Jueces 5:23 - Chuj San Sebastian Bible

²³ Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

Chuj San Mateo Bible

²³ Ix yalan Yángel Jehová: Cotocab' yoval sc'ol Jehová d'a yib'an̈ chon̈ab' Meroz yed' d'a yib'an̈ eb' cajan ta'. Cotocab'can d'a yib'an̈ eb' yujto maj colvaj eb' yed' Jehová, maj colvaj eb' yac'an oval yed' eb' soldado te tec'an, xchi.

Jueces 5:23 Referans Kwoze

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

1 Co 3:9

Yuj cha, an̈ tic on̈, quit munljumal qui b'a ca'n servil Dios on̈. Ax xo tic, 'icha jun tzo'n̈ 'awb'ente', 'ixta 'ex 'a Dios. An̈jtona', 'icha junc n̈a wan sb'o yuj Dios, 'ixta 'ex.

Ro 15:18

Matz tac' walni, tas b'ob'il yuj jun tzo'n̈ xo eb' tz'a'n servil Dios. Palta matz in xiw walni, tas 'ix sb'o Cristo wet'oc, yic 'ix ya'n syiclc eb' man̈ israeloc. Yujto an x'ec' wal-l yab'x eb', xin ch'oxn jun wach' b'eyb'al 'a eb'.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Jeremías 48:10

(Catb'tzaxc cab' mach to matz b'on snib'b'en Jehová 'a smasnil sc'ojol. Catb'tzaxc cab' mach to matz c'anlb'ej yespada yic tzmilw cham 'anma'.)

Nehemías 3:5

Ax eb' 'aj Tecoa sb'on pax eb' yic cha, palta a eb' niwc winc 'a scal eb', ma'ix yal sc'ojl eb' xcolwj yet' eb' tzjucb'tzan jun munljel cha.

A Ch'an̈ B'ab'el Libro Samuel 26:19

Tzin tew 'aych ach wajlil, to tza chaj ab' tas 'oj wal an a checb' in tic: Toto a Jehová ach 'a'n 'och 'ajc'ojlal 'ayin, comnoc tz'el 'a sc'ojl schan junc ofrenda; palta toto yicn̈ej 'anma jun tic, ya' cab' Jehová scatb' 'a yib'an̈. Yujto in spechl eb' 'a lum lum to yic Jehová yaji, 'icha to tzin spechcn 'at eb' wac' servil jun tzo'n̈ comn dios.

A Ch'an̈ B'ab'el Libro Samuel 25:28

Tza'n niwnc'ojlal 'a wib'n̈ yuj in paltail. Wal yel a Jehová 'oj 'ochn̈j et' 'a opiso, yet' eb' en̈til, 'ilt nab'an, to yuj Jehová tza'n owl tic 'a smasnil tiempo, may cab' b'a'n̈ tu tas tza b'o'o.

A Ch'an̈ B'ab'el Libro Samuel 18:17

Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.

A Ch'an̈ B'ab'el Libro Samuel 17:47

Smasnil eb' 'anma yamn tic, 'oj yojcoc 'el eb', chajtlto man̈ espadaoc, man̈ lanzaoc tzc'anlb'ej Jehová, yic tzcoln 'el schon̈ab'. A jun owl tic yic Jehová. A 'oj eya'n 'och 'a yol qui c'ab' on̈, xchi David.

Jueces 13:3

Palta ax jun yángel Jehová a 'ix sch'ox sb'a 'a 'ix. 'Ix yaln 'a 'ix 'ixtic: Ach tic, may xon junc one 'ix el satoc, ax ticnec jun, 'oj a cuchcnchan̈ jun a winc 'unin.

Jueces 6:11

'Ay jun c'ual 'ay jun yángel Jehová 'ix 'emli, axta x'em wocn 'a yich jun te mach' 'ay 'a Ofra. A jun lum cha, yic win Joás yin̈tl Abiezer. 'Ay pax jun yunnal win tzcuch Gedeón. A Gedeón cha, wan schayw trigo 'a c'ultaquil, sec matz yilsb'a eb' madianita 'a 'a. A 'aj tzte'x 'el yal uva, ata tzchayw trigo cha.

Jueces 4:6

'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

Jueces 2:1

'Ix 'at jun yángel Jehová 'a Gilgal, 'ix c'och 'a Boquim, xyaln 'a eb' israel 'ixtic: An ex wij 'elt 'a Egipto, xlajw cha, ex wi'n cot 'a jun lum tic. Atn lum wa'jnac can in ti wa'n 'a eb' e mam eyicham, yic waln can 'a eb' 'ixtic: May b'a'n̈ 'oj in satl jun trato xwac' eyet' tic,

Jueces 5:13

Ax eb' syajlil eb' quit chon̈b' caw jeln ya'n owal, 'ix 'eml eb', atn eb' soldado Jehová xyac' owl yet' jun tzo'n̈ xo eb' soldado jeln 'a owal.

Jueces 21:5

'Ix sc'anb'n 'ec' eb' 'ixtic: —¿Mach junc 'a qui calc tic ma'ix xit' quet'ec 'a qui yamnil 'a yojltac Jehová 'a Mizpa? xchi eb'. Yujto ya'jnac eb' sti', toto 'ay junc mach matz 'at 'a jun yamnil 'a yojltac Jehová 'a Mizpa cha, tojln̈ej schami.

Jueces 8:5

Ax yic xc'och eb' 'a Sucot, 'ix yaln Gedeón chi 'ixtc 'a eb' 'aj lugar cha: —Comnoc wal tz'el 'a e c'ojl e siyn jac tas tzc'ux eb' ajun wet' tic, yujto caw tz'el yip eb' yuj c'unb'lal, to tzqui pech eb' sreyl eb' madianita on̈, atn win Zeba yet' win Zalmuna, xchi.

Jueces 8:6

Ax eb' syajlil eb' 'aj Sucot cha, xyaln eb' 'ixtic: —¿Tom 'ayx 'ec' win Zeba yet' win Zalmuna chi 'a yol e c'ab', yuj cha, tza nib'n an̈ tzcac' tas tzc'ux ewin a soldado tic? xchi eb'.

Jueces 8:8

Xlajw cha, 'ix 'atx eb' 'a junx chon̈b' tzcuch Peniel, 'ix sc'ann tas tzc'ux eb' ajun yet' cha, 'icha wal xyutj yaln 'a eb' 'aj Sucot, 'ixta 'ix yutj yaln pax 'a eb'. Ax eb' 'aj Peniel cha, 'icha xyutj eb' 'aj Sucot yalni, 'ixta pax xyutj eb' yaln 'a 'a.

Jueces 21:8

¿'Aym jun c'ajoc eb' quit israelal ma'ix xit' quet'ec 'a qui yamnil x'och 'a yojltac Jehová 'a Mizpa? xchi eb'. Snan cot eb' to a eb' cajn 'a Jabes 'a yol yic Galaad, may xon junc eb' xit' 'a yamnil cha.

Salmos 94:16

Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?