Jueces 6:37 - Chuj San Sebastian Bible

³⁷ A ticnec, 'oj wa'cn 'ejm jun stz'umal calnelu caw 'e'm xil 'a jun 'amc' 'aj tzte'x 'ixm trigo. Toto ax yic 'oj q'uin̈lb'oc 'eli, caw lojn no tz'um chi yuj chicb'cha'an̈, palta ax lum lum 'a stitc no tz'um cha, tacn̈ cab' lu'um, 'ixta 'oj wutc wojcan 'eli, chajtlto an 'oj in a c'anlb'oc 'a yic 'oj a colnc 'el a chon̈ab', xchi.

Chuj San Mateo Bible

³⁷ A ticnaic ol vac'canem junoc noc' tz'umal calnel d'a sat tec'lab' trigo. Axo d'a q'uin̈ib'alil q'uic'an, tato te' ch'ayan noc' tz'um chi' yuj yal ac'val, axo pax d'a sat lum d'a spatic yichan̈ noc', taquin̈, ol vojtaquejeli to yel a in ol in ac'lab'ej a colanel eb' vetchon̈ab' tic, icha ix aj alani, xchi vin̈.

Jueces 6:37 Referans Kwoze

Os 14:5

'Icha tz'aj snichn te c'ultc yuj chicb'cha'an̈, mto 'icha te c'ute 'a jolmctac witz 'a lum Líbano to najt tz'at sch'an̈lyib', 'ixta 'oj wutc pax eb' israel.

Mt 15:24

'Ix ta'w Jesús 'a 'ix 'ixtic: —An̈j 'a eb' wit israelal checb'iln cot yuj Dios. Yujto 'icha jun tzo'n̈ calnelu tzsatq'ui, 'ixta eb', xchi.

Salmos 72:6

Lajn cab' win rey 'icha n̈ab', mto 'icha chicb'chan̈ tz'a'n yaxb'oc sat lum lu'um, yet' pax te c'ultac.

Dt 32:2

A in cuynb'il 'oj wal tic, lajn wal 'icha yic tz'em n̈ab'. A jun tzo'n̈ in paxti 'oj walcn tic, lajn 'icha yic tz'em chicb'cha'an̈. An̈jtona', 'icha wal yem n̈ab' 'a yib'n̈ te 'itaj, yet' 'a yib'n̈ te c'ultac, 'ixta 'oj 'ajoc.

Jueces 6:17

—Toto wach'n 'a a sat, tzin tew 'ayach, ch'ox junc milagro wila', sec tznachj 'el wu'uj, chajtlto schecb' ach Dios.

Jueces 6:36

'Ix yaln Gedeón 'ixtc 'a Dios: Toto caw yel an tzin a c'anlb'ej yic tza coln 'el a chon̈ab', 'icha wal xotj alni, ch'ox junc senya 'ayin.

Jueces 6:38

'Icha wal xyutj yaln cha, 'ixta wal x'aji. A yic xq'ue wan Gedeón chi 'a sq'uin̈b'ial, 'ix spitz'n 'el yalil no tz'um cha, ax x'aji, x'elt jun niwquil vaso a a 'a no'.

Gn 24:14

Comnoc tz'el 'a a c'ojol, to a 'ix cob's 'oj wul yic' q'uet ya'al, 'oj wal 'ixtc 'a 'ix: Tzin tew 'ayach, 'ac' 'ejm a ch'ub', tza'n wuc' jac a a 'ay 'a yol a ch'ub' cha, 'oj in chic 'a 'a, ax yaln 'ix: 'U'j a', tzwa'n pax yuc' e no 'a cameyo tic a', xchi cab' 'ix. A cab' 'ix chi tza si'li, yic tz'och yistzilc win a checb' Isaac. 'Ixta 'oj 'aj snachj 'el wu'uj, ax wa'n 'och yipc in c'ojol, to caw wach' a nab'en 'a yib'n̈ win in patron̈, xchi win checb' cha.