Jueces 5:11 - Chuj San Sebastian Bible

¹¹ Caw najt tz'at sjaj te son eyu'uj, yet' jun tzo'n̈ q'uen platillo 'aj 'ay a 'uc'b'il a', alc 'el sjelnal Jehová yujto xyac' ganar owal, xyac' ganar yi'n can pax 'ec' yaldeail chon̈b' Israel.

Chuj San Mateo Bible

¹¹ A ex ayex ec' b'ajtac ay a uc'b'ila', najatocab' sb'at sjaj e son yed' e platillo yuj eyic'anchaan̈ Jehová, yujto toxo ix satjiel eb' cajc'ool yuuj, yujto ix colvajpax d'a eb' munlajvum ayic ix yac'an oval eb', ix yac'an ganar eb'. Ichato chi' ix yal co meltzaj emta a on̈ schon̈ab' on̈ Jehová d'a co chon̈ab'.

Jueces 5:11 Referans Kwoze

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

A Ch'an̈ B'ab'el Libro Samuel 12:7

A ticnec jun, sictac tzex 'aji, tze maclni eyab' tas 'oj wal 'ayx 'a yojltac Jehová, yuj smasnil tas wach' sb'ojnac cujec, yuj pax eb' qui mam quichmec.

Jueces 5:8

A wal yic sayn 'ec' eb' wit israelal jun tzo'n̈ comn dios, caw wal tzjaw eb' 'a'm owl 'a sti spuertail chon̈ab'. Man̈x xon junc tzmacn sat jul-lab', man̈x xon lanza tzwil 'a scal junc 40 mil eb' wit chon̈ab'.

Lm 5:9

Scal xiwc'ojlal tz'at quic' jac tas tzqui c'ux on̈, yujto 'ay smay yuj eb' 'a'm owl 'a lum cusltac lu'um.

Lm 5:4

A ca'al yet' qui c'atztz tzqui c'ana, to tzqui man on̈.

Jeremías 7:2

'Ochn̈ lin̈n 'a sti spuertail watut an Jehová in tic, tzlajw cha, tzaln 'a eb' 'anma chi ta', to an tzwac' al 'ixtc 'a eb': E masnil ex cajn ex 'a chon̈b' Judá, ex tzex 'och 'a jun puerta tic, yic tz'at eya'nc 'emmquilal 'a Jehová, macljec eyab' jun tzo'n̈ spaxti tic.

Is 28:6

A 'oj 'a'nc sna eb' juez yic tzb'eyc'ojlwi eb' 'a stojlal, 'oj yac' yip eb' soldado yic tztan̈wni eb' schon̈ab'.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Job 29:7

A yic 'ay yamnil tz'och 'a yol chon̈ab', caw wal sayb'il in xila 'aj tzin 'emwocan.

Dt 22:24

to 'ixta', tz'ijx 'at eb' schawn̈il 'a yojltac despacho 'a jun chon̈b' cha, ata tzjulx cham eb' yet' q'uen q'ue'en. Tzcham 'ix cob's cha, yujto yol chon̈b' 'ayc' 'ix, ma'ix 'el yaw 'ix. An̈jtona win winc cha, tzcham winac yujto xyixtj win 'ix 'ix wan yoch yistloc win yit wincal win cha. 'Ixta tzeyutj e satn 'el maysch'olnil 'ayc 'a e cal.

Salmos 145:7

'Oj alxoc 'el yab'xil a wach'c'ojlal to caw niwan, caw 'ip 'oj alxoc 'eli to caw tojl a nab'en.

Gn 24:11

Wan xo sq'uic'b'i yic xc'och win checb' chi 'a sti 'el chon̈ab', 'a yorail yic tz'elt eb' 'ix 'ix 'ij 'at a'. 'Ix 'ilj win checb' chi yet' no cameyo 'a sti jun a 'uc'b'il a 'a sti 'el chon̈b' cha.

Gn 29:2

A yic xc'och 'a jun 'a'lic, xyiln 'at jun a 'uc'b'il a'. A 'a stz'ey a cha, ata 'ayc' 'oxe monto no calnelu, yujto ata tzyu'j e no a'. 'Ay jun niwquil q'uen 'ay q'ue smacloc sti a'.

Gn 29:3

A yic tzyamn sb'a masnil no calnelu ta', ax ewin 'ilm calnelu chi tz'i'n 'el q'uen smacl sti a a cha, tzya'n ewin yuc' e no a', tzlajw cha, tzmacn can pax ewin sti a'.

Dt 33:21

A eb' yin̈tl Gad, 'ix can eb' 'a lum lum caw wach' sat. A jun lum cha, smoj wal to a eb' capitan̈ 'aj x'ajx lu'um. A yic syamn sb'a eb' yichm wincal chon̈b' Israel, ax eb' yin̈tl Gad, a eb' xya'ch sb'a sjucb'tzan eb' chon̈ab', syiclni eb' smasnil tas 'ix yal Jehová yuj eb' schon̈ab', xchi.

Jueces 11:40

Yuj cha, 'ix 'ochcn jun chi sb'eyb'aloc eb' israel. A yic tzjaw junjn ab'il, smasnil eb' 'ix cob'stac, tzyam sb'a eb' 'ix chan̈e c'u yic tz'oc' eb' 'ix yuj snanb'il cot 'ix yisl Jefté cha.

Salmos 71:15

Smasniln̈ej c'u 'oj wal-l ab'xil, chajtlto ach tic caw tojl ach, ach in a col-li. Wach'xam to matz nachj 'el wuj smasnil, palta 'oj wal-li.