Jueces 18:7 - Chuj San Sebastian Bible

⁷ Xlajwn̈ej cha, 'ix 'at eb' own̈ 'ilm lum chi 'a chon̈b' Lais. A eb' 'anma cajn 'a jun chon̈b' cha, caw may jac tzna eb', 'icha wal sb'eyb'al eb' 'aj Sidonio. 'Ayc' eb' 'a tzaljc'ojlal yet' 'a junc'ojlal. May mach tzuntzn eb' 'a junc tas, may pax tas tzyac' palta 'a eb'. Yic sb'a eb' sch'ocoj. Caw wal najt tzcan chon̈b' Sidón 'a stz'ey eb'.

Chuj San Mateo Bible

⁷ Yuj chi' ix b'atxi eb' ovan̈ ilum luum chi', ix c'och eb' d'a chon̈ab' Lais. A eb' anima d'a jun chon̈ab' chi' te malaj tas sna eb', icha sb'eyb'al eb' sidonio. A eb' chi', ayec' eb' d'a tzalajc'olal yed' d'a junc'olal, malaj jab'oc tas syac' palta d'a eb', te najat scan chon̈ab' Sidón d'a eb', malaj mach ay yalan yic d'a eb', yic sb'a eb' sch'ocoj.

Jueces 18:7 Referans Kwoze

Josué 19:47

Palta a jun lum cha, ma'ix techj scoln eb', yuj cha, 'ix 'at eb' yin̈tl Dan chi yac' owl yet' eb' cajn 'a chon̈b' Lésem. Ax yic xlajw smilx cham eb' cajn 'a jun chon̈b' chi yuj eb' yic Dan cha, 'ix can cajn eb' 'a jun chon̈b' cha. Xlajw cha, sjeln eb' sb'i jun chon̈b' cha, xya'n eb' scuch Dan, yuj yi'nb'ilc chan̈ sb'i smam yichm eb'.

Apoc 18:7

Caw xyij chan̈ sb'a 'ix si'mb'il. An̈j ricoal 'aj xya'ch snab'en. Yuj cha, 'ixta tzeyutj eya'n 'och syailal yet' scusc'ojlal. Yujto 'ix sna 'ix yet' snab'en 'ixtic: An tic, caw 'ay wopiso reinail. Man̈ in lajnoc 'icha junc 'ix chamnc yichmil. May wal b'a'n̈ 'oj wab' syal jab'oc, xchi cob' 'ix.

A Sb'ab'el Carta San Pedro 2:14

Tzeyiclni pax jun tzo'n̈ xo eb' yajal, yujto 'ac'b'il yopiso eb' yuj eb' rey cha, yic tzya'n 'och eb' syailal eb' matz yiclni ley cha. Tzyaln pax eb' wach'l eb' wach' sb'eyb'al.

Ro 13:3

Yujto a eb' yajl cha, 'ay yopiso eb', sec tzxiw eb' maysch'olnil sb'eyb'al. Man̈ yujoc xiw eb' wach' sb'eyb'al 'ay yopiso eb'. Yuj cha, toto tzqui nib'jec matz on̈ xiwc yuj eb', yowlal wach' tzcutjec qui b'eyb'al yil eb'. Toto 'ixta', 'oj tzaljoc eb' quet'ec.

A Ch'an̈ B'ab'el Libro Yic Yab'ixal Eb' Rey 1:6

Yictax 'ix q'uib' cha'an̈, may jun 'ejmoc 'ix 'ajxcuenta yuj smam, ma'ix sc'anb'j xon yab'i', tas yuj 'ixta tzyutj sb'a cha. Caw wal wach' yilx Adonías cha, a b'ab'l winc x'ajx can 'a scal eb' yunnal David yujto chamnc Absalón.

A Ch'an̈ B'ab'el Libro Samuel 3:13

Tox 'ix wal yab'i', to 'oj wac' syailal eb' yin̈tl cha, yujto yojc xo tas smul eb' yunnal chi 'ix 'ochi; in spatquiljcan 'el eb' an Dios in tic, palta matz tenx 'och wan eb' yu'uj.

Jueces 18:6

'Ix yaln win levita chi 'ixtic: —'Ixquec 'a junc'ojlal. A Jehová 'oj e tan̈wni 'aj 'oj eyeq'ui, xchi 'a eb'.

Jueces 18:8

Xlajw cha, 'ix meltzj eb' own̈ 'ilm lum chi 'a Zora yet' 'a Estaol, atn 'a 'aj 'aycn jun tzo'n̈ xo yitb'eym eb'. 'Ix sc'anb'n eb' 'a eb' 'ixtic: —¿Wach' am ya'n e checnb'il? xchi eb'. 'Ix ta'w eb' 'ixtc 'a eb':

Jueces 18:29

A 'a yaln̈taxi, Lais sb'i jun chon̈b' cha, ax yic scajn eb' yic Dan cha, xya'n eb' sb'ic Dan, yuj ya'n eb' b'inaxc sb'i smam 'icham, atn Dan yunnal Israel.

A Ch'an̈ B'ab'el Libro Yic Yab'ixal Eb' Rey 16:31

Man̈ocn̈ej sb'eyb'al win Jeroboam chi sb'eylb'ej, palta to 'ix yij win 'ix Jezabel yistziloc, 'ix yisl win Et-baal sreyl Sidón. 'Ix 'at ya'nc 'ejm sb'a win 'a jun comn dios tzcuch Baal yet' 'ix yistzil cha.

1 Cr 4:40

Ata x'ilchj te c'ultc caw yax yuj eb', caw wach' te', til wal pax te'. Caw lewn sat jun lum cha. Junc'ojlal xoj yaj eb', may tas tz'i'n eb'. Ata 'e'nc cajn eb' yin̈tl Cam 'a yaln̈taxi.

Jeremías 49:31

An Jehová in, an tzwal 'a eb' 'aj Babilonia chi 'ixtic: 'Ixquec, 'at 'a'c owl 'a jun chon̈b' to caw may jac tas tzna'a, caw tzaljc'ojlaln̈ej yajq'ui, may spuertail schon̈ab', may tas macjnac, caw cojn 'ayc' sch'ocoj.