Jueces 2:2 - Chuj San Sebastian Bible

² toto may b'a'n̈ tze b'o junc e trato yet' eb' 'anma cajn 'a jun lum tic. A eyico', to tze satl jun tzo'n̈ yet'l xajmb'al eb', xin chi 'a eb'. Palta ax tic, ma'ix eyiclj tas xwala. ¿Tas yuj tennmtac xe yutj e b'a?

Chuj San Mateo Bible

² an̈ej to malajocab' e trato tze b'o yed' eb' anima cajan d'a sat lum luum b'aj cajan ex ec' tic, tze satanel yaltar eb' b'aj slesalvi, xin chi, palta a ex tic, maj e c'anab'ajej tas valnac chi'. ¿Tas yuj pit ix eyutej e b'a?

Jueces 2:2 Referans Kwoze

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Jeremías 2:5

'Ix yal 'ayx 'ixtic: ¿Tas in mul 'ilchjnac yuj eb' e mam eyicham, yuj cha, in spatquiln can 'el eb'? 'Ix 'och tza'n eb' yuj jun tzo'n̈ comn dios to may jac yel'chi, yuj cha, man̈x 'a jac yel'ch x'ajcn eb'.

Jeremías 2:18

Ax ticnec, ¿tas 'oj eyac' ganar, yuj cha, tzex 'at 'a Egipto yic tz'at eyu'nc a Nilo? ¿Tas 'oj eyac' pax ganar, yuj cha, tzex 'at 'a Asiria yic tz'at eyu'nc a Éufrates?

Jueces 2:20

Yuj cha, xcot yowl Jehová 'a eb', xyaln yuj eb' 'ixtic: A jun tzo'n̈ 'anma tic, caw matz yiclj eb' jun trato ya'jnac can smam yichm eb' wet'oc, matz tzyab' eb' tas tzwala.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Ex 32:21

'Ix yaln Moisés 'ixtc 'a Aarón: —¿Tas wal ach yutj jun tzo'n̈ 'anma tic, yuj cha xa chan wal 'och jun sniwquil mul eb' tic? xchi Moisés.

Gn 4:10

'Ix yaln pax Dios 'ixtc 'a winac: —¿Tas yuj 'ixta xa b'o'o? A schic'l win o'tac 'ix 'elcn 'a sat lum lum tic o'oj, 'icha to a tzyal sb'a 'ayin, yic tzin b'onyaji.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

Jueces 6:8

ax Jehová a 'ix 'a'n cot jun schecb' 'a eb' israel cha, xyaln 'a eb' 'ixtic: 'Ixtc wal yaln Jehová qui Diosalec: An ex wij 'elt 'a Egipto, 'a 'aj 'ayx 'och mosoal, 'aj man̈ eyico'oc e b'a.

Gn 12:18

Yuj cha, xya'n win rey 'ijx cot Abram, 'ix yaln 'a 'ixtic: ¿Tas wal yuj 'ixta tzin otej? ¿Tas yuj ma'ix al 'ayin, toto estzil 'ix 'ix tic?

Josué 9:7

Ax eb' yajl yaj 'a eb' israel cha, 'ix ta'w eb' 'ixtc 'a eb' heveo cha: —Toq'ue a 'a qui la'nil tic on̈, ata cajn ex, ¿tas 'oj cutc qui comn b'on junc qui trato chi eyet' on̈? xchi eb'.

Jueces 6:10

'Ix waln 'ayex, to an tic Jehová e Diosal in. Man̈ eyac' 'ejm e b'a 'a jun tzo'n̈ scomn diosal eb' amorreo 'ayc' 'a lum lum tic 'aj cajn ex 'ec' tic; palta ax xo tic, ma'ix eyiclj 'a tas xwala, xchi Dios, xchi jun checb' cha.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.