Jueces 1:26 - Chuj San Sebastian Bible

²⁶ A jun winc cha, 'ix 'atcn 'a slum eb' hitita, 'ix sb'on chan̈ jun chon̈b' ta'. 'Ix ya'n can eb' sb'ic Luz.

Chuj San Mateo Bible

²⁶ A jun vin̈ chi', ix b'atcan vin̈ d'a slum eb' hitita, ix sb'oanq'ue jun chon̈ab' vin̈ ta', Luz ix yac' vin̈ sb'iej. Ix ochn̈ejcan jun b'i chi' d'a jun chon̈ab' chi'.

Jueces 1:26 Referans Kwoze

2 Cr 1:17

A stojl junjn caruaje cotnc 'a Egipto cha, waque ciente plata stojol, ax stojl junjn no chej, nan̈l schab'l ciente. Ax smasnil eb' sreyl eb' hitita, yet' eb' sirio, a eb' tzmann jun tzo'n̈ chi 'a eb' chon̈wjum cha.

A Ch'an̈ Schab'il Libro Yic Yab'ixal Eb' Rey 7:6

Yujto a Jehová 'ix 'a'n yab' eb' sirio 'a scamplamento, 'icha to xc'an̈ yec' jun tzo'n̈ caruaje yic owal, no chej yet' nan̈l soldado. Yuj cha, 'ix laj yal-lanc eb' 'a jun jun, to a sreyl chon̈b' Israel 'ix tojn win sreyl eb' hitita yet' win sreyl Egipto yic tzya'n eb' owl yet' eb' yalni.

Jueces 1:25

Ax jun winc chi xch'oxn 'a eb' 'ajtil wach' yoch eb' 'a yol chon̈b' cha. Yuj cha, 'ix cot eb' soldado yic eb' yin̈tl José yac' owl yet' jun chon̈b' cha, ax smasnil eb' 'anma cajn ta', c'uxn stzu'x can cham eb' yuj eb'. Ax jun sch'oxn b'e chi 'a eb', 'ix yac' eb' niwnc'ojlal 'a 'a, yet' 'a smasnil eb' cajn 'a yol yatut.

Jueces 1:27

Eb' 'anma ma'ix techj spechn 'el eb' yin̈tl Manasés: atn eb' 'aj Bet-seán, eb' 'aj Taanac, eb' 'aj Dor, eb' 'aj Ibleam, eb' 'aj Meguido, yet' eb' 'ay 'a yaldeail jun tzo'n̈ chon̈b' cha. A eb' cananeo 'a jun tzo'n̈ chon̈b' cha 'ix ste'wtzej sb'a eb' 'a owal, yuj cha 'ix can cajn eb' ta'.