Jueces 5:1 - Chuj San Sebastian Bible

¹ A wal 'a yic jun c'u cha, 'ix b'itn 'ix Débora yet' win Barac, yunnal Abinoam, xyaln eb' 'ixtic:

Chuj San Mateo Bible

¹ A d'a jun c'u chi', ix sb'itej jun b'it ix Débora yed' vin̈aj Barac yuninal vin̈aj Abinoam, ix yalan eb' icha tic:

Jueces 5:1 Referans Kwoze

Ex 15:1

Xlajw cha, 'ix sb'itnan Moisés jun b'it yet' smasnil eb' israel 'a yojltac Jehová, xyaln eb' 'ixtic: Caw wal tzon̈ b'itnec 'a Jehová yic tzqui'nec chan̈ sb'i, yujto caw wal satjub'tac 'ix yutj ya'n ganar owal. 'Ix mucchj can 'ejm no chej 'a yojl a mar yet' ewin 'et'jnac e no'.

Salmos 18:1

Mamin Jehová caw wal tzach in chamc'ojlej, ach 'aych 'och wipoc.

Lc 1:46

Xlajw cha, xyaln María 'ixtic: Yet' smasnil in c'ojol, tzwal wach' paxti 'a Cajlil;

Is 26:1

A 'a yic jun c'ul cha, 'oj b'itnaxc jun b'it tic 'a yol smacb'en Judá 'ixtic: 'Ay wal jun qui chon̈b'ec caw 'ay yip 'aj caw wach' qui colnec qui b'a, caw a Jehová tzon̈ colni, yujto a 'icha muro yaji.

Is 25:1

Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

Job 38:7

Wan xo sacb' 'el 'a jun c'u cha, 'ix b'itn chan̈ smasnil c'anal, ax eb' wángel caw 'ix 'el yaw eb' yuj tzaljc'ojlal.

2 Cr 20:27

Xlajw cha, 'ix b'ab'lj Josafat, caw wal tzaljc'ojlal 'ix meltzj yet' eb' 'ay 'a Judá yet' eb' 'ay 'a Jerusalén. A Jehová x'a'n stzaljc'ojlal eb', yujto 'ix colchj 'el eb' 'a yol sc'ab' eb' 'ajc'ojl cha.

2 Cr 20:21

A yic 'ix lajw spaxtin yet' eb' chon̈b' cha, 'ix si'n 'el jun tzo'n̈ eb' to tzb'itni. 'Ix ya'n 'och eb' spichl yic yopiso cha, 'ix b'ab'lj eb' yuj eb' soldado cha. Tzyaln eb' wach' paxti yet' sb'it 'ixtic: Ca'c yuj diosal 'a Jehová, yujto a schamc'ojlal, 'ayc' 'a jun 'ejmn̈ej, xchi eb'.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.

Nm 21:17

Atn 'a jun tiempoal cha, ata sb'itnej eb' israel jun b'it 'ixtic: ¡'Ix q'uel pulnjoc a 'uc'b'il a', tzon̈ b'itn yuj a 'uc'b'il a tic!

Ex 15:21

'Ix b'itn 'ix 'a yojltac eb' 'ix 'ixtic: B'itncoyec, qui'c chan̈ sb'i Jehová, yujto caw satjub'tac yilx xyutj ya'n ganar owal. 'Ix mucchj can 'ejm no chej 'a yol a', yet' smasnil eb' 'anma 'ay q'ue 'a yib'n̈ no', xchi María 'a sb'it.

Jueces 4:24

'Ix syamnn̈ej 'och eb' ya'n owl yet' winac, masnto x'em win yuj eb' israel cha.

Job 36:24

Smasnil 'anma', tzbitnej swach'l Dios yuj tas b'ob'il yu'uj; an̈jtona pax ach tic, al a wach' paxti 'a jun xo.

Salmos 32:7

A 'aych tzin col in b'a, ach tzin a tan̈wj 'a yol sc'ab' tas 'ay smay, 'oj 'el waw ach in b'itnan yuj in colnb'il 'ix ac'a.

Jueces 4:4

A 'a yic jun tiempoal cha, 'ay jun 'ix 'ix 'aych yajlil 'a scal eb' israel, Débora sb'i 'ix, schecb' Dios yaji, yistzil jun win tzcuch Lapidot.

A Ch'an̈ Schab'l Libro Samuel 22:1

'Ix sb'itnej rey David jun b'it tic 'a Jehová, yic sc'ul xcolx 'el yuj Jehová 'a yol sc'ab' Saúl, yet' 'a yol sc'ab' jun tzo'n̈ xo eb' 'ajc'ojl yajch 'a 'a.