Jueces 16:28 - Chuj San Sebastian Bible

²⁸ Xlajw cha, 'ix yaln win Sansón 'ixtc 'a Jehová: Tzin tew 'aych Mamin Jehová to tzin 'a na coti. Cojxn̈ej jun 'ejm tic tzac' wip ach in Diosal, yic tzwa'n spac 'a eb' filisteo yuj chab' yol in sat 'ix yij 'elt eb' tic, xchi Sansón.

Chuj San Mateo Bible

²⁸ Ix lajvi chi', ix yalan vin̈ d'a Jehová: Ach in Dios Vajalil, tzin c'an d'ayach to tzin a nacot d'a junelxo tic, tzac'an vip yic tzin pacan in b'a d'a eb' vin̈ filisteo tic, yujto ix yic'q'ueta yol in sat eb' vin̈, xchi vin̈.

Jueces 16:28 Referans Kwoze

Jeremías 15:15

Xwaln 'ixtc 'a Dios: Mamin Jehová, ach tic ojc smasnil, nan coti, cotan̈, colwjan̈ wet'oc, pactzej 'a eb' 'ajc'ojl yajch 'ayin. Man̈ niwnoc cab' tzotj a c'ojl 'a eb', yic an xo tzin ac' milxoc chamoc. 'Iltnab'an, o'oj tzin b'uchx yuj eb'.

Salmos 143:12

Caw 'ay a chamc'ojlal 'ayin, yuj cha, sictac cab' tz'aj eb' 'ajc'ojl yajch 'ayin. Sat cab' 'el eb' smasnil o'oj, yujto a checb' waji.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

2 Ti 4:14

A win Alejandro, win tenm q'ue'en, caw maysch'olnil xyutj sb'a win 'ayin. Palta a Cajlil 'oj 'a'nc spac 'a 'a.

Salmos 116:4

Yuj cha, 'ix waln in b'a 'a Jehová 'ixtic: Mamin Jehová, coln 'el 'a scal in yailal, xin chi.

2 Cr 20:12

Ach qui Diosal on̈, 'el cab' 'a a c'ojl a'n 'och yailal 'a yib'n̈ eb'. Yujto an̈ tic on̈, may wal quip yic tzqui te'wtzan qui b'a 'a sat eb' soldado caw niwn sb'isl cha, atn eb' tznib'j tzyac' owl quet' on̈. Man̈ cojcoc tas 'oj cutc qui b'a on̈, yuj cha, a wal 'aych tzca'ch qui nab'en, xchi win rey 'a Dios.

Jueces 15:18

Ax Sansón, caw wal 'ay stacn̈ti'al, 'ix 'awj 'a Jehová, 'ix yaln 'ixtic: —Ach 'ix ac' wip yic xwa'n ganar eb'. ¿Palta tom 'oj in a cha cham yuj tacn̈ti'al, ax sjapx jun tzo'n̈ chuc chon̈b'al in yixtoc? xchi.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.

A Ch'an̈ Carta D'a Eb' Hebreo 11:32

Til to wal tas tzin nib'j tzwalb't 'ayex. Palta man̈x 'a tiempo tzwal yab'xil Gedeón, Barac, Sansón, Jefté, David, Samuel, yet' jun tzo'n̈ xo eb' schecb' Dios.

Jonás 2:7

A wal yic wan slajw in q'uinl xwab'i, ach in nan cot Mamin Jehová. 'Ix c'och in lesl 'aych 'a atut to ec yaji.

Jueces 16:27

Smasnil eb' syajlil eb' filisteo cha, eb' winac yet' eb' 'ix 'ix, caw b'ut'jnac 'el jun n̈a chi yuj eb'. 'Ay am junc 'oxe mil 'anma 'ayc' 'a schab'l piso cha, yuj smatz'n eb' tas tz'aj yixtx Sansón.

Jueces 16:29

'Ix 'och yamn 'a chab' niwc piral b'achjnac chan̈ jun n̈a chi 'a snan̈l yojol, a swach' c'ab' 'a jun, ax surito 'a jun xo.

Salmos 10:12

Mamin Jehová, cotan̈. Colwjan̈ yet' 'a poder 'a eb' 'aych 'a somc'ojlal.