Jueces 20:21 - Chuj San Sebastian Bible

²¹ Ax eb' yic Benjamín, 'ix 'elt eb' 'a yol chon̈b' cha. 'A 'a jun c'u cha, 22 mil eb' yit israelal eb' chi smilcn chamoc.

Chuj San Mateo Bible

²¹ Axo eb' yin̈tilal Benjamín chi', ix elta eb' d'a yol chon̈ab' chi'. A d'a jun c'u chi', 22 mil eb' yetisraelal eb' chi' ix smilchamoc.

Jueces 20:21 Referans Kwoze

Jueces 20:25

An̈jtona', a 'a scha'ejmal cha, 'ix 'el paxt eb' yic Benjamín yac' owl yet' eb', smiln cham eb' junx wajxclajn̈e mil eb' soldado israel.

Os 10:9

'Ix yaln Jehová 'ixtic: A eb' 'aj chon̈b' Israel tic, matz 'och wan xon eb' ya'n 'och smul, atxo ta 'elnc yich yuj eb' 'a chon̈b' Guibeá. Ax ticnec, an̈j 'ijnoc yoch smul eb'. Yuj cha, 'oj wac' yamchjoc c'och eb' 'anma tu snab'en tic yuj owl 'a chon̈b' Guibeá cha.

Jeremías 12:1

'Ix waln 'ixtc 'a Dios: Mamin Jehová, toto tzin a'ch 'a tejb'al et'oc, ach tic, caw wal tojln̈ej yaj tas tzala. Palta caw tzin nib'j tzin c'anb'j jun tzo'n̈ tas 'ayach. ¿Tas yuj caw wach'n̈j sc'ojl eb' maysch'olnil sb'eyb'al? ¿Tas yuj caw tzaljc'ojlaln̈ej yaj eb' cojn tas tu tzna'a?

Salmos 77:19

'Ix a jac a b'e 'a yol a mar, til wal a a 'aj 'ix ach 'eq'ui, palta may junc mach x'iln 'aj x'em oc.

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.

2 Cr 28:10

Ax ticnec, tox xe nalb'ej to tzeya'ch eb' 'aj Jerusalén yet' jun tzo'n̈ xo eb' 'aj Judá chi e mosooc mto eya'malc servil. Palta ¿tom may pax e mul ax tic tz'och 'a Jehová qui Diosalec?

Dt 23:9

A yic tzex 'och 'a owl yet' eb' 'ajc'ojl yajch 'ayex, yic tzex can 'a scal c'ultac, man̈ e b'o junc tas q'uixweltac yilxi.

Gn 49:27

Ach xo ach tic Benjamín, lajn ach 'icha wal junc no 'ocs caw ow, a 'a yic caw sq'uin̈b'il to, tzchin 'ejm yit noc'al; ax 'a yic sq'uic'b'alil xo, tzpojn can 'ec' tas matz lajw yu'uj, xchi win Jacob 'a eb' yunnal cha.

Jueces 20:20

'Ix 'at eb' yac' owl yet' eb' yic Benjamín, 'a sla'nil chon̈b' Gabaa.

Jueces 20:22

Yuj cha, 'ix 'at eb' israel 'a Bet-el, yic tz'oc' eb' yuj cusc'ojlal 'a yojltac Jehová masnto xq'uic'b'i. 'Ix sc'anb'n eb' 'ixtc 'a Jehová: —¿Tzam on̈ 'at cac' owl yet' eb' quit israelal, atn eb' yin̈tl Benjamín? xchi eb'. 'Ix yaln Jehová: —'Ixquec, xchi. Yuj cha, xyi'n pax eb' sniwnal sc'ojol. Ax 'a junx c'u 'ix 'atx eb' yac' owl yet' eb' yin̈tl Benjamín cha. An̈j 'ijnoc a 'aj 'ix 'och owl yuj eb' 'a b'ab'el, ata xcan eb' jun 'ejm xo.

Salmos 78:62

Caw yelc'ojlal ow 'a eb' schon̈ab', yuj cha, xya'n can 'och eb' 'a yol sc'ab' owl yet' eb' 'ajc'ojl cha.