Jueces 11:26 - Chuj San Sebastian Bible

²⁶ An̈ israel on̈ tic, 'ayx 'oxe ciente ab'il qui cajn chon̈b' Hesbón yet' yaldeail, xqui cajn pax chon̈b' Aroer yet' jun tzo'n̈ xo aldea 'a stz'ey, xqui cajn eb' lum chon̈b' 'ay 'a sti a Arnón. ¿Tas yuj man̈oc ta e c'anb'jnac lum 'a yic jun tiempoal cha?

Chuj San Mateo Bible

²⁶ Ayxo 300 ab'il co cajnaj d'a Hesbón, d'a Aroer yed' d'a juntzan̈ chon̈ab' d'a slac'anil yed' d'a smasanil juntzan̈ chon̈ab' ay d'a stitac a' Arnón. ¿Tas yuj ato ticnaic tzeyac' yovalil d'ayon̈ yuj jun luum tic?

Jueces 11:26 Referans Kwoze

Dt 2:36

'Ix 'el yich qui satnec 'el eb' 'a lum chon̈b' Aroer, lum 'ay 'a span̈nil sti a Arnón, masnto on̈ jawc 'a Galaad. May xon junc eb' chon̈b' chi stac' scoln sb'a 'ayn̈ec; yujto a Jehová qui Diosalec, a 'ix 'a'n eb' 'a yol qui c'ab'ec.

Jueces 9:22

Ax win Abimelec, 'ix yac' yajlil 'oxe ab'il 'a yib'n̈ eb' yit israelal.

Jueces 8:28

'Ixta x'aj yochcn eb' madianita schecb'oc eb' israel cha, man̈x 'a 'aj xya'lj eb' scoln sb'a. Chawinc ab'il xcan eb' israel 'a junc'ojlal yic 'ayc' Gedeón chi yet' eb', man̈x 'a owl x'och 'a jun lugar cha.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.

Jueces 3:30

'Ixta 'ix 'aj yem Moab yuj eb' israel. Xlajw cha 80 ab'il 'ix can eb' 'a junc'ojlal.

Jueces 3:11

A yic xlajw 'ec' jun tzo'n̈ cha, chawinc ab'il xcan eb' israel 'a junc'ojlal, masnto 'a yic xcham Otoniel.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,

Josué 13:10

smasnil jun tzo'n̈ chon̈b' yic win Sihón, sreyl eb' amorreo 'a Hesbón, masnto 'a smon̈jon eb' amonita.

Josué 12:5

A smacb'en 'aj tzyac' yajlil, tz'eln̈j yich 'a lum jolm witz Hermón, tz'ec' 'a Salca, 'a smasnil yol yic Basán, tzc'och 'a smon̈jonal yic Gesur yet' yic Maaca, masnto 'a junx lum spacl yic Galaad, lum yic can win Sihón sreyl Hesbón.

Josué 12:2

A jun rey b'ab'l 'emnc cha, atn win Sihón sreyl eb' amorreo cajn 'a chon̈b' Hesbón. A smacb'en 'aj xyac' yajlil, tz'eln̈j yich 'a chon̈b' Aroer, jun 'ay 'a sti a a tzcuch Arnón, tz'ec' 'a spacl snan̈l lum span̈nil sti a Jaboc, atn a 'aych smon̈jonoc lum slum eb' yin̈tl Amón, (tzyal 'el'chi atn nan̈loc lum yic Galaad).

Josué 11:18

Caw najtl xyac' Josué owl yet' eb' rey cha.

Dt 3:6

'Ix qui satc 'el eb' 'icha 'ix cutjec win Sihón, atn win sreyl Hesbón. Xqui milc cham eb' winac, eb' 'ix 'ix, yet' pax smasnil eb' 'unin.

Dt 3:2

Yuj cha, xyaln Jehová 'ayn 'ixtic: Man̈ ex xiwoc, a win rey tic yet' smasnil eb' soldado yet' pax smasnil schon̈ab', tox 'ix wac' eb' 'a yol e c'ab'. 'Icha wal xeyutj win Sihón, win sreyl eb' amorreo cajn 'a Hesbón, 'ixta pax tzeyutj e satn 'el eb', xchi 'ayin.

Dt 2:24

'Ix yaln Jehová 'ixtc 'ayin: 'Ixquec paxi, c'axwan̈c 'ec' 'a sch'olnil sti a Arnón. Atn wal ta 'oj wac' win Sihón win amorreo 'a yol e c'ab', atn win sreyl chon̈b' Hesbón. 'Ochn̈ec 'a yol slugar win cha, tzeya'n owl yet'oc, tzeyi'n can 'ec' slum win cha.

A Tas Sc'ulejnac Eb' Schecab' Jesús Hechos 13:19

An̈jtona', a satjnac 'el uque chon̈b'al eb' 'anma 'ay 'a yol yic Canaán. Ax slum eb' satnc 'el cha, ya'jnac can yico'oc eb' qui mam quichmec.

Josué 13:16

Tz'atn̈j slum eb' chi 'a Aroer, tz'ec' 'a sti a a Arnón, yet' pax jun chon̈b' 'ayc' 'a spacl snan̈l span̈nil sti a cha, yet' smasnil lum ya'lical Medeba, masnto tzc'och 'a Hesbón yet' smasnil jun tzo'n̈ chon̈b' 'ay 'a span̈nil cha: Atn Dibón, Bamot-baal, Bet-baal-meón, Jahaza, Cademot, Mefaat, Quiriataim, Sibma, Zaret-sahar, jun 'ay 'a stzalnil lum pan̈n cha, Bet-peor, Bet-jesimot, yet' lum spa'ctacl Pisga.

Jeremías 48:19

Ex 'aj chon̈b' Aroer, 'ochn̈ec lin̈n 'a stitc b'e, tzlajw cha, tzeyilni. C'anb'jec eyab' 'a eb' 'aj Dibón 'ix cant cani, yuj jantc tas 'ix uji.