Jueces 19:1 - Chuj San Sebastian Bible

¹ A 'a jun tiempoal yic mant 'a junc rey 'aych 'a chon̈b' Israel, 'ay jun levita cajn 'a jun lugar caw najat. 'Icha ula yec' 'a lum jolmctac witz 'a yol yic Efraín. 'Ix yij win jun 'ix 'aj Belén 'a yol yic Judá.

Chuj San Mateo Bible

¹ Ayic mantalaj sreyal eb' israel, ay jun vin̈ levita najattac yajcanb'at d'a tzalquixtac d'a yol yic Efraín. Ton̈ej scomon b'eyec' vin̈. Ay jun ix aj Belén d'a yol yic Judá ix yic' vin̈.

Jueces 19:1 Referans Kwoze

Jueces 18:1

A 'a yic jun tiempoal cha, may sreyl eb' israel 'aychi. Ax eb' yin̈tl Dan, mant 'a jun petc smacl lum eb' x'ajx 'a scal eb' yit israelal. Wanto yec' eb' sayc' 'aj tzcan cajan.

Jueces 17:8

A jun quelm cha, 'ix 'el 'a yol yic Belén, yic tz'at saynoc 'aj tzc'och cajan. 'Ix 'ec' 'a lum jolmctac witz 'a yol yic Efraín. Xlajw cha, 'ix c'och 'a yatut win Micaía.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

Jueces 21:25

A 'a yic jun tiempoal cha, mant 'a xon junc rey 'a scal eb' israel, junjn eb' mun tzb'o eb' 'icha tas tzna'a.

Jueces 17:6

A 'a yic jun tiempoal cha, may sreyl eb' israel, junjn eb', tzb'o eb' 'icha tas tznib'ej.

Josué 24:33

A yic xcham Eleazar win yunnal Aarón, ata xmucx can sniwnal win 'a lum tzaln 'ay 'a yol yic win Finees, atn win yunnal winac, lum 'ac'b'il smacloc win 'a lum jolmctac witz 'a yol yic Efraín.

Josué 24:30

Ata xmucx win 'a lum Timnat-sera, ata 'ay jun lum chi 'a jolm witz yic Efraín, 'a snorteal switzl Gaas.

Ester 2:14

A 'a yic sq'uic'b'alil tz'at eb' 'ix wayc yet' win rey cha, ax 'a yic junx sq'uin̈b'ial, tz'ec' eb' 'ix 'a junx n̈a 'a 'aj 'ayc' eb' 'ix schab'l 'istzil win rey, atn 'a 'aj 'aych win Saasgaz yilmalc eb' 'ix schab'l 'istzil winac. Tzcan eb' 'ix ta'. Man̈xtzac c'och eb' 'ix 'a win rey chi jun 'ejm xo, cojn toto 'ay junc 'ix caw tzchaj sc'ojl win rey cha, to 'ixta', tz'awtx sb'i 'ix, 'ixta to tz'aj 'ix tzc'ochx 'a winac.

2 Cr 11:21

A Roboam cha, wajxclajn̈wan̈ yistzil, 60 schab'l 'istzil, 28 yunnal, 60 pax yisil, palta yel xo tzchamc'ojlej win 'ix Maaca chi 'a yib'n̈ jun tzo'n̈ xo eb' 'ix cha.

A Ch'an̈ B'ab'el Libro Yic Yab'ixal Eb' Rey 11:3

'Ix juw snab'en win yuj eb' 'ix. 'Ay uque ciente eb' 'ix yistl win cha. A eb' 'ix cha, yisl ewin rey eb' 'ix smasnil. 'Oxe ciente eb' 'ix schab'l 'istl winac.

A Ch'an̈ Schab'l Libro Samuel 20:3

A yic xjapx rey David 'a yatut jun 'ejm xo 'a Jerusalén, 'ix yi'n 'at eb' 'ix lajn̈wan̈ schab'l 'istzil 'aycn stan̈malc yatut, 'ix cann̈j eb' 'ix 'a jun n̈a yu'uj, yic tztan̈wx eb' 'ix. An̈jta 'ix 'ajx wa eb', palta man̈x 'aj xway jun 'ejmoc yet' eb' 'ix. 'Ix macx can 'och eb' 'a yol n̈a cha, 'ix cann̈j eb' 'ix 'a man̈x 'a yichmil, 'icha eb' 'ix chamnc yichmil, masnto xcham eb'.

A Ch'an̈ Schab'l Libro Samuel 19:5

A yic 'ix yab'n win Joab, 'ix 'at win 'a 'aj 'ayc' win rey cha, 'ix yaln win 'ixtic: —A ticnec wan e'n 'el sq'uixwel eb' a soldado ach colnc 'el yet' eb' onnal, yet' eb' 'ix esil, yet' eb' 'ix estzil, yet' pax eb' 'ix a chab'l 'istzil.

A Ch'an̈ Schab'l Libro Samuel 16:22

Yuj cha, 'ix sb'on eb' jun mantiado 'a yib'n̈ span̈nil sdespacho win cha, axta xway win Absalón chi yet' eb' 'ix schab'l 'istzil smam cha, q'ueln 'och eb' 'anma chi smasnil, yic 'ix way win yet' eb' 'ix.

A Ch'an̈ Schab'l Libro Samuel 5:13

A yic yel David 'a chon̈b' Hebrón, yic xc'och 'a Jerusalén, 'ayt jun tzo'n̈ xo eb' 'ix 'ix x'och yistzilc ta', yuj cha, til to wal yunnal, yet' eb' yisl x'alj to yet' eb' 'ix 'ix cha.

A Ch'an̈ Schab'l Libro Samuel 3:7

A win Saúl cha, 'ay jun 'ix schab'l 'istzil winac, Rizpa sb'i 'ix, yisl jun win tzcuch Aja. Ax x'aji, 'ix yaln win Is-boset 'ixtc 'a win Abner: —¿Tas yuj ach way yet' jun 'ix schab'l 'istzil can in mam? xchi.

Jueces 17:1

A 'a eb' lum jolmctac witz yic Efraín, ata 'ix 'ec' cajn jun winc Micaía sb'i.

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.

Gn 25:6

Ax pax eb' yune jun tzo'n̈ xo eb' 'ix yistzil win Abraham cha, cojn siylab' xya'cn win 'a eb'. A yic pitznto winac, 'ix syamn 'och schecn can 'el ewin 'a stz'ey Isaac, 'ix checx can 'at eb' 'a lum lum 'ay 'a stojlal 'aj tzq'uel c'u.

Gn 22:24

'Ayt pax jun tzo'n̈xo yunnal Nacor yet' junx 'ix schab'l 'istzil Reúma sb'i, atn eb' tic: Teba, Gaham, Tahas yet' Maaca.

Jueces 17:7

A 'a chon̈b' Belén 'a yol yic Judá, ata cajn jun quelm levita, ula yaj 'a yol yic Judá.

Jueces 19:2

Palta 'ix muln 'ix 'a yol sc'ab' winac, yuj cha, 'ix paxx can 'ix 'a smam 'a Belén cha. A yic tox xlajw chan̈e 'uj sc'och 'ix ta',

Jueces 19:16

Palta wan xo wal sq'ue 'ac'wal, 'ix 'ec' jun win 'ichm winc ta', spet win 'a smunljel. A win 'ichm winc cha, 'aj lugar 'a eb' lum jolmctac witz 'a yol yic Efraín. Ax 'a Gabaa cajn 'eq'ui, 'icha ula'il yajc' 'a jun lugar cha.

Jueces 3:27

A yic tox xc'och 'a jolmctac witz yic Efraín, 'ix yutz'n no sch'ac calnelu, yic tzyawtn eb' israel ta'. 'Ix c'och smasnil eb' yet'oc. Junn̈j xoj x'aj eb' spaxx 'emt 'a lum jolm witz cha, xb'ab'lj Aod yuj eb'.

Jueces 12:8

Xlajw ye'cn win Jefté, ax win Ibzán 'aj Belén, a win 'ix 'ochx yajlil 'a scal eb' yit israelal.

Jueces 18:13

Xlajw xoj cha, 'ix 'at eb', 'ix 'ec' eb' 'a lum jolmctac witz 'a yol yic Efraín, 'ix c'och eb' 'a yatut Micaía.

A Ch'an̈ B'ab'el Libro Yic Yab'ixal Eb' Rey 4:8

A lajchwan̈ eb' tz'a'n servil cha, atn eb' tic: A yunnal Hur, a 'ajcuenta yi'n cot jun tzo'n̈ chi 'a jolmctac witz yic Efraín.