Jueces 20:41 - Chuj San Sebastian Bible

⁴¹ Yuj cha, 'ix swach' te'wtzan sb'a eb' israel 'a yojltac eb' yic Benjamín. Ax eb' 'ajc'ojl cha, caw 'ix xiw eb' yuj tas 'ix jaw 'a yib'n̈ cha.

Chuj San Mateo Bible

⁴¹ Icha val chi' ix aj stec'b'an sb'a eb' israel d'a yichan̈ eb' yic Benjamín chi', ix te xivq'ue eb' yic Benjamín chi', ix nachajel yuj eb' to van yac'ji ganar eb'.

Jueces 20:41 Referans Kwoze

A Schab'il Carta San Pedro 2:12

'Icha junc noc', may jac tas tznachj yu'uj, 'ixta eb' 'anma cha, yujto cojxn wal tas tznib'j 'och sniwnal eb' tzb'o'o. Yuj cha, 'icha junc noc', cojn yopiso syamchji, tzmilx chamoc, 'ixta eb'. Ton̈j tzcomn b'uchwj eb' 'a jun tzo'n̈ tas man̈ yojcoc. 'Oj wach' satcn 'el eb', yujto caw maysch'olnil tzyutj sb'a eb'.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Lc 21:26

Caw 'oj sacb'oc 'el eb' 'anma yuj xiwlal, yic 'oj snanc eb' yuj tastc 'oj jawc 'a yolyib'n̈q'uinl tic, yujto 'oj tzicb'tan̈xoc jun tzo'n̈ 'ay spoder 'a satcha'an̈.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Pr 11:5

Toto tojl qui nab'enec, a tzon̈ tojlb'tzanec 'och 'a jun b'e wach', palta toto tu qui nab'enec, 'oj cot 'a quib'n̈ec yuj qui tu nab'enalec cha.

Pr 11:6

Toto tojl qui b'eyb'alec, wan qui colnec qui b'a 'a tas maysch'olnil; palta toto man̈ tojloc qui b'eyb'alec, caw tzqui yalejec qui b'a yuj qui saynec 'ec' tas tzqui nib'jec 'ochi.

Pr 29:6

A mach maysch'olnil sb'eyb'al, a smul cha, 'icha ch'an̈ yal yajch 'a 'a; ax pax mach to wach' snab'en, caw junc'ojlal yaji, tzaljc'ojlaln̈ej yico'.

Josué 8:20

Ax yic xmeltzj 'at q'ueln eb' winc yic Hai chi 'a spatquil, 'ix yiln eb' to wan sq'ue wan tocc'oc stab'l schon̈b' eb' stz'a'i, xq'ue'ch jun tab' chi 'a satcha'an̈. Man̈x 'a 'aj wach' scoln sb'a eb', ax eb' israel x'at 'elc 'a lum cusltac lum cha, 'ix meltzj eb' yac' owl chi yet' eb'.