Jueces 16:30 - Chuj San Sebastian Bible

³⁰ Xlajw cha, caw 'ip 'ix yal win 'ixtic: ¡Wach'xam tzin chami, an̈jtona', cham cab' eb' filisteo tic wet'oc! xchi. 'Ix ya'n yip yecntelwc chab' niwc yoyl jun n̈a cha. 'Ix lan̈chj 'ejm 'a yib'n̈ eb' syajlil chon̈ab' yet' 'a yib'n̈ eb' 'ayc' ta'. Caw wal niwn 'anma xcham yuj Sansón yic xchami, 'ec'b'al 'a yib'n̈ eb' chamnc yuj 'a yic pitzan.

Chuj San Mateo Bible

³⁰ Ix el yav vin̈ ix yalan vin̈: Junn̈ejocab' tz'aj in cham yed' eb' vin̈ filisteo tic, xchi vin̈. Ix lajvi chi' ix yac'an yip vin̈ yecan lan̈chaj chab' nivac yoyal templo chi'. Ix cot lan̈naj templo chi' d'a yib'an̈ masanil eb' yajalil chon̈ab' chi' yed' d'a yib'an̈ masanil anima ayec' ta'. Ec'alto sb'isul anima ix cham yuj vin̈ ayic ix cham vin̈ chi' d'a yichan̈ eb' ix smac'cham vin̈ ayic pitzanto.

Jueces 16:30 Referans Kwoze

A Scarta San Pablo D'a Eb' Aj Filipos 2:8

Ax yic 'aych 'anmal cha, caw 'emmquilaln̈ej yutjnac sb'a. Yiclumn̈ej yutjnac pax sb'a, masnto xchami. Caw ya'jnac techjoc smilx cham 'a spenc te culus. Caw q'uixweltac x'aj schami.

Mt 16:25

Yujto a eb' ton̈j tznib'j colchjoc sb'a 'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, atn eb' chi 'oj scha sq'uinl 'a jun 'ejmn̈ej.

1 Ts 5:2

Yujto eyojc xo si'mb'il, 'icha junc 'elc'm tzjaw 'a 'ac'wal, may mach 'ojtnac, janc' tzjawi, 'ixta 'oj jawc sc'ul sjaw Cajlilec.

A Scarta San Pablo D'a Eb' Aj Colosas 2:15

A yic xcham Cristo 'a spenc te culs cha, 'ix yac' ganar 'a yib'n̈ jun tzo'n̈ 'aych yajlil, jun tzo'n̈ 'ay spoder ya'n mandar. A 'a sat eb' 'anma', 'ix sch'oxo, to may jac yel'ch eb'. Caw xcan eb' 'a yaln̈ yuj 'a jun 'ejmn̈ej.

A Scarta San Pablo D'a Eb' Aj Filipos 2:30

A jun cu'tac tic, jab'xoj wal ma'ix chami, yujn̈ej to wan ya'n servil Cristo. Wach'xam 'ijn xchami, yujto wan in ya'n servil 'a tic, palta ma'ix sna jab'oc, toto tzchami. Ax xo tic, matz tac' in wul eya'nc servil, yuj cha, a 'ay cot in wul yac' servil 'a tic e jeloc.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.

A Tas Sc'ulejnac Eb' Schecab' Jesús Hechos 21:13

Palta xyaln Pablo 'ixtc 'ayn̈ on̈: —¿Tas yuj tzex 'oq'ui? ¿Tas yuj tzeya'ch in cusc'ojlal 'ixtic? Toc 'ay yel'chi, toto tzin sjal eb'. Toxn̈ej tzin smil cham eb' 'a Jerusalén chi yuj Cajlil Jesús, 'oj wac' in b'a 'a eb', xchi 'ayn̈ on̈.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Salmos 62:3

¿B'a'n̈ 'oj eyactc eya'n owl wet'oc? Tze nib'j wal tzin telw 'ejmi. Lajn xoj in 'icha yich n̈a wan yem lan̈joc e nani, mto 'icha pax junc col-l wan slan̈chji.

Job 31:3

A eb' maysch'olnil, yet' eb' may Dios 'a sat, tzjawn̈j yailal 'a yib'n̈ eb'.

Job 20:5

a eb' maysch'olnil, jab' wal tiempo tzyac' stzaljc'ojlal eb', jun wal rato tzalj eb'.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Jueces 15:15

Yajn̈ej 'ix 'ilchj jun sb'acl yaln̈ sti b'uru to yaxto wali. A yet' jun chi 'ix sma' cham jun mil eb' filisteo cha.

Jueces 15:8

'Ix cot wal yowl si'mb'il. Til wal 'anma 'ix smilcn chamoc. Xlajw cha, 'ix 'at cajn 'a q'uen n̈aq'uen 'a Etam.

Jueces 14:19

Xlajw cha, 'ix japx Yespíritu Jehová 'a yib'n̈ Sansón, 'ix 'at sma'nc cham lajn̈schawinc eb' filisteo 'a chon̈b' Ascalón. 'Ix yi'n 'el spichl eb' cha, ax jun tzo'n̈ pichl chi xyac' stojloc eb' x'a'n spac jun tzo'n̈ paxti cha. Caw wal 'ay cot yowl si'mb'il yic 'ix pax 'a yatut smam.

Jueces 16:29

'Ix 'och yamn 'a chab' niwc piral b'achjnac chan̈ jun n̈a chi 'a snan̈l yojol, a swach' c'ab' 'a jun, ax surito 'a jun xo.

Jueces 16:31

Xlajw cha, 'ix c'och eb' yu'tac Sansón yet' eb' yican, x'at yi'noc eb' sniwnal. 'Ix smucn eb' 'a 'aj mucb'il smam, atn win Manoa. A 'a snan̈l Zora yet' Estaol ata 'ay jun lugar cha. Junc'l ab'il 'ix yac' Sansón yajlil 'a chon̈b' Israel.