Jueces 1:4 - Chuj San Sebastian Bible

^4-5 'Ix c'och eb' yin̈tl Judá yac' owl yet' eb' cananeo yet' pax eb' ferezeo; ax Jehová 'ix 'a'n eb' chuc chon̈b'al chi 'a yol sc'ab' eb'. Yuj cha, a 'a Bezec ata xcham lajn̈e mil eb' 'anma chi yuj eb', ajun pax win Adoni-bezec yet' eb' x'a'n cob' owl cha.

Chuj San Mateo Bible

^4-5 Icha chi' ix aj yac'an oval eb' yed' eb' cananeo yed' pax eb' ferezeo, axo Jehová ix ac'anoch eb' d'a yol sc'ab' eb'. A d'a Bezec ix ac'ji ganar 10 mil eb' cananeo yuj eb'. Ajun pax vin̈ sreyal Bezec chi' d'a scal eb'.

Jueces 1:4 Referans Kwoze

A Ch'an̈ B'ab'el Libro Samuel 11:8

Ax yic sb'isn Saúl eb' soldado chi 'a Bezec, 'ay lajn̈schawinc mil eb' 'ay 'a yol yic Judá. 'Oxe ciente mil eb' syam sb'a 'a jun tzo'n̈ xo 'in̈tal eb' israel cha, 'ix 'och tza'n eb' yu'uj.

A Ch'an̈ B'ab'el Libro Yic Yab'ixal Eb' Rey 22:15

Xlajw cha, 'ix jaw win 'a yojltac win rey cha, 'ix yaln win rey chi 'ixtc 'a winac: Micaías, ¿tzam stac' 'at wa'nc owl 'a chon̈b' Ramot, 'a yol yic Galaad, mto ma'ay? xchi win 'a 'a. 'Ix ta'w cob' Micaías 'ixtc 'a winac: —'Ixc 'a owl cha, ach 'oj 'ac' ganar, yujto a Jehová 'oj 'a'nc jun chon̈b' chi 'a yol a c'ab', xchi 'a winac.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ B'ab'el Libro Samuel 14:10

Palta toto tzyal eb' 'ayn̈ 'ixtic: Cotn̈ec 'aj 'ayn̈ 'ec' tic, toto xchi eb', tzon̈ 'at 'aj 'ayc' eb' cha, yujto a jun cha, ch'oxnb'il 'oj 'aj 'ayon̈, chajtlto a Jehová tz'a'n 'och eb' 'a yol qui c'ab', xchi.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.

Dt 9:3

Yuj cha, yowlal tzeyojquej 'el ticnec, to a Jehová qui Diosalec, a 'oj b'ab'ljoc eyu'uj, 'icha wal junc c'ac' tzn̈uswji. A 'oj satnc 'el eb' 'anma chi 'a eyojltac. Ax xo tic, 'oj e pechl eb', ax e satn 'el eb' muc'uc, 'icha wal 'ix yutj Jehová yaln 'ayn̈ec.

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

Jueces 1:3

Yuj cha, ax eb' yin̈tl Judá, 'ix 'awtn jun 'in̈tal eb' yit chon̈b' yet'oc, atn eb' yin̈tl Simeón. Xyaln eb' 'a eb' 'ixtic: Coyc quet' 'a lum lum 'ix 'ajx quico'oc on̈, ca'c owl yet' eb' cananeo. 'Oj lajwc cha, ax qui 'at eyet' on̈, yic tzca'nec owl yet' eb' 'anma a lum e lum 'ix 'ajx eyico'oc, xchi eb'. Yuj cha, 'ix 'at eb' yin̈tl Simeón yet' eb'.

Salmos 44:2

Yet' a poder 'ix a pechn can 'el eb' chuc chon̈b'al 'a slu'um. 'Ix a satn can 'el jun tzo'n̈ niwc chon̈b' cha. Ax eb' qui mam quichm on̈, a eb' 'ix ac' cajnc jun lugar tic.

Salmos 78:55

'Ix yi'n can 'el jun tzo'n̈ eb' 'anma chuc chon̈b'al 'a yojltac eb' qui mam quichmec cha. Junjn petn̈ xyutj spojn can 'ec' lum lum chi 'a junjn 'in̈tal eb'. 'Ix can cajn eb' qui mam quichmec chi 'a slum eb' chuc chon̈b'al cha.

Jueces 3:5

'Ixta 'ix 'aj scan eb' 'a scal eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Jueces 11:32

'Ix 'at Jefté yet' eb' soldado yac' owl yet' eb' amonita cha, ax Jehová 'ix 'a'n eb' 'a yol sc'ab' eb', yic tz'ajx ganar eb' yuj eb'.