Jueces 1:22 - Chuj San Sebastian Bible

^22-23 'Ixta pax eb' yin̈tl José, 'ix 'at eb' yac' owl 'a Bet-el, atn jun chon̈b' chi Luz sb'i 'a yic pecti'. A yic mantzac 'och owl cha, xya'n 'at eb' yilmal jun lum cha yic tz'at smaclnoc eb' yila'. A Jehová a xcolwj yet' eb'.

Chuj San Mateo Bible

^22-23 A eb' yin̈tilal José, ix yac' lista sb'a eb' sb'at yac' oval d'a chon̈ab' Betel, aton Luz d'a peca'. Ayic ix schecanb'at eb' ilum lum eb' ta', a Jehová ix colvaj yed' eb'.

Jueces 1:22 Referans Kwoze

Jueces 1:19

A Jehová, a 'ayc' yet' eb' yin̈tl Judá, yuj cha, sta'n yi'n 'ec' eb' lum jolmctac witz, palta ma'ix stac' spechx 'el eb' cajn 'a lum pan̈n chi yuj eb', yujto a eb' cha, 'ay sq'uen caruaje eb' yic owal.

1 Cr 7:29

A 'a yol yic Manasés, ata 'ay chon̈b' Bet-seán, Taanac, Meguido yet' Dor, yet' smasnil yaldeail jun jun. Atn 'a jun tzo'n̈ lugar chi 'ix can cajn eb' yin̈tl José, win yunnal can Israel.

A Ch'an̈ Schab'il Libro Yic Yab'ixal Eb' Rey 18:7

Ax smasnil tas sb'o Ezequías cha, wach' 'ix 'el'chi yujto 'aych Jehová yet'oc. 'Ix meltzj 'och 'a sreyl chon̈b' Asiria, ma'ix schaj 'och sb'a yac' servil.

Josué 14:4

Chapojn̈ x'ajl eb' yin̈tl José, atn eb' yic Manasés, yet' eb' yic Efraín. Ax eb' yin̈tl Leví, may smacl lum eb' scha'aj, cojn jun tzo'n̈ chon̈b' x'ajx 'a eb' yet' 'aj tzwa scajb'en noc' eb' 'a stitc chon̈b' cha.

Nm 1:32

'A eb' yin̈tl José yuj Efraín 'ay 40,500; 'a eb' yic Manasés 'ay 32,200.

Gn 49:24

Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

Josué 8:12

'Ix ya'n Josué sc'ub'c 'el sb'a am junc o'e mil eb' soldado chi 'a snan̈l Bet-el yet' Hai, 'a stojlal 'aj tz'em c'u 'a jun chon̈b' cha.

Jueces 1:21

Palta ax eb' yin̈tl Benjamín, ma'ix stac' spechx 'el eb' jebuseo cajn 'ec' 'a Jerusalén yuj eb'. Yuj cha, a eb' jebuseo yet' eb' yin̈tl Benjamín, junn̈j xcan cajn eb' 'a Jerusalén cha.