Jueces 20:1 - Chuj San Sebastian Bible

¹ Yuj cha, 'ix syamn sb'a eb' israel 'a yojltac Jehová 'a Mizpa. 'Ix cot eb' 'a smasnil yol yic Israel, a chon̈b' Dan 'ay a stojlal norte masnto 'a Beerseb'a 'ay 'a stojlal sur yet' 'a Galaad 'a stojlal 'a 'aj tzq'uel c'u. Junxn̈ej xyutj sb'a eb'.

Chuj San Mateo Bible

¹ Yuj chi' ix smolb'an sb'a masanil eb' israel d'a yichan̈ Jehová d'a Mizpa, junxon̈ej ix yutej spensar eb'. Ix cot eb' ay d'a yol smacb'en eb' yin̈tilal Dan d'a norte, eb' ay d'a Beerseba d'a sur yed' eb' ay d'a Galaad d'a stojolal b'aj sjavi c'u.

Jueces 20:1 Referans Kwoze

Jueces 11:11

Yuj cha, 'ix 'at Jefté yet' eb', ax eb' chon̈b' cha, 'ix ya'ch eb' win Jefté chi syajliloc. Ax 'a Mizpa cha, ata 'ix scha alj pax Jefté jun tzo'n̈ spaxti chi 'a yojltac Jehová, atn jun tzo'n̈ xyal 'a eb' 'aj Galaad chi 'a yic b'ab'el.

A Ch'an̈ Schab'l Libro Samuel 3:10

Yaljnac to tzyij 'ec' yopiso Saúl 'a eb' yin̈til, ax 'a David tzya'x can jun 'opiso cha, sec a tz'ochx can sreyloc chon̈b' Israel yet' 'a Judá, tz'eln̈j yich 'a Dan masnto tzc'och 'a Beerseba, xchi.

A Ch'an̈ B'ab'el Libro Samuel 10:17

Xlajw cha, 'ix yawtn cot Samuel smasnil eb' yit israelal 'a yojltac Jehová 'a Mizpa.

A Ch'an̈ B'ab'el Libro Samuel 3:20

Smasnil eb' 'ay 'a yol smacb'en israel, eb' 'ay 'a Dan masnto tzc'och 'a Beerseba, schaj eb' yab'i', to a Samuel caw yel schecb' Jehová.

Jueces 21:5

'Ix sc'anb'n 'ec' eb' 'ixtic: —¿Mach junc 'a qui calc tic ma'ix xit' quet'ec 'a qui yamnil 'a yojltac Jehová 'a Mizpa? xchi eb'. Yujto ya'jnac eb' sti', toto 'ay junc mach matz 'at 'a jun yamnil 'a yojltac Jehová 'a Mizpa cha, tojln̈ej schami.

Josué 22:12

A yic xyab'n eb' jun cha, 'ix syamn sb'a eb' smasnil 'a chon̈b' Silo, yic tz'at eb' yac' owl yet' eb' xmeltzj cha.

Nehemías 8:1

'Ix syamn sb'a smasnil eb' chon̈b' 'a plas; junn̈j xyutj sb'a eb' 'a sti puerta 'aj tz'elt eb' 'ix 'ix cuchj a'. 'Ix alx 'a win cuywjum Esdras, to tzyij cot win ch'an̈ libro yic ley Moisés, atn jun ley ya'jnac Jehová 'a chon̈b' Israel.

A Ch'an̈ Schab'l Libro Samuel 24:2

Yuj cha, 'ix yaln win rey 'ixtc 'a win Joab, yet' 'a jun tzo'n̈ xo eb' syajlil eb' soldado: —'Ec' 'ijec chan̈ sb'isl smasnil eb' winc tztac' yoch soldadoil 'a eb' yin̈tl Israel, sec 'ixta 'oj wutc wojcan 'eli, jantc eb'. Tze chaj cot 'a Dan 'a stojlal norte masnto tzc'och 'a Beerseba 'a stojlal sur, xchi 'a ewinac.

Esdras 3:1

'Ix sb'on pax 'ejm sb'a eb' israel 'a yol schon̈b' jun 'ejm xo, ax 'a yic xtz'acw yucl 'uj, 'ix syamn sb'a smasnil eb' chon̈b' 'a Jerusalén.

2 Cr 30:5

Yuj cha, 'ix smol aln eb' to tz'at eb' checb' yet' ch'an̈ carta 'a smasnil yol yic Israel, chajto 'at 'a chon̈b' Beerseba masnto 'a chon̈b' Dan. 'Ix 'awtx eb', sec tzjaw eb' 'a Jerusalén yic tznax jun q'uin̈ cha. Yujto a 'a yic yaln̈taxi, man̈ niwnoc eb' tzyam sb'a yic snan eb' jun q'uin̈ cha, 'icha yaj stz'ib'xcani.

1 Cr 21:2

'Ix yaln David 'ixtc 'a Joab yet' 'a eb' syajlil chon̈ab': —'Ixquec, 'at 'ijec chan̈ sb'isl eb' soldado quit israelal, tz'at e chaj cot 'a chon̈b' Beerseba 'a stojlal sur, masnto tzex c'och 'a chon̈b' Dan 'a stojlal norte. Tzlajw cha, tzeyi'n cot sb'isl eb' 'ayin, sec wach' tzwila jantc sb'isl eb' soldado 'a smasnil, xchi 'a eb'.

A Ch'an̈ Schab'il Libro Yic Yab'ixal Eb' Rey 25:23

A yic 'ix yab'n eb' syajlil eb' soldado sc'ub'jnac can 'el sb'a cha, yet' eb' xcan to cha, chajtlto a sreyl Babilonia 'ix 'a'n 'och Gedalías gobernadoral, yuj cha, 'ix 'at eb' 'a Mispa yet' eb' soldado paxtinc yet' winac. A eb' cha, atn Ismael yunnal Netanías, Johanán yunnal Carea, Seraías yunnal Tanhumet, 'aj Netofa yet' Jaazanías yunnal jun win 'aj Maaca.

A Ch'an̈ Schab'l Libro Samuel 19:14

Yuj cha, 'ix tzalj chan̈ spixn eb' 'aj Judá, to junxn̈ej tzyutj eb' snab'en 'icha junc 'anma'. 'Ix yaln 'at eb' 'a win rey, to tzmeltzj win yet' smasnil eb' ajun yet'oc.

A Ch'an̈ Schab'l Libro Samuel 2:9

axta 'ix ya'ch can win reyl 'a yib'n̈ Galaad, 'a Gesuri, 'a Jezreel, a Efraín, 'a Benjamín yet' 'a smasnil chon̈b' Israel.

Jueces 20:26

Xlajw cha, ax eb' soldado israel smasnil, yet' smasnil eb' chon̈ab', 'ix 'atx eb' 'a scajnub' Dios 'a Bet-el. 'Ix 'oc' eb' 'a yojltac Jehová 'a smasnil c'u masnto xq'uic'b'i. May jac tas sc'ux eb', 'ix ya'n eb' xajmb'al tz'a'i, yet' xajmb'al yic junc'ojlal.

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.

Jueces 20:11

Junn̈j 'ix yutj sb'a eb' israel smasnil, yic tzya'n eb' owl yet' jun chon̈b' cha.

Jueces 20:8

Junn̈j xyutj sb'a eb' smasnil, 'ix yaln eb' 'ixtic: —May junc on̈ec tzon̈ paxc 'a catut masnto tzqui b'oc yaj jun tic.

Jueces 20:2

Smasnil eb' yajl yaj 'a junjn 'in̈tal eb' israel atn eb' schon̈b' Dios syam sb'a cha. 'Ay chan̈e ciente mil eb' soldado lista xo yaji, yet' eb' syamc'ab' yic owal.

Jueces 18:29

A 'a yaln̈taxi, Lais sb'i jun chon̈b' cha, ax yic scajn eb' yic Dan cha, xya'n eb' sb'ic Dan, yuj ya'n eb' b'inaxc sb'i smam 'icham, atn Dan yunnal Israel.

Jueces 10:17

Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa.

Josué 17:1

Atn lum lum tic 'ix yij can eb' yin̈tl Manasés, win sb'ab'l 'unnal José. A eb' yic can Maquir, sb'ab'l 'unnal Manasés, atn smam eb' 'aj Galaad. A eb' 'ix 'i'n can lum slum Galaad cha, yet' lum yic Basán 'a stojlal 'aj tzq'uel c'u 'a a Jordán yujto caw jeln eb' ya'n owal.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Nm 32:40

'Ixtnta xyutj Moisés ya'n can lum Galaad chi 'a eb' yin̈tl Maquir, 'ix can cajn eb' ta'.

Jeremías 40:6

'Ixta in 'aj in 'atcn 'a win Gedalías 'a chon̈b' Mizpa. Ata in can yet' winac, yet' pax jantcto eb' 'anma xcan 'a jun nacion̈ cha.

Josué 4:13

'Aym junc chawinc mil eb' winc chi xyac' lista sb'a yet' syamc'ab' yic owal. 'Ix b'ab'lj eb' yuj eb' 'anma chi 'a yojltac Jehová, axta x'och wan eb' smasnil 'a lum ya'lical chon̈b' Jericó.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.

Jueces 11:34

Ax yic xlajw owl cha, 'ix pax Jefté 'a yatut 'a Mizpa, ax jun c'otn yisil, a 'ix x'elt chanoc sc'ochi. Xoj schan̈lwi 'ix yet' spandereta yuj stzaljc'ojlal. Cojn wal jun yisl win cha, may junc xo snul'j 'ix.

A Ch'an̈ B'ab'el Libro Yic Yab'ixal Eb' Rey 5:5

An tic tox xin na'a, to 'oj wac' b'o chan̈ junc yatut Jehová in Diosal, 'icha yutjnac yaln 'a in mam yic yaln 'ixtic: A jun onnal 'oj wa'ch a jelc 'a a despacho, a 'oj b'onc junc watut, xchi.