Jueces 6:35 - Chuj San Sebastian Bible

³⁵ 'Ix ya'n 'at pax schecb' 'a eb' yin̈tl Manasés, sec tz'och eb' yet'oc. 'Ix ya'n 'at pax schecb' 'a eb' yin̈tl Aser, yet' 'a eb' yin̈tl Zabulón, yet' pax 'a eb' yin̈tl Neftalí, yuj cha, junn̈j xyutj sb'a eb' yet'oc.

Chuj San Mateo Bible

³⁵ Ix yac'anpaxb'at schecab' vin̈ yavtejcot eb' yin̈tilal Manasés, eb' yin̈tilal Aser, eb' yin̈tilal Zabulón yed' eb' yic Neftalí, yuj chi' ix smolb'ej sb'a eb' yed' vin̈.

Jueces 6:35 Referans Kwoze

Jueces 4:6

'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

Jueces 4:10

Ata syamtzej Barac chi lajn̈e mil eb' soldado, ata x'elt eb' 'a scal eb' yin̈tl Zabulón, yet' 'a eb' yin̈tl Neftalí. Xlajw cha, x'at eb' yet'oc, x'at pax 'ix Débora cha.

Jueces 5:18

Ax eb' yin̈tl Zabulón yet' eb' yin̈tl Neftalí, caw xyac' eb' sq'uinl 'a yol sc'ab' chamel, 'ix 'at eb' 'a owal.

Jueces 7:3

A ticnec, al yab' eb' winc tic, toto 'ay mach tzxiw s'at 'a owal, tztac' cab' smeltzj 'a yatut, xchi. 'Ixta x'aj smeltzj can chab'schawinc mil eb' soldado cha, cojxn lajn̈e mil eb' xcani.

Jueces 7:23

Ax eb' israel yic Neftalí, yic Aser yet' smasnil eb' yic Manasés, 'ix syam sb'a eb'. 'Ix 'at eb' 'a spatc eb' madianita cha.