix cham eb' 'elc'm chi smasnil. Cojxn̈ej chan̈e ciente quelm winc xq'ue 'a yib'n̈ no cameyo 'ix 'at eb' 'eloc.

Jeremías 46:23

An Jehová in, an tzwala, 'icha to 'oj ch'acxoc 'el eb' 'icha tz'aj niwc ch'acte'. Caw niwn sb'isl eb' soldado chi 'icha no c'ulub', may junc mach tztechj sb'isn eb'.

A Ch'an̈ B'ab'el Libro Samuel 13:5

'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.

A Ch'an̈ B'ab'el Libro Yic Yab'ixal Eb' Rey 20:27

An̈jtona pax eb' israel cha, 'ix yac' lista sb'a eb' yet' soldado yic tz'at eb' 'a owal. 'Ix 'ajx syamc'ab' eb' yic tz'at ya'nc eb' owl yet' eb' sirio. A yic xc'och eb' israel chi 'a stz'ey eb', 'ix sb'on chan̈ eb' israel scamplamento 'a yojltac cot ewinac. Lajn wal yilx eb' 'icha chab' col-loc no chiwo, ax eb' soldado sirio cha, b'ut'jnac 'el lum pan̈n 'a'lic chi yuj eb'.