Jueces 1:18 - Chuj San Sebastian Bible

¹⁸ Palta ma'ix stac' yi'n 'ec' eb' yin̈tl Judá chi chon̈b' Gaza, Ascalón, Ecrón, yet' smasnil lum lum 'ay 'a yol yic junjn chon̈b' cha.

Chuj San Mateo Bible

¹⁸ Ix yic'anpax chon̈ab' Gaza eb', Ascalón yed' Ecrón yed' slumal d'a spatictac.

Jueces 1:18 Referans Kwoze

Josué 11:22

Yuj cha, man̈x 'a junc eb' yin̈tl win Anac xcan 'a sat slum eb' israel. Cojxn 'a Gaza, 'a Gat yet' 'a Asdod, ata xcan jaywn̈ xo eb' yin̈tl win cha.

Jueces 3:3

Atn eb' tic cannac: O'e chon̈b'al eb' filisteo, smasnil eb' cananeo, eb' sidonio yet' eb' heveo, atn eb' cajn 'a lum jolmctac witz 'a Líbano, tz'atn̈j 'a lum yic Baal-hermón, masnto tzc'och 'a Hamat.

A Ch'an̈ B'ab'el Libro Samuel 6:17

A o'e eb' q'uen oro b'ob'il 'icha yilx malel, yuj ya'n eb' filisteo stojloc smul 'a Jehová, 'ix yac' eb' yuj chon̈b' Asdod, yuj chon̈b' Gaza, yuj chon̈b' Ascalón, yuj chon̈b' Gat yet' yuj chon̈b' Ecrón.

Jueces 16:21

'Ix yamchj yuj eb' filisteo. Xlajw cha, xyi'n 'elt eb' yol sat, xyi'n 'at eb' 'a chon̈b' Gaza. Ata xya'ch eb' q'uen cadena nab'a bronce 'a 'a, xya'n 'och eb' 'a preso. Xya'n eb' 'ajxc munljoc 'a q'uen mulino 'a yol preso cha.

Josué 13:3

tz'atn̈j lum 'a a a tzcuch Sihor 'ay 'a stojlal 'aj tzq'uel c'u 'a Egipto, masnto 'a smon̈jonal Ecrón, 'a stojlal norte, atn lum yic eb' cananeo. A 'a jun lum cha, ata 'ay own̈ eb' syajlil eb' filisteo, atn eb' yajl yaj 'a Gaza, 'a Asdod, 'a Ascalón, 'a Gat yet' 'a Ecrón. 'Ayt can pax lum yic eb' heveo 'a stojlal sur,

Ex 23:31

Tox 'ix wac' 'ejm smon̈jonal 'ajtil 'oj 'ec' lum e lum cha: tz'el yich lum 'a a Chac Mar, masnto tzc'och lum 'a a Éufrates, tz'ec' pax lum 'a a Mar Mediterráneo 'a 'aj 'ayc' eb' filisteo, masnto tzc'och lum 'a cusltac lu'um. 'Oj wa'ch eb' cajn 'a jun lugar chi 'a yol e c'ab', ax xo 'oj e pechl eb' 'a sat lum lum cha.

A Ch'an̈ B'ab'el Libro Yic Yab'ixal Eb' Rey 4:24

A Salomón yajl yaj 'a yib'n̈ lum lum 'a stojlal 'aj tz'ejm c'u 'a a Eufrates, tzchaj cot 'a Tifsa, masnto 'a Gaza; a yajl 'a yib'n̈ smasnil sreyl jun tzo'n̈ chon̈b' cha, caw wal 'ay junc'ojlal 'a scal yet' jun tzo'n̈ nacion̈ 'ay 'a stz'ey.

Jeremías 47:5

A smasnil eb' 'anma 'a chon̈b' Gaza, 'oj sjoxl eb' xil sjolm yuj cusc'ojlal, ax eb' 'ay 'a chon̈b' Ascalón, caw sictac xoj 'oj 'aj eb'. Ax xo cajn ex 'a span̈nil sti a mar, ¿b'a'n̈ 'oj eyoch wan eya'n lajwc e niwnal yuj e ch'oxn 'el e cusc'ojlal?

Dt 2:23

An̈jtona', 'ixta 'ajnc eb' aveo cajn 'a jun tzo'n̈ lugar 'a stz'ey Gaza. Lajwnac 'el eb' yuj eb' filisteo cotnc 'a Caftor. 'Ixta 'ajnc eb' yochcn 'a sat lu'um.)

Josué 15:11

masnto 'a stojlal norte yic Ecrón. Tz'atxi, masnto tzc'och 'a Sicrón, tz'e'x 'a lum witz yic Baala, tz'e'x 'a Jabneel, axta tzlajw c'och lum 'a a Mar Mediterráneo.

Jueces 14:19

Xlajw cha, 'ix japx Yespíritu Jehová 'a yib'n̈ Sansón, 'ix 'at sma'nc cham lajn̈schawinc eb' filisteo 'a chon̈b' Ascalón. 'Ix yi'n 'el spichl eb' cha, ax jun tzo'n̈ pichl chi xyac' stojloc eb' x'a'n spac jun tzo'n̈ paxti cha. Caw wal 'ay cot yowl si'mb'il yic 'ix pax 'a yatut smam.

Jeremías 25:20

yet' junjn macn̈ eb' 'anma 'ayc' ta'. 'Ix wa'n pax yuc' smasnil eb' rey 'ay 'a chon̈b' Uz, yet' eb' 'ay 'a yol smacb'en eb' filisteo: atn Ascalón, Gaza, Ecrón yet' eb' 'ayt can pax 'a Asdod.