Jueces 21:19 - Chuj San Sebastian Bible

¹⁹ Palta 'in 'a junjn ab'il tznax jun niwquil q'uin̈ 'a yojltac Jehová 'a Silo, atn jun 'ay 'a stojlal norte yic Bet-el. Tzcan 'a stojlal 'aj tz'ejm c'u 'a jun b'e tz'at 'a Bet-el tzc'och 'a Siquem jun 'ay 'a stojlal sur yic Lebona, xchi eb'.

Chuj San Mateo Bible

¹⁹ Palta junjun ab'il ay jun nivan q'uin̈ tz'och d'a yichan̈ Jehová d'a Silo, aton jun ay d'a snorteal Betel, d'a stojolal b'aj tz'em c'u d'a b'e sb'at d'a Betel chi' sc'och d'a Siquem, d'a stojolal sur yic Lebona, xchi eb'.

Jueces 21:19 Referans Kwoze

Jn 7:2

Wan sjapx stiempoal jun sq'uin̈ eb' israel tzcuch Q'uin̈ Chinama.

Jn 5:1

Xlajw cha, 'ix 'atx Jesús 'a Jerusalén, x'at yilnoc jun sq'uin̈ eb' yit israelal.

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

A Ch'an̈ B'ab'el Libro Samuel 1:3

'A junjn ab'il tzxit'c win Elcana chi 'a schon̈b' 'at yac' xajmb'al 'a Jehová tztac' yuj smasnil, atn 'a chon̈b' Silo. Ata 'ay chawn̈ eb' ya'mal 'och sti eb' 'anma 'a Dios, atn Hofní yet' Finees. A eb' cha, yunnal win Elí.

Jueces 18:31

A jun yechl sb'o Micaía, a xya'ch eb' sdiosalc 'a smasnil tiempo, yic 'ayc' scajnub' Dios 'a chon̈b' Silo.

Josué 18:1

'A yic tox 'ix yijcan 'ec' eb' israel lum lum cha, syamn sb'a eb' smasnil 'a chon̈b' Silo, 'ix sb'on chan̈ eb' jun Mantiado 'aj tzqui chaj qui b'a yet' Dios.

Dt 16:13

A yic tzlajw e poln chan̈ smasnil e trigo cha, yic tzlajw e pitz'n can 'el eyal uva, a pax ta tze na uque c'u q'uin̈ Chinama.

Dt 16:10

A yic tzlajw jun yucl seman cha, ata tz'el yich e nan jun q'uin̈ yic tzlajw e poln chan̈ e trigo. Ata tzeyac' eyofrenda to tz'el wal 'a e c'ojl eya'ni, a tzyal jantc syaxilal Jehová qui Diosalec tzyac' 'a eyib'an̈.

Dt 16:1

'Ix yaln pax Moisés 'ixtic: A yic tzjaw jun 'uj tzcuch Abib 'a junjn ab'il, ata tze na q'uin̈ yic quelc 'a libre 'a Egipto, yuj eyi'n chan̈ sb'i Jehová qui Diosalec, yujto a 'a jun 'uj cha, ata 'ay jun 'ac'wl 'aj on̈ yijec 'elt Jehová Dios 'a Egipto cha.

Nm 29:12

A 'a yolajn̈il c'u yoch yucl 'uj cha, ata tzeyamx e b'a yic tzex 'och 'emmquilal. A 'a jun c'u cha, may mach tzmunlji, uque c'u tze na jun q'uin̈ cha, yuj eyi'n chan̈ in b'i an Jehová in.

Nm 28:26

A yic tox 'ix 'ec' uque seman yec' q'uin̈ yuj e nan cot eyel 'a libre, yic tzeya'n eyofrenda 'a 'ayn yuj sb'ab'l sat eyawb'en tze mol cha, ata tzeyamx e b'a e masnil, yuj eyochx 'emmquilal 'ayin. A 'a jun c'u cha, may xon junc mach tzmunlji.

Nm 28:16

A 'a chan̈lajn̈e yoch b'ab'l 'uj yic junjn ab'il, ata tznax q'uin̈ eyel 'a libre yuj yi'nb'ilc chan̈ in b'i an Jehová in.

Nm 10:10

An Jehová e Diosal in, an tzwala: A yic sc'ul 'ay e tzaljc'ojlal cha, 'icha 'a yic sc'ul q'uin̈, mto 'a yic tzpac' 'uj, tzeyutz'j q'uen trompeta cha, 'a yic tzeya'n tz'a e xajmb'al, mto xajmb'al yic junc'ojlal, sec 'oj ex in na coti, xchi Dios.

Lv 23:34

Al jun tzo'n̈ tic 'a eb' et israelal to an tzwal 'ixtic: A 'a olajn̈e yoch yucl 'uj cha, ata tze na uque c'u q'uin̈ Chinama, yuj eyi'n chan̈ in b'i.

Lv 23:10

Al jun tzo'n̈ tic 'a eb' et israelal: A yic tox ex c'och 'a sat lum lum tzwac' eyico'oc, a yic 'oj e polnc e cebada, a jun yuchn̈ 'ixm tze b'ab'l polj cha, tzeyij can 'eli. Ax yic yewial xo yec' sc'ul 'iljelal, tzeyi'n cot 'a win ya'mal 'och sti eb' 'anma', ax win tz'a'n 'och 'ixm ofrendail 'a wojltac, sec wach' chab'il wuj 'ayex.

Lv 23:6

Ax 'a olajn̈e yoch jun 'uj cha, ata tze na jun q'uin̈ yic 'ixm pan may yich, yuj yi'nb'ilc chan̈ in b'i an Jehová in. A 'a yol uque c'u cha, cojn 'ixm pan may yich tze wa'aj.

Lv 23:4

Atn pax jun tzo'n̈ q'uin̈ tic to niwn yel'chi yic tzeyi'n chan̈ in b'i, tze yamn e b'a yuj eyoch 'emmquilal 'ayn an Jehová in, atn jun tzo'n̈ c'u alb'ilx wu'uj:

Lv 23:2

Al jun tzo'n̈ tic 'a eb' et israelal: Atn jun tzo'n̈ q'uin̈ tic to wic an Jehová in, ata tzeyam e b'a yic tzex 'och 'emmquilal 'ayin.

Jueces 21:20

Ax eb' yajl yaj 'a scal eb' israel cha, x'at yac' eb' alxc jun paxti tic 'ixtc 'a eb' yin̈tl Benjamín: —'Ixquec, 'at c'ub'jec 'el e b'a 'a scal te uva 'a sla'nil Silo.