Jueces 13:6 - Chuj San Sebastian Bible

⁶ Xlajw cha, x'at 'ix 'at yal 'a win yichmil cha, xyaln 'ix 'ixtic: 'Ay wal jun win schecb' Dios xjaw 'a 'aj 'ayn 'ec' cha. Caw wal sat in c'ojl yu'uj. Lajn wal yilx 'och 'icha junc eb' yángel Dios. Ma'ix in c'anb'j 'a 'a, 'ajtil xcoti, man̈oc 'ix aln pax sb'i 'ayin.

Chuj San Mateo Bible

⁶ Ix b'at ix b'aj ayec' vin̈ yetb'eyum, ix yalan ix d'a vin̈: Ay jun schecab' Dios ix ulec' b'aj ayin eq'ui. Ix te sat in c'ool yuuj, icha val to Yángel Dios ix vila'. Maj in c'anb'ejlaj d'ay b'ajtil ix coti, maj yalpaxlaj sb'i d'ayin.

Jueces 13:6 Referans Kwoze

A Ch'an̈ B'ab'el Libro Samuel 9:6

'Ix ta'w win moso chi 'a 'ixtic: —A 'a jun chon̈b' tic, 'ay jun win schecb' Dios caw wal 'ay yel'ch 'a sat eb' 'anma'. Smasnil tas tzyal-li, tz'el'chn̈ej. Con̈ 'at qui say quil winac. Lemb'il tzyal win 'ayon̈, tas tzon̈ 'aji, xchi winac.

Dt 33:1

A yic jab'xoj sc'och stiempoal scham Moisés win schecb' Dios, 'ix syamn 'och yaln can wach' paxti 'a yib'n̈ eb' yit israelal.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

A Tas Sc'ulejnac Eb' Schecab' Jesús Hechos 6:15

Ax ewin yajl cha, yet' eb' wocn 'ejmta smasnil, 'ix 'och q'ueln eb' 'a Esteban cha. 'Ix yiln 'och eb' sat, caw lajn yilx 'icha sat junc ángel.

Lc 9:29

Yic wan sleslwi, 'ix jelmj yilxi, chucx yilx 'ix 'aj sat. Ax spichul, caw sac, caw tzictzni x'aji.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Dn 10:11

Xyaln 'ayn 'ixtic: Daniel, ach chamc'ojlb'il yuj Dios, maclj wal ab' tas 'oj wal 'ayach. Q'uen̈ wa'an, yujto an tic in checx cot 'ayach, xchi 'ayin. A yic xyaln jun tzo'n̈ paxti chi 'ayin, in q'ue lin̈an, palta caw in 'ib'x yuj xiwlal.

Dn 10:5

Ax xwiln 'ati, 'ay jun winc 'aych jun spichl nab'a lino yu'uj, ax sinchail snan̈al b'ob'il 'a q'uen oro caw wach'.

Dn 8:17

Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.

A Ch'an̈ Schab'il Libro Yic Yab'ixal Eb' Rey 4:9

Xlajw cha, 'ix yaln 'ix 'a win yichmil chi 'ixtic: —A ticnec tznachj 'el wu'uj, to a jun tz'e'n̈j 'ayn̈ 'a catut 'a junjn 'ejem, caw schecb' Dios yaji.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

A Ch'an̈ Schab'il Libro Yic Yab'ixal Eb' Rey 4:16

Xlajw cha, 'ix yaln Eliseo 'a 'ix 'ixtic: —Yab'n 'ixtc junab', mec'b'ilx chan̈ junc one o'oj, xchi 'a 'ix. —May mamin, ach schecb' Dios, man̈ ach b'uchwjoc 'ayin, xchi 'ix.

A Ch'an̈ B'ab'el Libro Yic Yab'ixal Eb' Rey 17:24

—A ticnec b'i'an, 'ix wojquej 'eli to yel schecb' ach Dios. A spaxti Jehová tzal-li, caw tz'el'chn̈ej eb', xchi 'ix 'a winac.

A Ch'an̈ B'ab'el Libro Yic Yab'ixal Eb' Rey 17:18

Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.

A Ch'an̈ B'ab'el Libro Samuel 2:27

A 'a yic jun tiempoal cha, ata xc'och jun win schecb' Dios 'a win Elí. 'Ix yaln 'ixtic: A Jehová 'ixtc wal yaln 'a eb'an̈: A yic 'ayc' eb' a mam echm 'a Egipto, yic tz'a'w servil eb' 'a win faraón, caw wal wach' xwutj in ch'oxn in b'a 'a eb'.

Jueces 13:22

'Ix yaln Manoa chi 'a yistzil 'ixtic: —A ticnec ach wistzil, tecn 'oj qui chami, yujto 'ix quil Dios, xchi.

Jueces 13:8

Yuj cha, 'ix leslwi Manoa 'ixtc 'a Jehová: Mamin, tzin tew wal 'ayach, comnoc tza chec paxt win a checb' chi 'ayn̈ jun 'ejm xo, sec tzwul yalcn wal 'ayn̈ on̈, tas wal 'oj qui b'o yet' jun 'unn chi 'on̈ yic 'oj 'aljoc, xchi winac.

Josué 14:6

A eb' yin̈tl Judá, 'ix jaw eb' 'a lum Gilgal, yic xpaxtin eb' yet' Josué, ax Caleb win cenezeo yunnal Jefone, 'ix yaln win 'ixtc 'a Josué cha: Na cot tas 'ix yalcn Jehová 'a win Moisés atn win schecab', yic xyaln oj ach tic yet' pax wuj an tic, yic 'ayn̈ 'ec' 'a lum Cades-barnea.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Ex 3:2

Ata 'ix sch'ox sb'a jun yángel Jehová 'a scal jun te q'uix tzn̈ilchj sc'aq'uil; caw ow sn̈ilchj sc'a'l te', palta matz lajw te stz'a'i.

Gn 32:29

—A ticnec al a b'i 'ayin, xchi Jacob 'a winac, yuj cha, xyaln win 'a 'ixtic: —¿Tas yuj tza c'anb'j in b'i? xchi. Xlajw cha, xyaln can win wach' paxti 'a yib'n̈ Jacob cha.

Gn 18:2

ax xyilni lin̈n 'ec' 'oxwn̈ winc 'a yojltac 'ati. A yic 'ix yiln cha, yajn̈j wal cha, 'ix 'at win 'at scha eb' muc'uc. Xlajw cha, x'em n̈ojnjoc win 'a sat lum 'a yojltac eb'.

Jueces 6:11

'Ay jun c'ual 'ay jun yángel Jehová 'ix 'emli, axta x'em wocn 'a yich jun te mach' 'ay 'a Ofra. A jun lum cha, yic win Joás yin̈tl Abiezer. 'Ay pax jun yunnal win tzcuch Gedeón. A Gedeón cha, wan schayw trigo 'a c'ultaquil, sec matz yilsb'a eb' madianita 'a 'a. A 'aj tzte'x 'el yal uva, ata tzchayw trigo cha.

Jueces 13:3

Palta ax jun yángel Jehová a 'ix sch'ox sb'a 'a 'ix. 'Ix yaln 'a 'ix 'ixtic: Ach tic, may xon junc one 'ix el satoc, ax ticnec jun, 'oj a cuchcnchan̈ jun a winc 'unin.

Jueces 13:7

A tas xyal 'ayin, tolab' 'oj wil satc junc wune'. Yuj cha, a ticnec man̈xtzac ab' stac' wu'n te yal uva yet' junc tas ow yu'xi. Matz tac' ab' in comn c'uxn junc tas man̈ wach'oc, yujto a jun 'unn cha, to yicn̈ej ab' Dios tz'aj winac yic 'oj 'aljoc, masnto ab' yic 'oj chamoc, xchi 'ix.

Jueces 13:10

Yuj cha, carela x'at 'ix 'at yal 'a win yichmil cha: —Lem, cotn̈ muc'uc. A win winc sch'oxjnac sb'a 'ayn 'a jun 'el, 'ix japx winac, xchi 'ix.