Jueces 10:17 - Chuj San Sebastian Bible

¹⁷ Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa.

Chuj San Mateo Bible

¹⁷ Ix smolb'an sb'a eb' amonita d'a Galaad, axo pax eb' israel jun, ix smolb'ejpax sb'a eb' d'a Mizpa.

Jueces 10:17 Referans Kwoze

Jueces 11:29

Yuj cha, 'ix 'och Yespíritu Jehová 'a Jefté, 'ix syamn 'och s'ati, 'ix 'ec' 'a yol yic Galaad yet' 'a yol yic Manasés. 'Ix 'ec' pax 'a Mizpa 'a yol yic Galaad cha, 'ix smolb'tzan eb' soldado, xc'och yac' owl yet' eb' amonita.

Jueces 11:11

Yuj cha, 'ix 'at Jefté yet' eb', ax eb' chon̈b' cha, 'ix ya'ch eb' win Jefté chi syajliloc. Ax 'a Mizpa cha, ata 'ix scha alj pax Jefté jun tzo'n̈ spaxti chi 'a yojltac Jehová, atn jun tzo'n̈ xyal 'a eb' 'aj Galaad chi 'a yic b'ab'el.

Gn 31:49

Sb'in pax Mizpa, yujto xyal win Labán 'ixtic: —A Jehová tzon̈ 'iln qui chawn̈il, yic tzqui pojn can qui b'a, yujto man̈x b'a'n̈ 'oj qui cha 'el'ch qui b'a.

Jueces 10:18

A eb' yajl yaj 'a scal eb' israel cajn 'a Galaad, 'ix laj yal-lanc junjn eb' 'a 'ixtic: A mach tzon̈ jucb'tzan 'a owl yet' eb' amonita, a jun winc cha, a tz'ochcn qui yajlilc qui masnil 'a Galaad tic, xchi eb'.

Jueces 11:4

'Ix 'ec' wal jab' tiempo, ax x'aji, 'ix c'och eb' amonita yac' owl yet' eb' israel cha.

Jueces 11:34

Ax yic xlajw owl cha, 'ix pax Jefté 'a yatut 'a Mizpa, ax jun c'otn yisil, a 'ix x'elt chanoc sc'ochi. Xoj schan̈lwi 'ix yet' spandereta yuj stzaljc'ojlal. Cojn wal jun yisl win cha, may junc xo snul'j 'ix.

A Ch'an̈ B'ab'el Libro Samuel 7:5

Xlajw cha, xyaln Samuel 'a eb' 'ixtic: Yamnc e b'a e masnil 'a Mizpa, an xo 'oj in leslwi 'a Jehová eyuj ta', xchi 'a eb'.

Josué 13:26

Tz'el yich 'a Hesbón, masnto tzc'och 'a Ramat-mizpa, yet' Betonim, tz'eln̈j lum 'a Mahanaim, masnto tzc'och 'a smon̈jonal yic Debir.

Jueces 11:6

'Ix yaln 'at eb' 'ixtc 'a 'a: —Cotn̈ muc'uc, tzqui nib'ej to ach tzach 'och qui yajliloc yic tzca'nec owl yet' eb' amonita, xchi eb'.