Jueces 13:8 - Chuj San Sebastian Bible

⁸ Yuj cha, 'ix leslwi Manoa 'ixtc 'a Jehová: Mamin, tzin tew wal 'ayach, comnoc tza chec paxt win a checb' chi 'ayn̈ jun 'ejm xo, sec tzwul yalcn wal 'ayn̈ on̈, tas wal 'oj qui b'o yet' jun 'unn chi 'on̈ yic 'oj 'aljoc, xchi winac.

Chuj San Mateo Bible

⁸ Yuj chi' ix lesalvi vin̈aj Manoa chi' d'a Jehová icha tic: Mamin, eloc val d'a a c'ool to tza checxicot a checab' chi' d'ayon̈, yic vach' ol yal d'ayon̈ tas val ol co c'ulej yed' jun unin ol aljoc chi', xchi vin̈.

Jueces 13:8 Referans Kwoze

A Tas Sc'ulejnac Eb' Schecab' Jesús Hechos 9:6

Ax Saulo cha, caw x'ib'x chan̈ win yuj xiwlal. —Mamin, ¿tas tza nib'j tzin b'o'o? xchi winac.] —Q'uen̈ wa'an, 'ixc 'a chon̈ab'. Ata 'oj alxoc 'ayach, tas yowlal 'oj a b'o', xchi Jesús.

Job 34:32

Ch'ox cot in mul matz in na cot cha. Toto 'ay 'aj tu xlaj wutej, ax ticnec, man̈x 'oj in b'o jun 'ejm xo, comnoc xa chi.

Jueces 13:3

Palta ax jun yángel Jehová a 'ix sch'ox sb'a 'a 'ix. 'Ix yaln 'a 'ix 'ixtic: Ach tic, may xon junc one 'ix el satoc, ax ticnec jun, 'oj a cuchcnchan̈ jun a winc 'unin.

Jueces 13:6

Xlajw cha, x'at 'ix 'at yal 'a win yichmil cha, xyaln 'ix 'ixtic: 'Ay wal jun win schecb' Dios xjaw 'a 'aj 'ayn 'ec' cha. Caw wal sat in c'ojl yu'uj. Lajn wal yilx 'och 'icha junc eb' yángel Dios. Ma'ix in c'anb'j 'a 'a, 'ajtil xcoti, man̈oc 'ix aln pax sb'i 'ayin.

Jueces 13:7

A tas xyal 'ayin, tolab' 'oj wil satc junc wune'. Yuj cha, a ticnec man̈xtzac ab' stac' wu'n te yal uva yet' junc tas ow yu'xi. Matz tac' ab' in comn c'uxn junc tas man̈ wach'oc, yujto a jun 'unn cha, to yicn̈ej ab' Dios tz'aj winac yic 'oj 'aljoc, masnto ab' yic 'oj chamoc, xchi 'ix.

Jueces 13:9

'Ix yab' Dios tas sc'an win Manoa 'a slesal. 'Ix sch'oxn pax sb'a jun yángel Dios chi 'a 'ix yistl win cha yic 'ayc' 'ix 'a scal smunljel. Ax Manoa, man̈ 'ayc 'ec' yet' 'ix 'a jun lugar cha.

Jueces 13:11

Yajn̈ej 'ix cot win Manoa cha. 'Ix c'och yet' 'ix 'a 'aj 'aycn jun winc cha. 'Ix yaln 'ixtc 'a winac: —¿Ach am tic wulnc ach 'ec' paxtinc yet' 'ix wistzil tic 'a jun 'el? xchi. 'Ix ta'w win 'a 'ixtic: —N', an ton tic, xchi.