Jueces 4:4 - Chuj San Sebastian Bible

⁴ A 'a yic jun tiempoal cha, 'ay jun 'ix 'ix 'aych yajlil 'a scal eb' israel, Débora sb'i 'ix, schecb' Dios yaji, yistzil jun win tzcuch Lapidot.

Chuj San Mateo Bible

⁴ A d'a jun tiempoal chi', ay jun ix ix schecab' Jehová scuchan Débora, yetb'eyum ix vin̈aj Lapidot, a ix sb'oan yaj yoval eb' yetisraelal.

Jueces 4:4 Referans Kwoze

Lc 2:36

Ata 'ayc' pax jun 'ix 'ix tzyac' Dios alnc 'el spaxti'. Ana sb'i 'ix. Yisl win Fanuel yin̈tl can Aser, caw chichm xo 'ix. A yic cob's to 'ix, yijnac 'ix jun yichmil, uquen̈ej ab'il yij sb'a 'ix yet' winac, scham winac.

A Ch'an̈ Schab'il Libro Yic Yab'ixal Eb' Rey 22:14

Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

1 Co 11:5

Ax eb' 'ix 'ix, toto may jac tas 'ay q'ue 'a sjolm eb', tzleslwi eb', tzyaln 'el eb' spaxti Dios, a sjolm eb' chi tzyac' sq'uixwloc. 'Icha to joxb'il 'el sjolm eb' cha.

A Tas Sc'ulejnac Eb' Schecab' Jesús Hechos 21:9

'Ay chan̈wn̈ yisl Felipe cha, mant 'a yichmil eb', cob'stact eb'. Tzyac' Dios yal-l eb' spaxti'.

Miqueas 6:4

'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

Nehemías 6:14

Yuj cha, in leslwi 'ixtic: Ach in Diosal tza na coti, to tza'ch yailal 'a yib'n̈ Sanbalat yet' Tobías, yuj jun tzo'n̈ tas 'ix sb'o eb' cha. An̈jtona', tza nan pax cot 'ix Noadías, 'ix cob' ya'ch sb'a yaln 'el a paxti', yet' jun tzo'n̈ xo eb' tzyalch sb'a a checb'oc, yujto tzyac' eb' 'ip in xib'tni, xin chi.

Jueces 4:3

A win Jabín cha, 'ay b'aln̈e ciente scaruaje win yic owal, 'aych q'uen hierro 'a spatquil. Junc'l ab'il xcan eb' israel 'a yol sc'ab' winac. Caw wal x'ixtx eb' si'mb'il, yuj cha, xtew eb' 'a Jehová, sec tzcolx eb' yu'uj.

Jueces 4:5

A 'ix Débora cha, ata tz'em wocn 'ix 'a yich jun te palma 'ay 'a jolm witz 'a yol yic Efraín, 'a snan̈l Bet-el yet' Ramá. Ata tzxitc' eb' israel sb'oyaj yowl 'a 'ix, yuj cha, x'ajx can scuch te palma chi, Te palma yic Débora.

Ez 13:17

Ach 'anma', a ticnec al 'a jun tzo'n̈ eb' 'ix et chon̈ab', eb' 'ix cob' xyalch sb'a in checb'oc. A eb' 'ix cha, mun cob' tzyal eb' 'ix junc tas 'a yol yico'.

Jueces 5:1

A wal 'a yic jun c'u cha, 'ix b'itn 'ix Débora yet' win Barac, yunnal Abinoam, xyaln eb' 'ixtic: