Jueces 19:16 - Chuj San Sebastian Bible

¹⁶ Palta wan xo wal sq'ue 'ac'wal, 'ix 'ec' jun win 'ichm winc ta', spet win 'a smunljel. A win 'ichm winc cha, 'aj lugar 'a eb' lum jolmctac witz 'a yol yic Efraín. Ax 'a Gabaa cajn 'eq'ui, 'icha ula'il yajc' 'a jun lugar cha.

Chuj San Mateo Bible

¹⁶ Axo yic vanxo sq'ue ac'val ix ec' jun vin̈ icham vinac spetoj d'a smunlajel. A d'a tzalquixtac d'a yol yic Efraín ay schon̈ab' vin̈, palta cajan vin̈ d'a Gabaa d'a scal eb' yin̈tilal Benjamín d'a jun tiempoal chi'.

Jueces 19:16 Referans Kwoze

Salmos 104:23

Ax an̈ 'anman̈ tic on̈, an̈ xo tzon̈ 'elt can munljoc, tzon̈ munljn̈ej tz'ec' c'u, masnto 'a yic tz'em c'u.

Jueces 19:1

A 'a jun tiempoal yic mant 'a junc rey 'aych 'a chon̈b' Israel, 'ay jun levita cajn 'a jun lugar caw najat. 'Icha ula yec' 'a lum jolmctac witz 'a yol yic Efraín. 'Ix yij win jun 'ix 'aj Belén 'a yol yic Judá.

2 Ts 3:10

Yujto a yic 'ayn̈ 'ec' 'a e cal on̈, caln can jun checnb'il 'ayx 'ixtic: Toto 'ay mach matz nib'j tzb'o smunljel, caw matz tac' yajx wa'oc, xqui chi 'on̈.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

Ec 5:12

Toto munljum on̈ec, toxn̈ej niwn tas tzqui c'uxec, mto ma'ay, palta tzon̈ wayc 'a tzaljc'ojlal. Ax toto rico on̈ec, matz on̈ way qui nan yuj tas 'ay 'ayn̈ec.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Pr 24:27

Mant e b'o chan̈ eyatut, toto mant 'a tas 'ay 'ayex yic tz'ec' tiempo eyu'uj.

Pr 14:23

Toto tzca'c 'ip qui b'onec smasnil qui munljel, caw 'ayn̈j tas tzquijec 'a 'a; ax toto cojn paxti tzqui b'o'ec, caw tzquijec cot meb'a'il 'a quib'an̈.

Pr 13:11

A ricoal yajn̈j cha tzniwtj yuj maysch'olnil, yajn̈j wal cha tzsatx can 'ejmi; ax ricoal to c'ojnc'ojnil tzyam sb'a yuj munljel, caw tzniwtj cha'an̈.

Salmos 128:2

A yic 'oj 'el-loc sat tas 'awb'il yuj eb', 'oj sc'ux eb' 'a tzaljc'ojlal. Caw wach' 'oj 'ec' tiempo yuj eb'.

Jueces 19:14

'Ix cotn̈j eb', wan xo sq'uic'b'i xjaw eb' 'a Gabaa. A jun chon̈b' cha, yic eb' yin̈tl Benjamín.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Jueces 19:15

'Ix 'el eb' 'a yol b'e, 'ix 'och eb' 'a yol chon̈b' Gabaa yic tz'ec' 'ac'wl yuj eb' ta'. 'Ix 'at 'em wocn eb' 'a plas 'a yol jun chon̈b' cha, palta may mach tz'a'n sposada eb'.

Jueces 19:17

A yic 'ix yiln 'och win 'ichm winc chi jun win b'eymal 'anma chotn 'ec' 'a yol chon̈b' cha, 'ix sc'anb'n win 'a 'ixtic: —¿'Ajtil ach coti? ¿'ajtil pax tzach 'ati? xchi winac.

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.