Jueces 16:18 - Chuj San Sebastian Bible

¹⁸ 'Ix nachj 'el yuj 'ix Dalila 'a jun 'ejm xo tic to yel tzyala. Xlajw cha, 'ix ya'n 'ix alxc 'a eb' syajlil eb' filisteo 'ixtic: —A ticnec cotn̈ec, tox 'ix yal Sansón 'ayn 'a smasnil sc'ojol 'aj wal tzcot yip, xchi 'ix. Yuj cha, 'ix c'och eb' 'a 'ix, yet' eb' q'uen tumn yaljnac.

Chuj San Mateo Bible

¹⁸ Ix nachajel yuj ix to a ticnaic yel syal vin̈. Ix yalanb'at ix d'a eb' vin̈ yajalil eb' filisteo chi' icha tic: —A ticnaic, cotan̈ec d'a val junelxo tic, toxo ix yalelta vin̈ tas yuj te ay yip vin̈ chi', xchi ix. Yuj chi' ix c'och eb' vin̈ yil ix, yed'nac q'uen tumin eb' vin̈.

Jueces 16:18 Referans Kwoze

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

Jueces 16:5

'Ix 'at eb' syajlil chon̈b' filisteo paxtinc yet' 'ix Dalila cha, 'ix yaln eb' 'a 'ix 'ixtic: —Tza montj wal Sansón cha, tza c'anb'j 'a 'a, 'aj wal tzcot yip yet' tas wal tzcutj qui jalni yic tzca'n ganar. Junjn on̈ on̈, tzcac' 1,100 q'uen tumn plata 'aych yuj a tojloc, xchi eb' 'a 'ix.

Ef 5:5

Cojquec xo, to a eb' tzb'on 'ajmulal, yet' eb' tzb'on tzann̈j junc maysch'olnil yet' sniwnal, yet' eb' tznib'n 'och ricoal, may xon yaln eb' yic yoch 'a yol sc'ab' Cristo, yet' 'a yol sc'ab' Dios. Toto tzqui nib'jec 'och ricoal, a 'a sat Dios, wan ca'nec 'och jun chi qui diosaloc.

Pr 18:8

A spaxti eb' alm peclal, lajn wal 'icha junc tas caw wach' sc'uxxi, tzc'och schil 'a spixn eb'.

Salmos 62:9

Caw matz tac' ca'nec 'och eb' quit 'anmal yipc qui c'ojol, wach'xam meb'a eb' mto rico eb'. Lajn eb' 'icha junc tas man̈ alc xon jab'oc tz'ejm 'a yojl junc libra, wach'xam junxn̈ej tzcutjec quechtan eb' smasnil, toxn matz 'ejm xon jun libra chi yuj eb'.

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

Nm 22:7

Ax eb' yichm wincal chon̈b' Moab yet' eb' yic Madián, 'ix 'at eb' 'a 'ajtil 'ayc' Balaam cha. Caw niwn tumn 'ix yij 'at eb', sec tztojcn eb' jun tzo'n̈ catb' cha. A yic xc'och eb' 'a Balaam, 'ix yaln eb' schecnb'il yet' yuj Balac.

Jueces 16:17

'Ix yaln wal 'a smasnil sc'ojol 'aj wal tzcot yip cha, 'ix yaln 'ixtic: —Mant 'a xon 'aj tzjoxx 'el xil in jolm tic jun 'ejmoc yictax walji, yujto a yic mantzac in 'alj 'el 'a in nun, in si'n can 'el Dios yicoc. Yuj cha, toto 'ay mach tzjoxn 'el in jolm tic, 'ixta tz'aj yel wip, 'icha xoj yip junc comn winc tzin 'ajcni, xchi.

Jueces 16:19

'Ix ya'n way 'ix Dalila Sansón, 'ix 'ec' c'otn sjolm 'a sat xub' 'ix. Xyawtn cot 'ix jun win joxm jolom, 'ix sjoxn 'el win uc topn xil sjolm jucn yoc. Xlajw cha, syamn 'och 'ix sb'uchwj 'a winac, yujto tox 'ix 'el yip.