Jueces 4:7 - Chuj San Sebastian Bible

⁷ An 'oj wa' cot win Sísara 'aych 'a sti a Cisón, win syajlil eb' soldado yic win Jabín, yic tzwul ya'nc owl et'oc. 'Oj yi' cot scaruaje yic owal yet' soldado. An xo 'oj wac' eb' 'a yol e c'ab', xchi Jehová, xchi 'ix.

Chuj San Mateo Bible

⁷ A in ol in montejcot vin̈aj Sísara, yajalil eb' soldado vin̈aj Jabín d'a sti' a Cisón, yic syac'an oval vin̈ ed'oc. Ol yic'cot scarruaje vin̈ yed' eb' soldado. A inxo ol vac'och eb' d'a yol a c'ab', xchi Jehová d'ayach, xchi ix Débora chi'.

Jueces 4:7 Referans Kwoze

A Ch'an̈ B'ab'el Libro Yic Yab'ixal Eb' Rey 18:40

Yuj cha, xyaln Elías 'ixtic: —Yamc ewin schecb' Baal, may cab' junc eb' tz'atcn 'eloc, xchi. 'Ix yamchj eb' yuj eb' 'anma cha, ax Elías 'ix 'a'n 'ijxoc 'at eb' 'a sti a niwn a Cisón, axta xmilx cham eb'.

Jueces 5:21

A a Cisón, a x'i'n 'at eb' smasnil, palta pecti xon 'ay a'. Ca'c quip qui 'at 'a cojltac.

A Ch'an̈ B'ab'el Libro Samuel 24:18

A ticnec 'ix a ch'oxli, to wach' a nab'en 'ayin. In ya'ch wal Jehová 'a yol a c'ab', palta ma'in 'a mil chamoc.

A Ch'an̈ B'ab'el Libro Samuel 24:10

¡'Ilto, na a b'a! A Jehová ach 'a'n 'och 'a yol in c'ab' 'a yojl q'uen n̈aq'ue'en. 'Ix yal eb' winc ajun wet'oc, to ata tzach in mil chamoc, palta ma'ix yal in c'ojol. 'Ix wac' niwnc'ojlal 'a eb'an̈. 'Ix in na coti to rey ach, yujto a Jehová si'jnacch 'och reyal.

Jueces 4:14

Xlajw cha, xyaln 'ix Débora chi 'a Barac 'ixtic: —'Ixc muc'uc, yujto a ticnec xc'och sc'ul ya'n 'och Jehová win Sísara 'a yol qui c'ab'. B'ab'l xo s'at Jehová 'a cojltac, xchi 'ix. Xlajw cha, x'em paxt Barac 'a lum jolm witz Tabor, tza'n 'och lajn̈e mil soldado yu'uj.

Josué 10:8

'Ix yaln Jehová 'ixtc 'a Josué cha: —Man̈ ach xiw xon jac yuj ewinac, yujto an 'oj wac' ewin 'a yol e c'ab', may xon wal junc win 'oj ste'wtzoc sb'a ya'n owl eyet'oc, xchi.

Josué 8:7

A yic tzeyiln qui at 'elc on̈, tzex 'elt mu'c 'aj tze c'ub'j 'el e b'a cha. Tzex 'och 'a yol chon̈b' chi muc'uc, yujto a Jehová qui Diosalec, a tz'a'n jun chon̈b' chi 'a yol qui c'ab'ec.

Ex 21:13

Palta toto man̈ sc'anc sc'ojl tzmilwj cha, lemb'il to stiempoal xo scham pax junc 'anma cha. Toto 'ixta', an Dios in tic, an 'oj wala', 'ajtil 'oj 'at sc'ub'c 'el sb'a junc tzmilwj cha.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

Josué 11:6

Palta xyaln Jehová 'ixtc 'a Josué: —Man̈ ach xiw 'a eb' 'anma cha, yujto yab'n 'icha hora tic q'uic'an, 'oj cham eb' smasnil 'a eyojltac wu'uj. 'Oj e mac' wecchjoc schej eb', ax e n̈usn pax scaruaje eb' cha, xchi.

Jueces 4:8

Xta'w win Barac 'ixtic: —'Oj in 'ati toto locn ach tzach 'at wet'oc, palta toto matz ach 'ati, matz in 'at pax jun xo, xchi winac.

Ex 14:8

'Ixta 'ix yutj pax Jehová ya'n pitb'oc 'el snab'en win rey, 'ix 'ochx tza'n win yuj eb' israel. Palta toc 'ay xon eb' israel chi tzxiwi yic x'elt eb' 'a Egipto.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.