Jueces 16:9 - Chuj San Sebastian Bible

⁹ 'Ay jun tzo'n̈ winc tox sc'ub'j 'el sb'a 'a yol yatut 'ix, caw 'ip x'el yaw 'ix, xyaln 'ix 'ixtic: —¡Sansón, tic tzjaw eb' filisteo ach wul smil chamoc! xchi 'ix. Yajn̈ cha, 'ix sn̈i'chtan 'at jun tzo'n̈ ch'an̈ cha, 'icha sc'unal sn̈i'chj 'at junc ch'al to tz'anc xo. Ax eb' filisteo ma'ix nachj xon 'el yuj eb' 'aj tzcot yip.

Chuj San Mateo Bible

⁹ Ay juntzan̈ eb' vin̈ toxo ix sc'ub'ejel sb'a d'a yol spat ix chi', yuj chi' te chaan̈ ix el yav ix: —Sansón, sjavi eb' vin̈ filisteo ach smilchamoc, xchi ix. D'a val jun rato chi', ix sd'in̈chitanb'at juntzan̈ ch'an̈ ch'an̈ chi' vin̈. Icha sc'unal sd'in̈chaj junoc an̈ ch'al tz'aeltac, icha chi' ix yutej ch'an̈ vin̈. Axo eb' filisteo chi' maj nachajel-laj yuj eb' b'ajtil scot yip vin̈ chi'.

Jueces 16:9 Referans Kwoze

Salmos 58:9

Lajw cab' 'ejm eb' mu'c 'icha te q'uix tzmolb'tzax 'och 'a yaln̈ chen, yajn̈ej tz'a 'ejmi. Toxn matz xej xon jun chen chi yu'uj.

Jueces 16:7

—Toto tzin jalx yet' uque'oc ch'an̈ c'utquil ch'an̈ to mantzac tacj si'mb'il, toto 'ixta', tz'el wip tic, 'icha xoj yip comn winc tzin 'ajcni, xchi.

Jueces 16:8

'Ix yij cot eb' syajlil eb' filisteo uque ch'an̈ c'ultquil ch'an̈ mantzac tacji, 'ix ya'n eb' 'a 'ix Dalila. A yet' jun cha, sjal 'ix Sansón cha.

Jueces 16:10

'Ix yaln pax 'ix Dalila 'a Sansón: —Caw wal tu 'ach, tzin extj paxti'. A ticnec tzin tew 'ayach, al wal 'ayin, tas wal tzach 'aj 'a jalxi, xchi 'ix.

Jueces 15:14

A yic 'ix c'och eb' 'a Lehi, 'ix 'elt eb' filisteo scha sc'ochi. Caw wal tz'el yaw eb' yuj tzaljc'ojlal. Yajn̈ej 'ix jaw Yespíritu Jehová 'a Sansón yic tzya'n yip. Ax ch'an̈ lasu pixjnac sc'ab', 'ix sn̈i'chtan 'at ch'an̈ 'icha sc'unal tz'anc nip, 'ix 'em lan̈njoc ch'an̈.