Jueces 1:7 - Chuj San Sebastian Bible

⁷ Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.

Chuj San Mateo Bible

⁷ Yuj chi' ix yalan vin̈: A d'a yalan̈taxo, ix viq'uel yiximal smam sc'ab' yed' yiximal smam yoc 70 eb' vin̈ rey, ix vac'an sic'q'ue sc'ajiltac vael eb' vin̈ d'a yalan̈ in mexa. Palta axo ticnaic jun, lajan val tzin yutej Dios icha vutejnac eb' vin̈ chi', xchi vin̈. Ix yic'anb'at vin̈ eb' israel chi' d'a Jerusalén, axo ta' ix cham vin̈.

Jueces 1:7 Referans Kwoze

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.

Apoc 13:10

A eb' yic xon yaj yijx 'at presoal, 'oj 'ijxoc 'at eb' presoal. Ax eb' yic xon yaj smilx cham yet' q'uen espada, 'oj milxoc cham eb' yet' espada, xchi. Yuj cha, an̈ec yic on̈c xo Dios, yowlal te'n tzcutjec qui b'a cab'n syail, tzca'nec pax 'och qui c'ojl 'a 'a.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Ro 2:15

A sb'eyb'al eb' tzch'oxni, to 'aych jun ley chi 'a snab'en eb', ax jun snab'en eb' chi tz'a'n cuenta. 'Ixta tzyutj eb' sch'oxn 'el sb'a, to 'aych jun ley chi 'a snab'en eb'. Mun a snab'en eb' tz'a'n yojcoc 'eli, toto wach' tzb'o eb', mto ma'ay.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Ex 29:20

Tza miln cham no', ax jac schic'l no', tza succh 'a sjayl sti schicn Aarón 'a swach'. Tza'n 'och pax 'a yic eb' yunnal cha, tza'n 'och 'a sjolm snun sc'ab' eb' 'a swach' yet' 'a sjolm snun yoc eb' 'a swach'. Tzlajw cha, tza tzicn 'och schic'l no mam calnelu chi 'a yib'an̈ yet' 'a spac'b'il jun yet'l xajmb'al cha.

Jueces 1:6

Wach'xam a Adoni-bezec 'ix 'at cob' 'eloc, palta x'och tza'n eb' yin̈tl Judá yu'uj, masnto xyamchj yuj eb'. Xlajw cha, stzu'n 'el eb' snun sc'ab', yet' snun yoc.

Jueces 9:24

sec 'ixta tz'aj schan spac yuj 70 eb' yu'tac sma'jnac chamoc, atn eb' yunnal Gedeón. Ax eb' 'aj Siquem, 'ix schaj eb' spac yico', yujto xya'ch sb'a eb' yet' Abimelec yic sma'n cham eb' yu'tac cha.

Jueces 9:57

An̈jtona', 'ixta xyutj Dios eb' 'aj Siquem cha, 'ix schaj eb' spac tas maysch'olnil sb'o cha. 'Ixtnta x'aj yel'ch scatb' win Jotam win yunnal can Gedeón 'a yib'n̈ eb' 'anma cha.

A Ch'an̈ B'ab'el Libro Yic Yab'ixal Eb' Rey 21:19

'At al 'a win 'ixtic: 'Ixtc wal xyutj Jehová yaln 'ayach: Yujto 'ix a mil win Nabot, 'ix a to'n 'ec' slum winac, yuj cha, a wal 'aj 'ix le'x schic'l win Nabot yuj e no tz'i', a pax ta 'oj slec' e no ec jun xo, xchi Dios, xchi Elías cha.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.