Jueces 11:10 - Chuj San Sebastian Bible

¹⁰ 'Ix ta'w eb' yajl chi 'ixtc 'a Jefté: —A sat Jehová tzcaln cani, to 'oj qui b'o 'icha tzal cha, xchi eb' 'a 'a.

Chuj San Mateo Bible

¹⁰ Axo eb' vin̈ yajal chi' ix alanxi icha tic: —A Jehová scac'och co testigooc to ol co c'ulej icha tzal chi', xchi eb'.

Jueces 11:10 Referans Kwoze

Jeremías 42:5

'Ix yaln eb' 'ixtc 'ayin: —A cab' Jehová cha, a testigo tz'ajcn 'ayn̈ 'a caw yel, toto ma'oj qui yiclc 'icha wal tas 'oj yutc yaln 'ayach.

Gn 31:50

Toto tu 'oj otc 'a eb' 'ix wisl tic, mto 'oj a say jun tzo'n̈ocx eb' 'ix 'ix estziloc, wach'xam may mach tzyac' sb'a testigoal, palta a Dios qui testigo tz'ajcni, xchi winac.

Jeremías 29:23

'Ixta wal 'oj 'aj sjaw 'a yib'n̈ eb', yujto yel xo tu tas tzb'o eb' 'a yol e chon̈ab'. Tzb'o eb' 'ajmulal yet' yistzil eb' yit wincal. Tzya'n eb' 'es, tzyaln 'el eb' jun tzo'n̈ paxti chi 'a in b'i, palta man̈oc in tzwac' yal-l eb'. An Jehová in, an tzwala, wojc tas yaji, xchi Dios, xin chi 'a jun carta cha.

Gn 16:5

Yuj cha, xyaln 'ix Sarai 'a win Abram 'ixtic: —¡O'oj, yuj cha, tzin syajn 'el 'ix 'ix xwac' 'aych tic! Tic wal pax an 'ix wac' 'ix 'ayach. Ocxom wal 'oj 'aljoc yune 'ix cha, caw niwn yel'ch 'ix 'a wib'n̈ tzyutj snani. Sb'eyc'ojloc on̈ cab' Jehová et'oc, ach am 'ay a mul, mto a 'in, xchi 'ix Sarai.

2 Co 11:31

A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.

A Ch'an̈ B'ab'el Libro Samuel 24:12

A cab' Jehová 'oj qui b'eyc'ojlan q'ui chawn̈il. A 'oj 'a'nc spac 'aych yuj tas tzin otej. An xo pax tic, may b'a'n̈ 'oj ach in mil chamoc.

A Ch'an̈ B'ab'el Libro Samuel 12:5

A Jehová yet' win xya'cn 'och qui reyloc tic, a tz'ochcn e testigooc 'a jun c'u tic, chajtlto may in mul x'ilchj eyu'uj, xchi Samuel. —'Ixtnta', xchi eb' chon̈b' cha.

Dt 1:16

Xlajw cha, xwa'n can snab'enoc eb' eyajlil cha, xwaln 'a eb' 'ixtic: Wach' tzeyutj eyiln eyopiso, wach' tzeyutj e b'onyaj eb' quit chon̈ab', yet' pax eb' chuc chon̈b'al 'ayc' 'a qui calec.

Ex 20:7

An Jehová e Diosal in tic, man̈ e comn locc in b'i 'a nab'an̈ej, yujto 'oj wac' syailal eb' tzcomn locn in b'i.

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

Gn 21:23

Yuj cha, 'ac' a ti 'ayn 'a sat Dios, sec wach' matz in extj yet' eb' wunnal, yet' eb' win̈tl 'a jun lugar tic. Tza'n pax a ti 'ayin, to wach' 'oj otc a nab'en 'ayin, 'icha ach wutej, 'ixta 'oj otc pax a nab'en 'a smasnil eb' 'anma 'a jun chon̈b' 'a 'aj cajn ach 'ec' tic, xchi winac.

Ro 1:9

An tic, tzwac' servil Dios 'a smasnil in c'ojol, tzwaln 'el yab'xil Yunnal. Tzyil Dios, to a yic tzin leslwi 'a junjn 'ejem, tzin leslwi pax eyu'uj.

Jueces 11:9

—Toto tze nib'j tzin eyij 'at wac' owl yet' eb' amonita cha, q'uinloc tzyac' Jehová eb' 'a yol in c'ab', to 'ixta', tom yel 'oj in eya'ch eyajloc, xchi 'a eb'.

Miqueas 1:2

E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.