Jueces 12:5 - Chuj San Sebastian Bible

⁵ A eb' yic Galaad cha, 'ix laj c'och eb' smac yec' eb' yic Efraín chi 'a scumctacl sti a Jordán. A yic toto 'ay eb' yic Efraín chi tz'at 'eloc, ax yic tz'ec' eb' 'a jun tzo'n̈ lugar cha, tzc'anb'n eb' 'aj Galaad cha, toto yic eb' yin̈tl Efraín eb'. Ma'ay toto xchi junc 'anma cha,

Chuj San Mateo Bible

⁵ A eb' aj Galaad chi', ix och eb' smac d'a sjayil sti' a' Jordán, yuj chi' a eb' yin̈tilal Efraín chi' tz'el lemnajoc yic sc'axpaj eb' d'a a' Jordán chi', sc'anb'an eb' aj Galaad chi' d'a eb' tato yin̈tilal Efraín eb'. Maay, tato xchi eb',

Jueces 12:5 Referans Kwoze

Jueces 3:28

Xlajw cha, xyaln 'a eb' 'ixtic: 'Ochn̈ec tza'n wu'uj, yujto a Jehová tox 'ix ya'ch eb' 'ajc'ojl yajch 'ayn̈ec 'a yol qui c'ab'ec, atn eb' moabita, xchi. Xlajw cha, x'och tza'n eb' yu'uj, axta xc'och eb' smac 'a sjayl sti a Jordán 'a yojltac 'at Moab. May xon junc moabita schaj 'ec' eb' ta'.

Josué 22:11

'Ix c'och yab'xil jun tic 'a jun tzo'n̈ xo eb' israel.

Jueces 7:24

Ax Gedeón, 'ix 'at ya'n alxoc 'ixtc 'a eb' yic Efraín cajn 'a lum jolmctac witz. Cotn̈ec wul eyac' owl yet' eb' madianita, tzeya'n 'och stan̈mal eb' lum pan̈ctac 'aj wach' yec' eb' 'anma 'a yojl a Jordán 'a stz'ey Bet-bará. Tzex c'och ta muc'uc, sec man̈oc eb' tzb'ab'lj 'ayex, xchi 'at 'a eb'. A eb' yic Efraín cha, 'ix syamn sb'a eb' muc'uc, 'ix c'och eb' smac 'a sti a cha.

Josué 2:7

Ax eb' schecb' win rey cha, 'ix 'at cob' eb' 'a spatc ewinac, masnto xc'och eb' 'a span̈nil sti a Jordán. Cojn wal yic x'elt can ewin tzpechn ewin 'ilwjum cha, 'ix macchj can spuertail jun chon̈b' cha.

Jueces 12:4

'Ix yaln eb' yic Efraín chi 'ixtic: Ax 'aj Galaad ex tic, tzcob' eyi' chan̈ e b'a. Ticni 'in a 'a qui cal on̈ ata 'elnc exta, atn 'a qui cal an̈ yin̈tl Efraín yet' Manasés. Ton̈j 'el-lal 'ajnc ex e c'ochcn cajn 'a Galaad cha, xchi eb'. Xbuchwjn̈ej eb' yic Efraín chi 'a eb' 'aj Galaad cha. Yuj tas xlaj sb'o eb' cha, 'ix syamb'tzan Jefté eb' soldado 'aj Galaad, xya'n eb' owl yet' eb' yin̈tl Efraín cha. 'Ix ya'n ganar Jefté jun owl chi yet' eb' soldado.

Jueces 12:6

ax eb' 'aj Galaad cha, tzya'n eb' yal eb' 'anma chi jun paxti tic, «Xibolet», xe chi, xchi eb' 'a eb'. Toto «Sibolet» xchi eb', tzyal 'el'chi to yic Efraín eb'. 'Ixta tz'aj scheclj 'el eb', axta tzchamcn eb' 'a sti a Jordán cha. A 'a jun tiempoal cha, 42 mil eb' yic yin̈tl Efraín chi 'ix chami.

Jueces 17:7

A 'a chon̈b' Belén 'a yol yic Judá, ata cajn jun quelm levita, ula yaj 'a yol yic Judá.

A Ch'an̈ B'ab'el Libro Samuel 1:1

A 'a chon̈b' Ramataim 'a yol slum eb' yin̈tl Efraín, ata cajn jun winc Elcana sb'i. Yunnal win Jeroham, yixchicn Eliú, schab'l 'ichicn win Tohu, win yunnal Zuf cajn 'a scal eb' yic Efraín.

A Ch'an̈ B'ab'el Libro Yic Yab'ixal Eb' Rey 11:26

An̈jtona 'ix 'och pax junx win 'ajc'ojlal 'a win rey Salomón, atn Jeroboam yunnal Nabat 'aj chon̈b' Sereda. Yin̈tl Efraín winac, schecb' Salomón yaji, Zerúa sb'i snun winac, chamnc yichmil 'ix.