Jueces 10:14 - Chuj San Sebastian Bible

¹⁴ 'Ixquec, 'at c'anc scolwal eb' comn dios chi xeya'ch yipc e c'ojl cha. A cab' eb' tzex coln 'elt 'a scal e cusc'ojlal, xchi 'a eb'.

Chuj San Mateo Bible

¹⁴ Ixiquec c'anec scolval juntzan̈ dios ix e nib'ej chi'. Aocab' scolvaj eyed'oc ayic tzex c'och ijan d'a schucal icha tic, xchi d'a eb'.

Jueces 10:14 Referans Kwoze

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

A Ch'an̈ Schab'il Libro Yic Yab'ixal Eb' Rey 3:13

Xlajw cha, 'ix yaln Eliseo 'ixtc 'a win sreyl Israel: —¿Tas waln wic et'oc? Ata cab' tzach 'at a c'anb'c 'a eb' schecb' scomn diosal a mam a nun sayjnac, xchi Eliseo cha. —Ma'ay, yujto a Jehová on̈ yamb'tzan an̈ 'oxwn̈ reyn̈ tic on̈, yic tzon̈ ya'n 'och 'a yol sc'ab' eb' moabita, xchi 'a 'a.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Is 57:13

A yic 'oj 'el eyaw e c'ann in colwal, an xo tzwal 'ayex to a cab' eb' e diosal chi tzex colni. A eb' cha lajn eb' 'icha c'alem, 'oj 'utz'xoc 'at eb' yuj 'ic'. Ax pax eb' tzin 'a'n 'och 'a sc'ojol, 'oj can cajn eb' 'a jun chon̈b' tic, 'oj can eb' 'a lum tzaln to wicn̈ej yaji, xchi Dios.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.